Luù 7:22 - WƆŊ FƐ̀Ì EBÒ SÌÀŊ DAYÀA

²² Wo Jisɛ̀ naŋ nyiŋ fasàì wààŋ, “Kɛ̀ɛìŋ maŋjɛ̀wɛ niŋ woò wo Jɔ̀ɔŋ e yèɛ nìŋ naŋ kòmò yèè nìŋ naŋ yɛmɛ̀ lɛ. Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Kà nyɛ̀nɛ̀ŋ anyuùŋ fàa nyàŋ yèwà e fàa dìì wɔŋ nyiiŋ gèe sùà, yèè kà wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Luù 7:22 ပူးပေါင်းရင်းမြစ်များ

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 21:14

Anyuùŋ zììlè le fɛ̀ɛ̀ nyaŋ yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ naŋ hnè koɓɛ̀ Jisɛ̀i ko Saaŋ Zòòlò Dayài, yèè wò naŋ nyiŋ sùngò.

Luù 4:18

“Wo Jìnàŋ Kànà È Gunɔ̀ɔŋ kòò wò yààìm diɛŋ, esaɓù kɛ̀ wòim tàeɗùù wèè ka wòò ebò siaàŋ koɓɛ̀ anyuùŋ pɔ̀ɔ nyàŋ. Wo Kanaà naim tɔ̀ùŋ wèè ka wòò anyùùŋ nyaŋ yaà e ɗo dìì nyaŋ kɛ̀ àŋ niŋ fòlà dìì, yèè wèè ka nyɛ̀nɛ̀ŋ anyuùŋ zììlè le fɛ̀ɛ̀ nyaŋ aŋ yɛ̀mɛ̀ dìì, e kìlà wèè ka nyɛ̀nɛ̀ŋ anyùùŋ nyaŋ jaa e kpòònàà maŋ keì nyìnga dìì nyaŋ aŋ miŋ fòlà dìì,

Luù 7:21

E teenga lii sùà wo Jisɛ̀ naŋ wa sùngò anyuùŋ zimgbe kɛ̀ɛ̀nɛ̀ŋ maŋ sàaŋ gɛ̀wɛɛ̀, wo gè aŋ jinàŋ naanààŋ anyùùŋ maŋjɛ̀wɛ, yèè wò naŋ kpuumò wo gbàì maŋ fɛ̀ɛ̀ anyuùŋ zììlè le fɛ̀ɛ̀ zimgbe.

Luù 7:23

Wo Dayà do nàŋ kpùùmò anyùùŋ nyaŋ gbiŋ gòim gììyà màŋhɛɛ, èsàɓù màŋ keì maŋ mìŋ nyɛnɛŋ màŋ.”

Jɔ̀ɔŋ 1:46

Wo Nàntanyàŋ naŋ dawè wààŋ, “E nɛ̀ŋ kɛnɛ gbiŋ ɓɛ̀nɛ̀ŋ fòlà ko Naazɔ̀ɛ̀?” Wo Felè naŋ fasàì wààŋ, “Hnaàŋ muŋ yɛmɛ̀ wèè muàŋ bi.”

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Nyɛ̀nɛ̀ŋ 8:7

Aŋ jinàŋ naanààŋ nyaŋ naŋ wa kpààŋ sɛiŋ aŋ fòlò anyuùŋ zimgbe ko sùà, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ yèè anyuùŋ kpɔ̀ɔ̀kpɔɔ nyàŋ zimgbe nyiŋ naŋ wa jòèyè.

Jìiiŋ 2:5

Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.