Luù 7:16 - WƆŊ FƐ̀Ì EBÒ SÌÀŊ DAYÀA

¹⁶ E jùù naŋ wa nyɛ̀nɛ̀ŋ anyùùŋ nyaŋ gbiŋ, yèè àŋ naŋ tɛ̀nɛ̀ŋ wo Dayà. Àŋ naŋ wa woò nyààŋ, “Wo wɛ̀ijì gbee wò wi hnàŋ e tɛɛ, wo Dayà hnàŋ koɓɛ̀ anyunùuŋ nyàŋ wèè wo nyiŋ joeyè.”

Luù 7:16 ပူးပေါင်းရင်းမြစ်များ

Maafiù 15:31

E keì bi naŋ wa fòònò anyùùŋ nyaŋ wèè e yèɛ àŋ naŋ wa yɛmɛ̀ yèè àŋ naŋ kòmò lɛ. Anyùùŋ nyaŋ kòò àŋ gbòò wa nyàŋ naŋ gbòò. Anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ naŋ jòèyè, anyuùŋ kpɔ̀ɔ̀kpɔɔ nyàŋ naŋ kaaìŋ, yèè anyuùŋ zììlè le fɛ̀ɛ̀ nyaŋ naŋ yɛ̀mɛ̀ dìì. Anyùùŋ nyaŋ gbiŋ naŋ wa tɛ̀nɛ̀ŋ wo Dàyà Ezɔ̀ɛ̀ɔ.

Maafiù 21:11

Anyùùŋ nyaŋ e faaàŋ sùà naŋ fasàì nyààŋ, “Wo Jisɛ̀ wɛɛ̀, wo wɛ̀ijìɔ e yìwìà ko Naazɔ̀ɛ̀ wɔŋ fùɔ̀ŋ Galaliìɔ.”

Maafiù 28:8

Yèè àŋ naŋ kɔ̀ maŋ dùaŋ dùaŋ e yìwìà koɓɛ̀ ke hùaàŋ. Jòòpɛɛ e jùù yaà nyiìŋ wa, kɛɛ maŋ jii nyiŋ màŋ naŋ wa dìè e zɔlɔ̀, àŋ naŋ dùɔ̀ŋ wèè aŋ ka aŋ woò ebò lɛɛ̀ koɓɛ̀ anyùùŋ màŋjɛ̀wɛ̀uŋ nyàŋ.

Maafiù 9:8

Nààŋ anyùùŋ nyaŋ naŋ wa tɛɛ̀ yɛmɛ̀, e jùù naŋ nyiŋ nyɛ̀nɛ̀ŋ yèè àŋ naŋ tɛ̀nɛ̀ŋ wo Dayà wèè wo kìɛ̀ŋ e gààŋ mààŋ tɛɛ̀ koɓɛ̀ anyuùŋ kpùuŋ.

Luù 1:65

E jùù naŋ wa nyɛ̀nɛ̀ŋ anyuùŋ jɛ̀i dàwiuŋ nyàŋ maŋ gboo kuaŋ maŋ sùa, e nyaàiŋ dè e yèɛ naŋ kaàiŋ lɛ. Anyùùŋ nyaŋ gbiŋ wɔŋ fàà maŋ toò maŋ ko Jùdià naŋ ɓèmè e keì lɛɛ̀ wèè e nɔ̀ŋ e keì wòo.

Luù 1:68

“Tɛ̀nɛ̀ŋ wiìŋ wo Kanaà, wo Dàyà anyùùŋ Ezɔ̀ɛ̀ nyaŋ! Wò hnàŋ wèè wo joeyè anyunùuŋ nyàŋ.

Luù 19:44

Àŋ doum nàŋ nɛɛlɛ̀ ko dììnaŋ yèè aŋ jìwà anyunùum nyàŋ gbiŋ. Ke dùò guùŋ pɛɛ maŋ saaiŋ màŋ ke naàŋ jèè hàwè kè dàwi nyiŋ nɛɛ̀ŋ diɛŋ. Tɛɛ̀ do nàŋ kaaìŋ esaɓù kɛ̀ niŋ gò yɛmɛ̀ kɛ̀ wò Dayà naŋ hnè wèè woiŋ joeyè.”

