Luù 6:47 - WƆŊ FƐ̀Ì EBÒ SÌÀŊ DAYÀA

⁴⁷ Wo nyùnɔ̀ɔŋ gbiŋ hnàŋ ko nɛ̀ɛ̀ŋ miìŋ yèè wo kòmàŋ maŋ miè gbìaim màŋ e kìlà wo miŋ jɔ̀ɔ̀lɔ̀ dìì wɔ, mìŋ doiŋ nàŋ tɔɔ̀ kɛ̀ diè wò yaà.

Luù 6:47 ပူးပေါင်းရင်းမြစ်များ

Maafiù 12:50

Wo nyùnɔ̀ɔŋ gbiŋ nyɛnɛŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè wo nyɛ̀nɛ̀ŋ lɛ, wuŋ nàŋ yaà wo wùìya miɔ̀ŋ, wo jaa miɔ̀ŋ, yèè wo yèye miɔ̀ŋ.”

Maafiù 17:5

Nààŋ wò yaà wa gbuuye, ke nyili fuaà naŋ hnè yèè kè naŋ nyiŋ ɓùwò. Yèè ke mìè naŋ fòlò ke nyili fuaà sùà kè naŋ woò wààŋ, “Wo jɔ̀àfelaa miɔ̀ŋ wɛɛ̀, wo yèɔ mìŋ manaŋ wɔ̀. Kòmaìŋ e mìè nyaàuŋ nɛ̀!”

Luù 11:28

Wo Jisɛ̀ naŋ fasàì wò naŋ woò wààŋ, “E zɔlɔ̀ yaà ngèè koɓɛ̀ anyùùŋ nyaŋ komo ke mìè gbìàŋ Dayàa yèè aŋ nyiŋ jàà kùàŋ dìì nyaŋ!”

Luù 14:26

“Anyùùŋ nyaŋ hnàŋ ko nɛ̀ɛ̀ŋ miìŋ nyaŋ, aŋ fè ɓɛ̀nɛ̀ŋ nɔ̀ŋ ànyùùŋ màŋjɛ̀wɛ̀im sɔɔ̀ nɔŋ aim mànàŋ e nìàŋ aŋ dèda yèè aŋ yèye nyiŋ nyàŋ, aŋ jàwè yèè aŋ jɔ̀à nyiŋ nyàŋ, e kpùlìà aŋ wùìyà yèè aŋ jaa nyiŋ nyàŋ. E kìlà sɔɔ̀ aim mànàŋ e nìàŋ maŋ nyiiŋ nyiŋ màŋ.

Luù 6:48

Wò yaà mààŋ wo felaaà wo yèɔ naŋ tòmò e dììɛ tɛ̀ɛ̀ wèè wo ɓɛnɛ̀ŋ tɔ̀ɔ̀tù nyɛ̀lɛ̀ e kpèè ke saauŋ nɛɛ̀ŋ wɔŋ duò tàà diɛŋ. Maŋ gɔ̀àà maŋ naŋ sɔ̀ɔ̀, e wùìyèɛ jòwà e kìlìà ke saaàŋ, kɛɛ ke gò wa mɛɛmɛ̀ɛ̀ŋ, esaɓù kɛ̀ wò naŋ nyiŋ wa nyɛ̀lɛ̀ tɛ̀ɛ̀ wɔŋ duò tàà diɛŋ.

Luù 8:13

Manɛ̀ŋ koei màŋ naŋ sɔ̀ɔ̀ e dìì le dùò lɛ sùà maŋ, nàŋ yaà anyùùŋ nyaŋ komo ke mìè gbìàŋ Dayàa, aŋ nyiŋ jàà kùàŋ dìì e zɔlɔ̀ sùà. Kɛɛ ke miè gbìaàŋ fè gè lè gùlò màŋ jii nyiŋ màŋ sùà, yèè àŋ kɛɛnɛ̀ŋ nɔŋ e hààwe wèè e teenga kpuu. Sèè e wàà e keì nyìnga jɔa è hnàŋ nyiìŋ nɔŋ ko feìŋ, àŋ kɛ̀ɛ̀ maŋjɛ̀wɛ.

Luù 8:8

Kɛɛ manɛ̀ŋ koei màŋ bà miŋ naŋ sɔ̀ɔ̀ e diì sìàŋ diɛŋ, maŋ wùìyà, maŋ dɛɛdɛ̀ɛ̀, yèè màŋ naŋ kòmò. Maŋ bà guùŋ gbiŋ naŋ kòmò e komàŋ hɔ̀nɔ̀ɔ̀ guùŋ.” Wo Jisɛ̀ naŋ kpɛ̀ɛ̀yɛ̀ gbòa yèè wò naŋ woò wààŋ, “Weètii, jàaìŋ maŋ nùŋ dìì tɛ̀ɛ̀ sèè nìŋ kɛɛnɛ̀ŋ maŋ nùŋ!”

