Luù 6:49 - WƆŊ FƐ̀Ì EBÒ SÌÀŊ DAYÀA

⁴⁹ Kɛɛ wo nyùnɔ̀ɔŋ gbiŋ naŋ kòmò maŋ miè gbìaim mɛɛ̀ŋ yèè wò naŋ gè maŋhɛɛ wèè wo miŋ jɔ̀ɔ̀lɔ̀ dìì wɔ, wò yaà mààŋ wo nyùnɔ̀ɔŋ gò tòmàŋ e dììɛ wèè wo tɔ̀ɔ̀tù nyɛ̀lɛ̀ e kpèè ke saauŋ nɛɛ̀ŋ. Maŋ gɔ̀àà maŋ naŋ sɔ̀ɔ̀, e wùìyèɛ jòwà e kìlìà ke saaàŋ, eɓìèmàŋjɛ̀wɛ̀, ke saaàŋ naŋ gɔɛɛ ke sɔ̀àà dìì fukpù.”

Luù 6:49 ပူးပေါင်းရင်းမြစ်များ

Maafiù 23:3

Weètii nyɛnɛ̀ŋ e yèɛ gbiŋ àŋ woàùm wèè maŋ nyɛ̀nɛ̀ŋ lɛ. Kɛɛ ɓɔ̀ mùŋ dè màŋ kpèè nyiŋ màŋ màŋjɛ̀wɛ, esaɓù kɛ̀ àŋ woà e kèì ɗì guùŋ, yèè aŋ nyɛ̀nɛ̀ŋ e joo niŋ.

Maafiù 24:10

Anyuùŋ zimgbe do nàŋ fè e hààwe nyiŋ nɛ̀ jɛwɛ e teenga lii sùà. Àŋ do nàŋ mààŋ aŋ dàwi e kìlà aŋ wùàŋ aŋ dàwi nyiŋ nyàŋ.

Luù 12:47

“Wo ɓɔìjɔ̀àa wo yèɔ naŋ nyìmè e yèɛ wo kààmɔɔuŋ nɔɔ̀ŋ manaŋ wo nyɛ̀nɛ̀ŋ lɛ, kɛɛ wo gò bànèbànè wuŋ bi wèè wo niŋ nyɛ̀nɛ̀ŋ, àŋ douŋ nàŋ ɓùlò sɛmɛ.

Luù 19:14

Kɛɛ anyùùŋ wuŋ bi nyàŋ wɔŋ fuɔuŋ nɔɔ̀ŋ nauŋ wa wùɔ̀ŋ. Kpeiŋ àŋ naŋ tùɔ̀ŋ aŋ keela wɔŋ fuɔŋ joo bi sùà wèè aŋ woò nyààŋ, ‘E manàìŋ wò felaa wɛɛ̀ wò do nɔ̀ŋ wò kana wiɔ̀.’

Luù 19:27

Tɔ̀ miŋ woòiŋ naàŋ kɛ̀ sèè è nɔ̀ŋ wèè aŋ jooim nyiiŋ, aŋ yè nyaŋ manàŋ mɛ̀iŋ wèè ka nɔ̀ŋ wò kana nyiŋ nɔɔ̀ŋ nyaŋ, hìaìŋ nyiŋ kià ko fɛɛ̀fenìim niŋ jìwà nyiŋ.’ ”

Luù 6:46

“Wèè kiìŋ nìŋ nyààìm ‘Kanaà, Kanaà,’ kɛɛ niŋ fè nyɛ̀nɛ̀ŋ è yèɛ mìŋ woàìŋ lɛ?

Luù 6:48

Wò yaà mààŋ wo felaaà wo yèɔ naŋ tòmò e dììɛ tɛ̀ɛ̀ wèè wo ɓɛnɛ̀ŋ tɔ̀ɔ̀tù nyɛ̀lɛ̀ e kpèè ke saauŋ nɛɛ̀ŋ wɔŋ duò tàà diɛŋ. Maŋ gɔ̀àà maŋ naŋ sɔ̀ɔ̀, e wùìyèɛ jòwà e kìlìà ke saaàŋ, kɛɛ ke gò wa mɛɛmɛ̀ɛ̀ŋ, esaɓù kɛ̀ wò naŋ nyiŋ wa nyɛ̀lɛ̀ tɛ̀ɛ̀ wɔŋ duò tàà diɛŋ.

