Luù 7:13 - WƆŊ FƐ̀Ì EBÒ SÌÀŊ DAYÀA

¹³ Nààŋ wo Kanaà Jisɛ̀ nauŋ wa yɛmɛ̀, ke nyowo nauŋ nyɛ̀nɛ̀ŋ yèè wò naŋ wòò wo nìeɔ̀ wààŋ, “Ɓɔ̀ mùŋ gòlà.”

Luù 7:13 ပူးပေါင်းရင်းမြစ်များ

Luù 10:1

Eɓìèmàŋjɛ̀wɛ̀ tɛɛ̀ wo Kanaà naŋ tùɔ̀ŋ anyuùŋ kpɛ̀ɛ̀ùŋ taai jɛ̀wɛ̀ zììyà jɛ̀wɛ̀ tìyèe, àŋ tìyèe tìyèe ke gbòò sùà. Wo Jisɛ̀ naŋ nyiŋ wa tùɔ̀ŋ ko feìŋ maŋ jawa màŋ gbiŋ sùà maŋ yè maŋ wuŋ bi hewa nàŋ kɔ̀ɛ̀ɛ̀ sùà maŋ.

Luù 11:1

Ke ɗɔ̀ɔ̀ guùŋ wo Jisɛ̀ yaà wa zoolo koɓɛ̀ bà. Nààŋ wò naŋ wa kpɛ̀ɛ̀yɛ̀ zòòlo, wo nyùùŋ màŋjɛ̀wɛ̀uŋ nɔɔ̀ŋ bà guùŋ naŋ hnè ko nɛ̀ɛ̀uŋ niìŋ wò nauŋ woò wààŋ, “Kanaà, kàà wi e ɗèwè zòòlo, màànààŋ nɔŋ wo Jɔ̀ɔŋ naŋ wa kàà anyùùŋ màŋjɛ̀wɛ̀uŋ nyàŋ lɛ.”

Luù 11:39

Wo Kanaà Jisɛ̀ nauŋ woò wààŋ, “Nyɛ̀iŋ nààŋ Fɛlosiì nyaŋ nìŋ guo maŋ kpòò tììyaiŋ màŋ yaà maŋ tɛnyɛ̀iŋ màŋ jɛwɛ paŋgàà nìŋ jiiyà mìŋ sùà. Kɛɛ e wànàŋ nɛ̀ŋ keekèè e hààwè maŋ keì naanààŋ naŋ dìè nyɛ̀iŋ bi sùà.

Luù 12:42

Wo Kanaà naŋ fasàì wààŋ, “Ɓòò ngèè nàŋ yaà wo ɓɔ̀ìjɔ̀à tɔ̀ɔ̀nyaàaŋ wo yèɔ kuwa e jiikɛ̀ɛ wɔ̀? Wuŋ nàŋ yaà wo yèɔ wo kààmɔɔŋ nyiŋ nɔɔ̀ŋ do nàŋ sèèlè aŋ ɓɔìjɔ̀à gbànaŋ nyàŋ feìŋ wèè wo kiɛ̀ŋ e nɛ̀ŋje nyiŋ nɛ̀ e teengaà diɛŋ.

Luù 13:15

Wo Kanaà Jisɛ̀ nauŋ fasàì wààŋ, “Muàŋ e kpùlìà aŋ sìèfèìŋ zòòlo dàwium nyàŋ nìŋ yaà anyùùŋ fɛ̀ɛ̀ ɗòònààkeì! Nyɛ̀iŋ nyɛɛ̀ŋ bà gbiŋ niŋ fè gè wò dìii ɔ̀ɔ̀ wò ɗòsòo mɔɔ̀ŋ wɔ̀ŋ gbòlà màŋ nɛ̀ŋje nyiŋ nɔɔ̀ŋ sùà ke Ɗɔ̀ɔ̀ Zòòlò aŋ Juùù nyaŋ diɛ̀ŋ wèè mauŋ koà wo tìà?

Luù 17:5

Aŋ keela nyàŋ naŋ wòò wo Kanaà nyààŋ, “Nyɛnɛ̀ŋ e hààwe wilɛ̀ e nyìngàà sùà.”

Luù 17:6

Wo Kanaà Jisɛ̀ naŋ nyiŋ fasàì wààŋ, “Sèè naŋ weè kɛ̀ɛ̀nɛ̀ŋ e hààwe e dɛɛ̀ mààŋ ke kaaŋ komaŋ, nàŋ ɓɛ̀nɛ̀ŋ wòò ke nyɔ̀lì kuu yɛɛ̀ nààŋ, ‘Fìè muŋ ka muŋ sie wɔŋ juwoɔ̀ tɛ̀ɛ̀.’ E yèɛ nìŋ naŋ woò lɛ è do nàŋ hɛɛnɛ̀ŋ.

