Luù 6:6 - WƆŊ FƐ̀Ì EBÒ SÌÀŊ DAYÀA

⁶ Ke Ɗɔ̀ɔ̀ Zòòlò aŋ Juùù nyaŋ bà guùŋ diɛŋ, wo Jisɛ̀ yaà wa kàa sùà anyùùŋ nyaŋ ko sààŋ zòòlò aŋ Juùù nyaŋ. Wò nao wa mɛ̀ɛ̀ŋ wo felaa bà wo yèɔ wɔŋ kùàŋ jìkauŋ nɔɔ̀ŋ naŋ wa fɔ̀.

Luù 6:6 ပူးပေါင်းရင်းမြစ်များ

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Luù 13:10

Wo Jisɛ̀ yaà wa kàa sùà ko sààŋ zòòlò aŋ Juùù nyaŋ bà guùŋ ke Ɗɔ̀ɔ̀ Zòòlò aŋ Juùù nyaŋ bà diɛŋ.

Luù 14:3

Wo Jisɛ̀ naŋ dàwè aŋ kààmɔ̀ɔ̀ŋ maŋ Sàwà Dayà nyaŋ yèè aŋ Fɛlosiì nyaŋ wààŋ, “Ke Sàwà wiɛ̀ naŋ wi gè nyààŋ diɛŋ wèè eiŋ sùngà wo nyùùŋ ke Ɗɔ̀ɔ̀ Zòòlò aŋ Juùù nyaŋ diɛŋ ɔ̀ɔ̀ kpele?”

Luù 4:16

Wo Jisɛ̀ naŋ kɔ̀ ko Naazɔ̀ɛ̀, ko jawaì wò naŋ wa dɛɛkɛ̀ lɛ. Ke Ɗɔ̀ɔ̀ Zòòlò aŋ Juùù nyaŋ diɛŋ wò naŋ kɔ̀ ko sààŋ zòòlò aŋ Juùù nyaŋ. Wò naŋ wa sie wèè wo kpɛ̀nɛ̀ŋ wɔŋ fɛ̀ì Dayàa ko nɛ̀ɛ̀ŋ nyiŋ niìŋ,

Luù 4:31

Kpeiŋ ke ɗɔ̀ɔ̀ guùŋ wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ ko jawa gbeeì àŋ nyaaŋ Kepanàùm wɔŋ fùɔ̀ŋ Galaliìɔ sùà. Ke Ɗɔ̀ɔ̀ Zòòlò aŋ Juùù nyaŋ bàa diɛŋ, wò naŋ tɔ̀ɔ̀tù anyùùŋ nyaŋ kàa ko sààŋ zòòlò aŋ Juùù nyaŋ.

Luù 6:1

Wo Jisɛ̀ yaà wa kɔ̀ɛɛ sùà wɔŋ kpàli ɓu bà sùà ke Ɗɔ̀ɔ̀ Zòòlò aŋ Juùù nyaŋ bà guùŋ diɛŋ. Yèè anyùùŋ màŋjɛ̀wɛ̀uŋ nyàŋ naŋ tɔ̀ɔ̀tù kpàà e kpàli lɛ̀ bà àŋ gunìàŋ niìŋ le sìwè àŋ gbile.

Luù 6:5

Wo Jisɛ̀ naŋ kpɛ̀ɛ̀yɛ̀ gbòa yèè wò naŋ woò wààŋ, “Miàim wo Jɔ̀àfèlàà Nyuùŋ Kpùnɔɔ̀ŋ nàŋ yaà wo Kanaà wèè ke Ɗɔ̀ɔ̀ Zòòlò aŋ Juùù nyaŋ.”

Jɔ̀ɔŋ 5:3

Anyuùŋ sàaŋ zimgbe mààŋ anyuùŋ zììlè le fɛ̀ɛ̀ nyaŋ, anyuùŋ gò ɓɛ̀nɛ̀ŋ kààiŋ tɛ̀ɛ̀ nyaŋ, yèè anyuùŋ kpɔ̀ɔ̀kpɔɔ nyàŋ hawa wa e gbɛ̀ɛ̀ ko pàtà yaà. [Anyuùŋ sàaŋ nyàŋ e wùìyèɛ kɔɔ folo wa e wùìyèɛ wèè e mààŋ e yìwìà ko pàtài.

Jɔ̀ɔŋ 9:16

Aŋ Fɛlosiì nyaŋ bà nyiŋ naŋ woò nyààŋ, “Wo kenàŋ wɛɛ̀, wo Jisɛ̀ gò yèwà kòɓɛ̀ Dayài. Sèè wò yiwìào weè, wo naàŋ weè pɔ̀ɔ̀ kè sàwà kè Ɗɔ̀ɔ̀ Zòòlò aŋ Juùù nyaŋ.” Yèè aŋ bà nyiŋ naŋ woò nyààŋ, “Dièsɔa wo nyùùŋ maŋ jùumù naŋ ɓɛ̀nɛ̀ŋ nyɛ̀nɛ̀ŋ e kèè mèè mààŋ tɛɛ̀?” Yèè e kpàànè kpaane naŋ sɛ̀ɛ̀ aŋ Fɛlosiì nyaŋ e fèemàŋ.