Luù 7:1

Nààŋ wo Jisɛ̀ naŋ wa kpɛ̀ɛ̀yɛ̀ maŋ keì mɛɛ̀ŋ wòo koɓɛ̀ anyùùŋ nyaŋ, wò naŋ kɔ̀ ko jawaì àŋ nyaaŋ Kepanàùm lɛ.

Jɔ̀ɔŋ 15:2

Sèè ke kpee miɛ̀ŋ bà ke yèɛ kè yaà bàimbà kè go kòmàŋ maŋ gbɛ̀mɛ̀ɛ̀ŋ komaŋ, wò do nyiŋ noo nàŋ kɛ̀ɛ̀ kpo. Kɛɛ wò gbeye maŋ kpee nyɛɛ̀ɛ̀ maŋ wèè kɛ̀ ke gbɛ̀mɛ̀ɛ̀ŋ kulɛɛ̀ ke nɔ̀ŋ sùà janyai wèè ke kòmàŋ maŋ gbɛ̀mɛ̀ɛ̀ŋ zimgbe.

Nyɛ̀nɛ̀ŋ 20:29

Kà nyìmàŋ kɛ̀ sèè mìŋ kɔ̀à, anyuùŋ joo bà àŋ yaà mààŋ aŋ pɔ̀ɔ̀wɛ̀i do nàŋ hnè wèè aŋ gbùwà nyùùŋ nyaŋ yaà mààŋ aŋ ɓaawaa nyàŋ ke gùuŋ.

Nyɛ̀nɛ̀ŋ 26:11

Mìŋ he nyiŋ wa kìɛ̀ŋ keì nyìnga e teenga zimgbe maŋ sààŋ zòòlò aŋ Juùù wi nyàŋ dìì, yèè mìŋ kamàŋ wa e ɗewe wèè ka nyiŋ nyɛ̀nɛ̀ŋ aŋ woò maŋ mìè ɓɛ̀ɛ̀pɔ̀ɔ koɓɛ̀ Dayài. Yèè ngèè, mìŋ naŋ nyiŋ wa tùù sìwè zimgbe, e nɔ̀ŋ esaɓù sɔɔ̀ ka wa kà ko kaame nyiŋ maŋ jawa gbeegbèè maŋ fuɔ̀ŋ joo màŋ sùà.”

1Tɛsè 3:5

Miŋ gò niŋ ɓɛ̀nɛ̀ŋ dìì, wèètii mìŋ naŋ tùɔ̀ŋ wo Timetè. Mìŋ nauŋ tùɔ̀ŋ wèè wo nyɛ̀nɛ̀ŋ maŋ nɔnɔŋ tùaŋ e nyaàiŋ dè e hààweiŋ nɛ̀. Tɔɔɓaa tiŋ e fè ɓɛ̀nɛ̀ŋ nɔ̀ŋ kɛ̀ wo Dɛwìɔ wòiŋ gɛ̀ɛ̀ jɛ̀wɛ̀ e tòmo wilɛ̀ gbiŋ nɔ̀ŋ wèè foo.

2Pììlɛ 2:20

Sèè anyùùŋ dùàŋ aŋ fòlà e gààŋ kààkàà ɗuunyaàŋ dìì esàɓù e jiikɛ̀ɛɛ̀ àŋ kuwa e nyaàiŋ dè wo Kanaà yèè wo Nyuùŋ Jòèye wiɔ̀ Jisɛ̀ Kulaì, kpeiŋ maŋ kààkàà bi maŋ nyiŋ ɓɛìŋ kùwà maŋ nyiŋ gbùwò diɛŋ, anyùùŋ mààŋ nyiiŋ e nɔ̀ŋ kii nyiŋ nɛ̀ è nyɛnɛŋ naàŋ e nànàŋ e nìàŋ ko tɔɔtuì.

1Jɔ̀ɔŋ 2:19

Anyùùŋ nyɛɛ̀ŋ naŋ fòlò ke gbòò Dayà zòòlo wiɛ̀ sùà, kɛɛ tɔɔɓaa aŋ fè wa àŋ bàwibà. Yèè esaɓùɛ lii àŋ naŋ wi wa kɛ̀ɛ̀ maŋjɛ̀wɛ. Kɛɛ sèè aŋ wa weè nɔ̀ŋ aŋ bàwibà ke gbòò zòòloɛ̀ sùà, àŋ he wi wa weè nàŋ jèè maŋjɛ̀wɛ. Kɛɛ àŋ naŋ wi wa dangè, tii naŋ wa tɔɔ̀ janjai kɛ̀ aŋ fè àŋ bàwibà.