Luù 18:6

Wo Kanaà Jisɛ̀ naŋ ɓɛìŋ woò wààŋ, “Kùmiàìŋ e nɛ̀ɛŋ wò kana gbàì kèì kàaɓì wii naŋ woò lɛ.

Luù 19:8

Kpeiŋ wo Zakiɔ̀ naŋ sie yèè wò naŋ wòò wo Jisɛ̀ wààŋ, “Kanaà, mìŋ do nàŋ kìɛ̀ŋ e nɛ̀ŋ kɛ̀ɛ̀nɛŋ mɛ̀ e gbu niŋ koɓɛ̀ anyuùŋ pɔ̀ɔ nyàŋ. Yèè sèè ka wa kàaɓì wo nyùùŋ gbiŋ, mìŋ douŋ niŋ nàŋ kɛlɛ̀ɛ̀ e sùà tiinàŋ.”

Luù 22:61

Kpeiŋ wo Kanaà naŋ kìlè wo yɛ̀mɛ̀ wo Pììlɛ dììŋ, yèè Pììlɛ naŋ jàà jii kɛ̀ wo Kanaà nauŋ woò wààŋ, “Wo tɔɔ wowoɔ̀ naàŋ kolèè wɔ̀ŋ dùùm wɛɛ̀ŋ e jèèsùà maŋ woò e sùà taai mààŋ muŋ nyimààìm.”

Luù 24:3

àŋ naŋ dè ke hùaàŋ sùà, kɛɛ aŋ gòo wa mɛ̀ɛ̀ŋ è dìè Kanaà Jisɛ̀ɛ.

Luù 24:34

Kpeiŋ àŋ naŋ wòò àŋ tìyèe nyàŋ e yìwìà ko vàaì nyààŋ, “E tɔɔɓaa le wo Kanaà yèwà e fàa dìì! Wò naŋ fòlò wo Saimɔ̀ŋ feìŋ.”

Luù 7:12

Nààŋ àŋ yaà wa gbɛ̀ɛ̀ sùà wɔŋ gbàngè jawaà, àŋ naŋ yɛ̀mɛ̀ anyùùŋ àŋ yaà kòà sùà e dìè wo jɔ̀àfèlàà jɔ̀ùnèèdàà bà. Wo jɔ̀àfèlàà guùŋ wɛɛ̀ nɔŋ wo nìe wɛɛ̀ naŋ wa kòmò. Anyùùŋ jawa nyàŋ zimgbe nyiŋ yàaùŋ wa kɔɔ.

Luù 7:14

Kpeiŋ wo Jisɛ̀ naŋ kɔ̀ yèè wò naŋ mɛ̀nlɛ̀ɛ̀ŋ wɔŋ kààŋ fàaà, yèè anyùùŋ nyaŋ yaà kòà sùà wɔŋ kàaàŋ nyaŋ naŋ sie. Yèè wo Jisɛ̀ naŋ woò wààŋ, “Dakenàŋ, yewà dìì.”

Luù 7:19

wò naŋ nyiŋ tùɔ̀ŋ koɓɛ̀ wo Kanaà wèè aŋ dawèuŋ nyààŋ, “Muàŋ nàŋ yaà wo nyùnɔ̀ɔŋ wo Jɔ̀ɔŋ naŋ woò wààŋ wò do nàŋ hnè wɔ, ɔ̀ɔ̀ e fòlàiŋ wo nyuùŋ joo bà?”

Luù 8:52

Anyùùŋ nyaŋ gbiŋ yaà wa gulie e kìlà àŋ yaà ke nyowo sùà wèè wo ɓɔ̀jɔaà. Kɛɛ wo Jisɛ̀ naŋ nyiŋ woò wààŋ, “Ɓɔ̀ nìŋ gòlà, wo ɓɔ̀jɔaà gò fà, wò yaà nɔŋ maŋ jàwè!”

Jɔ̀ɔŋ 11:2

Wo Mèèle wɛɛ̀ nàŋ yaà wa wo yèɔ naŋ wa kpàlèè maŋ kuùmàì maŋ wo Kanaà Jisɛ̀ maŋ gòlò, yèè wò naŋ hààngè e ɗì dumuuŋ nɛ̀ maŋ gòlò Jisɛ̀ maŋ. Wo wùìyauŋ nɔɔ̀ŋ Lazɔlɔ̀ nàŋ yaà wa siinyɛŋ.