Luù 2:20

Nààŋ anyuùŋ tùnìàŋ ɓaawaa nyàŋ yaà wa kɛ̀ɛ̀ sùà maŋjɛ̀wɛ, àŋ yaà wa tɛ̀nɛ̀ŋ sùà wo Dayà àŋ yaà wòò maŋ keì sìàŋ e weèuŋ. Esaɓù kɛ̀ e yèɛ gbiŋ àŋ naŋ wa kòmò yèè àŋ naŋ yɛmɛ̀ lɛ naŋ wa nɔ̀ŋ e tɔ̀ɔ̀nyaàŋ màànààŋ nɔŋ wo màikàa naŋ nyiŋ wa woò lɛ.

Luù 24:19

Wo Jisɛ̀ naŋ dawè wààŋ, “Kiìŋ màŋ keì naŋ kaaìŋ?” Àŋ naŋ woò nyààŋ, “Maŋ keì maŋ naŋ kààìŋ wo Jisɛ̀ e yìwìà ko Naazɔ̀ɛ̀ maŋ. E yìwìà maŋ keì maŋ wò nàŋ nyɛ̀nɛ̀ŋ yèè wò naŋ woò maŋ naŋ tɔɔ̀ kɛ̀ wò yaà wo wɛ̀ijì ko fɛ̀ɛ̀fèìŋ Dayà yèè anyùùŋ nyaŋ gbiŋ.

Luù 5:26

Tɛɛ̀ naŋ wa fòònò anyùùŋ nyaŋ gbiŋ. E jùù naŋ nyiŋ nyɛ̀nɛ̀ŋ, àŋ naŋ tɛ̀nɛ̀ŋ wo Dayà àŋ yaà woo nyààŋ, “Kiìŋ è kèè mèè gbee è naiŋ yaà nàaŋ yɛmɛ̀ lɛ!”

Luù 5:8

Nààŋ wo Saimɔ̀ŋ Piilɛ̀ naŋ yɛ̀mɛ̀ aŋ kɛ̀ì nyaŋ, wò naŋ dè maŋ gɛ̀ɛ̀nùuŋ màŋ dìì wo Jisɛ̀ fɛɛ̀feìŋ yèè wò naŋ woò wààŋ, “Kanaà, ɓɔ̀ mùŋ gbɛ̀ɛ̀im, esaɓù kɛ̀ mìŋ yaà wo nyùùŋ maŋ jùumù.”

Luù 7:15

Wo felaaà naŋ fɔ̀ wɔ naŋ yèwè dìì wo jɛi, yèè wò naŋ tɔ̀ɔ̀tù gbòa. Kpeiŋ wo Jisɛ̀ nauŋ kɛ̀lɛ̀ɛ̀ koɓɛ̀ wo nààŋ kòmauŋ nɔɔ̀ŋ.

Luù 7:39

Wo Fɛlosiìɔ naŋ nyààŋ wo Jisɛ̀ wɔ naŋ wòò ke jiiuŋ nɛɛ̀ŋ sùà wààŋ, “Sèè wo kenàŋ wɛɛ̀ tɔɔɓaa wo weè nɔ̀ŋ wo wɛ̀ijì, wò he weè nàŋ nyìmè kɛ̀ ɓòò nàŋ yaà wo nìeɔ̀ yàaùŋ mɛ̀nlɛɛŋ sùà wɔ. Wò henàŋ nyìmè kɛ̀ wò yaà wo nyùùŋ maŋ jùumù.”

Luù 8:37

Kpeiŋ anyùùŋ nyaŋ gbiŋ maŋ kpàlàùŋ kpàlàùŋ miiŋ sùà e gbɛ̀ɛ̀ ko Gɛ̀lesà naŋ pɔ̀wɔ̀ wo Jisɛ̀ wèè wo yèwà wɔŋ fuɔŋ nyiŋ nɔɔ̀ŋ sùà, esaɓù kɛ̀ e jùù naŋ wa nyɛ̀nɛ̀ŋ aŋ gbiŋ. Wo Jisɛ̀ naŋ sɛ̀ɛ̀ wɔŋ gɔɔ̀ sùà wò naŋ kɔ̀.

Luù 9:19

Àŋ nauŋ fasàì nyààŋ, “Aŋ bà nyiŋ nyààŋ muàŋ nàŋ yaà wo Jɔ̀ɔŋ Gùà Nyùnɔ̀ɔŋ, aŋ bà nyiŋ nyààŋ muàŋ nàŋ yaà wo Ìlaajà, e kìlà aŋ bà nyiŋ nyààŋ, muàŋ nàŋ yaà wo kèèlà gɔ̀ù Dayàa bà guùŋ wo yèɔ naŋ kɛ̀ɛ̀ wɔŋ nyiiŋ gèeɔ̀ sùà wɔ.”

