Luù 7:33 - WƆŊ FƐ̀Ì EBÒ SÌÀŊ DAYÀA

³³ Wo Jɔ̀ɔŋ Gùà Nyùnɔ̀ɔŋ naŋ wa hnè yèè wò naŋ kùwò ke tɔùŋ, kɛɛ wo gò tìà màŋ tala muaŋ, yèè nìŋ naŋ woò nààŋ, ‘Wo jinàŋ naanààŋ yàaùŋ sùà!’

Luù 7:33 ပူးပေါင်းရင်းမြစ်များ

Maafiù 10:25

Weètii wo kààjɔa kuwa wo kɛ̀ɛ̀nɛ̀ŋ ke jii fàa wèè wò nɔ̀ŋ mààŋ wo kààmɔɔuŋ nɔɔ̀ŋ, e kìlà wo ɗo wò nɔ̀ŋ mààŋ wo kɛ̀ɛ̀nɛuŋ nɔɔ̀ŋ. Sèè anyùùŋ aŋ nyààŋ wo ɓɛ̀màŋɗì ke kpooɛ̀ wo Bɛɛziɓù, jàaìŋ jii kɛ̀ àŋ doiŋ nàŋ nyììnyɛ̀ŋ maŋ dèè maŋ gòiŋ teenè maŋ.

Maafiù 3:1

E teenga lii sùà wo Jɔ̀ɔŋ Gùà Nyùnɔ̀ɔŋ naŋ wa hnè ke fòùngà e diì wòaà sùà ko Jùdià yèè wò naŋ tɔ̀ɔ̀tù gbòà ke mìè Dayàa.

Maafiù 3:4

Wo Jɔ̀ɔŋ hewa gɔ̀àà maŋ deè bàànè maŋ dùùm ɗòsòo. Wò naŋ wa dìkìè e tɛ̀kì wɔŋ fɛ̀ì yilì e tɛɛuŋ nɛ̀, e kìlà enɛ̀jeuŋ nɛ̀ nàŋ yaà wa aŋ gɔungɔ̀ gbeegbèè nyaŋ yaà aŋ gɔ̀ì.

Luù 1:15

Wo Jɔ̀ɔŋ do nàŋ nɔ̀ŋ wo ɓɔ̀ìjɔ̀à nɛɛmaŋ wèè wo Kanaà Dayà. Julɔfɔ ɓɔ̀ wò tìà màŋ tala muaŋ ɔ̀ɔ̀ è biyà, yèè e gààŋ wo Jìnàŋ Nɛɛmaàŋ douŋ nàŋ nɔ̀ŋ diɛŋ e yìwìà ke ɗɔɔɛ̀ àŋ douŋ nàŋ kòmò lɛ.

Luù 7:32

Àŋ yaà mààŋ aŋ jɔ̀àkàiŋ àŋ jaa ko mììnyɛ̀ŋ bòliì, ke gbòò guùŋ kè kpiinyàŋ aŋ dàwi. ‘È naiŋ dàà maŋ nùŋ kpai weèiŋ, kɛɛ niŋ gò yèwà, eiŋ dàà maŋ nùŋ ke nyowo, kɛɛ niŋ gò gòlà.’

Luù 7:34

Kɛɛ nààŋ miàim wo Jɔ̀àfèlàà Nyuùŋ kpùnɔɔ̀ŋ naŋ hnè, mìŋ naŋ jènɛ̀ŋ yèè mìŋ naŋ tìè, nìŋ naŋ ɓɛìŋ woò nààŋ, ‘Wo felaa wɛɛ̀ jènɛ̀ŋ yèè wò tie zimgbe! Aŋ dàwiuŋ nyàŋ nàŋ yaà anyuùŋ kùwà nɛ̀ɛ̀nɛ̀ŋ fuɔɔ̀ŋ yaà anyùùŋ maŋ jùumù.’

Jɔ̀ɔŋ 10:20

Aŋ Juùù nyaŋ zimgbe nyiŋ naŋ wa woò nyààŋ, “Wo jinàŋ naanààŋ yàaùŋ maŋjɛ̀wɛ! Wò naŋ sààŋ ke gbòà! Wèè kiìŋ nìŋ kumìàŋ e nɛ̀ɛŋ wò yaà woo lɛ̀?”

Jɔ̀ɔŋ 8:48

Aŋ Juùù nyaŋ naŋ wòò wo Jisɛ̀ nyààŋ, “È naum wa wòò e tɔɔɓaaà kɛ̀ mùŋ yaà wo nyùùŋ e yìwìà ko Sàmilià yèè kɛ̀ wo jinàŋ naanààŋ yààùm ko sùà.”

Jɔ̀ɔŋ 8:52

Kpeiŋ aŋ Juùù nyaŋ nauŋ woò nyààŋ, “Èiŋ naàŋ nyìmàŋ kɛ̀ wo jinàŋ naanààŋ yààùm ko sùà. Wo Eɓulɔhɛɛ̀ŋ naŋ wa fɔ̀, e hààwè aŋ wɛ̀ijì nyaŋ. Dièsɔa mùŋ naŋ ɓɛ̀nɛ̀ŋ wòo mààŋ kɛ̀ wo nyùnɔ̀ɔŋ haawà maŋ mìè gbòaim màŋ wɔ wo naàŋ wa nàwèè fɔ̀ julɔfɔ?

Nyɛ̀nɛ̀ŋ 2:13

Kɛɛ aŋ bà nyiŋ yaà wa hììlè anyuùŋ hààwe nyàŋ e kìlà àŋ yaà woo nyààŋ, “Maŋ mùàŋ naŋ kùwò anyùùŋ nyɛɛ̀ŋ!”