Jɔ̀ɔŋ 11:3

Aŋ jàà Lazɔlɔ̀ nyaŋ naŋ wa tùɔ̀ŋ ke miè gbìaŋ koɓɛ̀ Jisɛ̀i yèè àŋ nauŋ woò nyààŋ, “Kanaà, wo dàwi siaŋ mɔɔ̀ŋ Lazɔlɔ̀ wo yèɔ mùŋ manaŋ zimgbe wɔ̀ kòò wò yaà siinyɛŋ.”

Jɔ̀ɔŋ 20:13

Kpeiŋ aŋ màikà nyaŋ naŋ dàwè wo Mèèle nyààŋ, “Nìe wɛɛ̀, wèè kiìŋ mùŋ yaà gulie?” Yèè wo Mèèle naŋ fasàì wààŋ, “Anyùùŋ nyaŋ àŋ kià gè e fà wo Kana miɔ̀ŋ, yèè miŋ nyimààŋ kɛ̀ kòò àŋ nauŋ heè.”

Jɔ̀ɔŋ 20:15

Yèè wo Jisɛ̀ nauŋ dawè wààŋ, “Nìe wɛɛ̀, wèè kiìŋ mùŋ yaà gulie? Ɓòò mùŋ yaà kaame?” Wo Mèèle naŋ wa gongò kɛ̀ wo nyùnɔ̀ɔŋ kanaŋ wa ko kpòkpòi wɔ̀ wo, yèè wò nauŋ woò wààŋ, “Dàa, sèè mààŋ màŋ kià gè e fà wo Kana miɔ̀ŋ, kɔ̀nɛɛ̀ŋ tɔ̀ɔ̀im kɛ̀ kòò mùŋ nauŋ heè, wèè kɛ̀ miŋ ka miŋ gòuŋ noo.”

Jɔ̀ɔŋ 4:1

Wo Jisɛ̀ wa nyìmàŋ kɛ̀ ke gbòò aŋ Fɛlosiì nyaŋ naŋ wa kòmò kɛ̀ anyuùŋ zimgbe yaà wa kɔ̀ɔ̀yɛ̀ ko nɛ̀ɛ̀uŋ niìŋ yèè wò yaà nyiìŋ wa guuye e nìàŋ anyùùŋ màŋjɛ̀wɛ̀ nyaŋ wo Jɔ̀ɔŋ yaà wa guuye nyàŋ.

Jɔ̀ɔŋ 6:23

Anyùùŋ bà naŋ wa hìɛ̀ŋ maŋ gɔ e yìwìà ko Tàbilià yèè àŋ naŋ hnè koɓɛ̀i e faaàŋ naŋ wa jè e nɛ̀ŋjeɛ̀ lɛ nààŋ wo Kanaà Jisɛ̀ naŋ wa kìɛ̀ŋ ke sɛ̀ gèe koɓɛ̀ Dayài weè niŋ.

1 Kɔliìŋ 7:30

Aŋ yè nyaŋ yaà gulie nyàŋ, aŋ nɔ̀ŋ mààŋ koɓɛ̀i ke nyowo fè nyiìŋ yɛi le. Aŋ yè nyaŋ yaà hiile nyàŋ, aŋ nɔ̀ŋ mààŋ koɓɛ̀i e zɔlɔ̀ fè nyiìŋ yɛi le. Aŋ yè nyaŋ naŋ dènè nɛ̀ŋ nyaŋ, aŋ nɔ̀ŋ mààŋ koɓɛ̀i aŋ kanàŋ è nɛ̀ɛŋ àŋ naŋ yɛi dènè le.

1Tɛsè 4:13

Nyɛ̀iŋ nààŋ wùìya wi nyàŋ, è manaŋ wèè naŋ nyìmàŋ e tɔɔɓaà nyaàiŋ dè anyùùŋ nyaŋ naŋ fɔ̀ nyaŋ, wèè ke nyowo goiŋ nàŋ nɔ̀ŋ nyinie mààŋ ànyuùŋ gò kùwìè kè jii tùlia.

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.

Hiɓu 4:15

Wo Kànà Sìèfèìŋ Zòòlo Gbee wiɔ̀ Jisɛ̀ nyìmàŋ e zɔ̀kpɔ̀ɛ e kɔɔ wilɛ̀ sùà, esaɓù kɛ̀ wò naŋ wa kɔ̀ e wàa dìì maŋ dòmaŋ nyaaŋ màŋ gbiŋ màànààŋ nɔŋ è kɔ̀àìŋ e wàa dìì lɛ, kɛɛ wo gò wa nyɛ̀nɛ̀ŋ è kèè jùumù gbiŋ.