Luù 7:17 - WƆŊ FƐ̀Ì EBÒ SÌÀŊ DAYÀA

¹⁷ Ebò Jisɛ̀ lɛɛ̀ naŋ ɓààyè wɔŋ fùɔ̀ŋ Jùdiàa yèè maŋ kpàlàùŋ kpàlàùŋ miiŋ maŋ gbiŋ sùà.

Luù 7:17 ပူးပေါင်းရင်းမြစ်များ

Maafiù 2:1

Àŋ naŋ wa kùmìè wo Jisɛ̀ ko jawaì àŋ nyaaŋ ko Bɛfilehɛɛ̀ŋ wɔŋ fùɔ̀ŋ Jùdiàa sùà, e teengaà wo Hɛɛlɔ̀ yaà wa wo kana lɛ̀. E tèèngà guùŋ bi sùà, anyuùŋ kɛ̀ɛ̀jii bà aŋ yè nyaŋ naŋ wa nyìmè yèè àŋ kiɛ̀ŋ e fàsai e nyaàiŋ dè e ɗewe kiiɛ̀ maŋ ɗu màŋ jaà ke nyiliɛ̀ lɛ naŋ hnè. Anyùùŋ bi naŋ wa e yìwìà e tèèngà ko fùlìè gɔɛɛ̀ yèè àŋ naŋ yɛ̀mɛ̀ e jɛ̀ì kìì maŋ ɗu màŋ ke nyiliɛ̀ yèè àŋ naŋ hnè ko Jùlusɛ̀làm,

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Maafiù 9:26

Ebò keì lɛɛ̀ naŋ wa ɓààyè maŋ kpàlàùŋ kpàlàùŋ màŋ gbiŋ sùà wɔŋ fuɔŋ wiiŋ.

Maafiù 9:31

Kɛɛ aŋ felaa nyàŋ naŋ kɔ̀ yèè àŋ naŋ ɓààyè ebò keì lɛɛ̀ maŋ kpàlàùŋ kpàlàùŋ màŋ gbiŋ sùà wɔŋ fuɔɔ̀ŋ fàà wiiŋ, e nyaàiŋ dè e yèɛ wo Jisɛ̀ naŋ nyɛ̀nɛ̀ŋ lɛ.

Luù 4:14

Wo Jisɛ̀ naŋ kɛ̀ɛ̀ maŋjɛ̀wɛ wɔŋ fùɔ̀ŋ Galaliìɔ sùà e gààŋ Jìnàŋ Nɛɛmaàŋ yàaùŋ maŋjɛ̀wɛ. Ebòuŋ nɛ̀ naŋ wa ɓààyè maŋ kpàlàùŋ kpàlàùŋ maŋ gbiŋ sùà e nyaàiŋ dè maŋ keì maŋ wò yaà wa nyinie màŋ.

Luù 7:14

Kpeiŋ wo Jisɛ̀ naŋ kɔ̀ yèè wò naŋ mɛ̀nlɛ̀ɛ̀ŋ wɔŋ kààŋ fàaà, yèè anyùùŋ nyaŋ yaà kòà sùà wɔŋ kàaàŋ nyaŋ naŋ sie. Yèè wo Jisɛ̀ naŋ woò wààŋ, “Dakenàŋ, yewà dìì.”