Luù 7:30 - WƆŊ FƐ̀Ì EBÒ SÌÀŊ DAYÀA

³⁰ Kɛɛ aŋ Fɛlosiì nyaŋ yèè aŋ kààmɔ̀ɔ̀ŋ maŋ Sàwà Dayà nyaŋ naŋ wa ge maŋhɛɛ wèè aŋ jɔ̀ɔ̀lɔ̀ wo Dayà dìì yèè aŋ gò wa nyimèè wèè wò Jɔ̀ɔŋ wo nyiŋ gùà.

Luù 7:30 ပူးပေါင်းရင်းမြစ်များ

Maafiù 22:35

Kpeiŋ wò guùŋ, wo kààmɔ̀ɔ̀ŋ maŋ Sàwà Dayàa bà, manaŋ wa wo gɛ̀ɛ̀ wo Jisɛ̀ jɛ̀wɛ̀ yèè wò nauŋ dawè wààŋ,

Luù 13:34

Wo Jisɛ̀ wààŋ, “Kuoo nyɛ̀iŋ nààŋ nyùnòò Jùlusɛ̀làm nyaŋ! Anyunùiŋ nyàŋ naŋ wa jìwè aŋ wɛ̀ijì nyaŋ, àŋ naŋ hɔ̀wɔ̀ aŋ keela nyàŋ wo Dayà naŋ wa tùɔ̀ŋ ko nɛ̀ɛ̀iŋ niìŋ nyaŋ. E teenga zimgbe mìŋ naŋ nyɛ̀nɛ̀ŋ wànàŋ wèè kaiŋ gbònògbònò koɓɛ̀ guùŋ, màànààŋ wo tɔɔ boolìɔ gbonàŋ aŋ tɔɔjɔauŋ nyàŋ maŋ gbauŋ màŋ dìì lɛ. Kɛɛ niŋ gò wa nyimèè wèè mìŋ doiŋ gbònò kòɓɛ̀ guùŋ.

Luù 20:6

Kɛɛ sèè zà eiŋ ɓɛìŋ woò wìàà, ‘Wo nyuùŋkpùuŋ sìwè,’ anyùùŋ nyɛɛ̀ŋ gbiŋ do wi nàŋ hɔ̀wɔ̀, esaɓù kɛ̀ anyùùŋ nyaŋ gbiŋ wa haawè kɛ̀ wo Jɔ̀ɔŋ yaà wa wo wɛ̀ijì.”

Luù 7:31

Wo Jisɛ̀ naŋ ɓɛìŋ woò wààŋ, “Kɛɛ kiìŋ mìŋ naŋ ɓɛ̀nɛ̀ŋ tèènè anyuùŋ kpùuŋ nyàŋ nàaŋ ɗɔɔ yɛɛ̀ wèè aŋ nɔ̀ŋ? Kiìŋ àŋ nyuùŋkpùuŋ ziì àŋ yaà?

Nyɛ̀nɛ̀ŋ 20:27

Kàiŋ wòò e yèɛ gbiŋ wo Dayà manaŋ wèè naŋ nyìmàŋ lɛ.

Luùm 10:21

Wo Dayà naŋ ɓɛìŋ woò e nyaàiŋ dè anyùùŋ Ezɔ̀ɛ̀ nyaŋ wààŋ, “Wɔŋ niìsìaà gbiŋ sùà mìŋ joowà maŋ kùàŋ fùùŋ wèè ka jàà anyuùŋ gò jɔɔlɔ̀ yaà anyùùŋ dàà ke gbòà nyaŋ kùàŋ dìì.”

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

Gàla 2:21

Mìŋ naŋ gangà wèè ka gììyà e tɛ̀ɛ̀tɛ̀ɛ̀ Dayà maŋhɛɛ. Kɛɛ sèè wo Dayà naŋ ɓɛ̀nɛ̀ŋ jàà wo nyùùŋ kùàŋ dìì wèè wo nɔ̀ŋ nyùùŋ tɔ̀ɔ̀nyaàŋ ko nɛ̀ɛ̀uŋ niìŋ e yìwìà ke Sàwàuŋ nɛɛ̀ŋ dìì, è do naŋ tɔɔ̀ kɛ̀ wo Jisɛ̀ Kulaì naŋ wa fɔ̀ e wèè foo!

Ɛfesɔ̀ 1:11

Wo Dayà nyɛnɛŋ e yèɛ gbiŋ wò ɗewà lɛ e kaaìŋ, e wèètii wò naŋ wa tà wo Jisɛ̀ Kulaì ke ɗùù wèè wo wi ɓemè.