Jɔ̀ɔŋ 1:21

Yèè àŋ nauŋ dawè sèè mààŋ wuŋ nàŋ yaà Ìlaajà. Wò Jɔ̀ɔŋ naŋ woò wààŋ, “Kpele, miàŋ nàŋ fòuŋ!” Yèè àŋ naŋ ɓɛìŋ dawè sèè mààŋ wuŋ nàŋ yaà Wɛ̀ijìɔ àŋ yaà yɛ̀ɛ̀mɛ̀ dòmaŋ wèè wo hnàŋ wo dàànè ebò e hnàŋ wo nyùnɔ̀ɔŋ wo Dayà naŋ tàeɗùù wɔ. Wò naŋ nyiŋ ɓɛìŋ fasàì wààŋ, “Kpele!”

Jɔ̀ɔŋ 1:25

Kpeiŋ aŋ kèèlà aŋ Fɛlosiì nyaŋ naŋ dàwè wo Jɔ̀ɔŋ nyààŋ, “Kɛ̀ wèè kiìŋ mùŋ yaà gùa sùà anyùùŋ, sèè muàŋ mùŋ go nɔ̀ŋ wo Yèɔ wo Dayà naŋ tàeɗùù wɔ, ɔ̀ɔ̀ wo Ìlaajà, ɔ̀ɔ̀ wo Wɛ̀ijìɔ?”

Jɔ̀ɔŋ 4:19

Yèè wò naŋ ɓɛìŋ wòò wo Jisɛ̀ wààŋ, “Dàa, kà gongò kɛ̀ mùŋ yaà wo kèèlà Dayà.

Jɔ̀ɔŋ 6:14

Nààŋ anyùùŋ nyaŋ naŋ yɛ̀mɛ̀ e kèè mèè lɛɛ̀ wo Jisɛ̀ naŋ yaà nyɛ̀nɛ̀ŋ lɛ, àŋ naŋ woò nyààŋ, “Tɔɔɓaa wɛɛ̀ nàŋ yaà wo wɛ̀ijìɔ wɔŋ fɛ̀ì Dayàa naŋ wòò kiiuŋ kɛ̀ wò do nàŋ hnè e ɗuunyaàŋ sùà wɔ!”

Jɔ̀ɔŋ 9:17

Aŋ Fɛlosiì nyaŋ naŋ ɓɛìŋ wòò wo felaaà nyààŋ, “Kiìŋ mùŋ kuwa wèè maŋ woò e nyaàiŋ dè wo felaa wɛɛ̀, nààŋ wò naum naàŋ yìlè le fɛ̀ɛ̀ yèè mùŋ yɛmɛ̀ naàŋ dìì lɛ?” Yèè wo felaaà naŋ nyiŋ woò wààŋ, “Wo kenàŋ wɛɛ̀ wò yaà wo wɛ̀ijì.”

Nyɛ̀nɛ̀ŋ 5:5

Wo Ananayà naŋ nɔŋ tɛɛ̀ kòmò fa, wò sɔ̀à ko dììnaŋ wò fà Kpeiŋ. Yèè anyùùŋ nyaŋ gbiŋ naŋ niŋ wa kòmò lɛ eɓìèmàŋjɛ̀wɛ̀ aŋ yè nyaŋ yaà wa ko fɛɛ̀feìŋ nyaŋ e jùù naŋ nyiŋ nyɛ̀nɛ̀ŋ.

Nyɛ̀nɛ̀ŋ 7:37

Wo Mòòzè naŋ wa wòò aŋ wùìyauŋ nyàŋ, anyùùŋ Ezɔ̀ɛ̀ nyaŋ wààŋ, ‘Wo Dayà doiŋ nàŋ tùɔ̀ŋ wo keela, màànààŋ nɔŋ wò naim wa tùɔ̀ŋ lɛ, yèè wò do nàŋ nɔ̀ŋ wo wùìyaiŋ nɔɔ̀ŋ bà guùŋ.’

Gàla 1:24

E kìlà esaɓù mɛ̀ sùà, àŋ naŋ jòòwò e dèè Dayàa.