Jɔ̀ɔŋ 10:27

Aŋ ɓaawaaim nyàŋ nyìmàŋ ke miè miɛ̀ŋ, yèè kà nyiŋ nyìmàŋ yèè àŋ dèìm maŋjɛ̀wɛ.

Jɔ̀ɔŋ 13:17

Nàŋ naàŋ nyìmàŋ e tɔ̀ɔ̀nyaàŋ lɛɛ̀, wo Dayà doiŋ nàŋ gbìɛ̀ŋ e zòòlo maŋjɛ̀wɛ sèè nìŋ nyɛ̀nɛ̀ŋ nìŋ.

Jɔ̀ɔŋ 14:15

Yèè wo Jisɛ̀ naŋ ɓɛìŋ woò wààŋ, “Sèè nìŋ mɔ̀nɔ̀ìm, nìŋ do nàŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ.

Jɔ̀ɔŋ 5:40

Yèè yɛi nɔŋ è yaà nìŋ naŋ gè maŋhɛɛ wèè naŋ hnàŋ kò nɛ̀ɛ̀ŋ miìŋ wèè naŋ kɛ̀ɛ̀nɛ̀ŋ wɔŋ nyiiŋ gèe.

Jɔ̀ɔŋ 6:35

Kpeiŋ wo Jisɛ̀ naŋ nyiŋ woò wààŋ, “Mìŋ yaà nɔŋ mààŋ e nɛ̀ŋje e yèɛ kiɛ̀ŋ wɔŋ nyiiŋ lɛ̀. Wo nyùnɔ̀ɔŋ gbiŋ dèìm maŋjɛ̀wɛ yèè wò haawàìm wɔ, e jìyè yèè ke jòòmàì naàuŋ wa nàwèè ɓɛìŋ kùwò.

Jɔ̀ɔŋ 6:37

Wo nyùnɔ̀ɔŋ gbiŋ wo Dèda miɔ̀ŋ doim nàŋ kiɛ̀ŋ wɔ wò do nàŋ nɔ̀ŋ wo nyùùŋ màŋjɛ̀wɛ̀ miɔ̀ŋ bà guùŋ. Miŋ naàŋ gè màŋhɛɛ wèè kauŋ jàà kùàŋ dìì.

Jɔ̀ɔŋ 8:52

Kpeiŋ aŋ Juùù nyaŋ nauŋ woò nyààŋ, “Èiŋ naàŋ nyìmàŋ kɛ̀ wo jinàŋ naanààŋ yààùm ko sùà. Wo Eɓulɔhɛɛ̀ŋ naŋ wa fɔ̀, e hààwè aŋ wɛ̀ijì nyaŋ. Dièsɔa mùŋ naŋ ɓɛ̀nɛ̀ŋ wòo mààŋ kɛ̀ wo nyùnɔ̀ɔŋ haawà maŋ mìè gbòaim màŋ wɔ wo naàŋ wa nàwèè fɔ̀ julɔfɔ?

Hiɓu 5:9

E keì nyìngaà wo Jisɛ̀ naŋ wa kɔ̀ dìì lɛ, naŋ nyɛ̀nɛ̀ŋ wò naŋ wa nɔ̀ŋ wo nyuùŋ tùlìà jii dìà sùà, e kìlà wò naŋ nɔ̀ŋ ko tɔɔtuì wèè e jòèyè anyùùŋ nyaŋ jɔɔlɔ̀uŋ dìì nyaŋ,

Jìiiŋ 4:17

Wèètii wo nyùnɔ̀ɔŋ gbiŋ naŋ nyìmè e keì sìàaŋ wò nyɛnɛŋ lɛ̀ yèè wo gò niŋ nyɛ̀nɛ̀ŋ wɔ è yaà e jùumù ko nɛ̀ɛ̀uŋ niìŋ.

1Pììlɛ 2:4

Hnaìŋ koɓɛ̀ wo Kanaà, ke dùò nyiiŋ gèe gò jùàa anyùùŋ nyaŋ naŋ wa gè kùàŋ dìì yɛ, esaɓù kɛ̀ aŋ gòuŋ wa nyààŋ è nɛ̀ŋ bà gbiŋ, kɛɛ wo Dayà nauŋ tàeɗùù wèè wo kuwiè e sɛmɛmaŋ.

2Pììlɛ 1:10

E wèètii nyɛ̀iŋ nààŋ wùìyaim nyàŋ, fɛ̀ɛìŋ niŋ ɓemè e nyàànè Dayàa wò naiŋ nyààŋ yèè wò naiŋ tàeɗùù wèè naŋ nɔ̀ŋ e kèì jiiuŋ nɛ̀, e keì e yèɛ fèiŋ yèwà jii lɛ̀. Sèè nìŋ nɔ̀ŋ yɛi nyinie, niŋ naàŋ duonò wèè naŋ gììyà è hààweiŋ nɛ̀ kɛ̀ɛ.

1Jɔ̀ɔŋ 2:29

Nàŋ nyìmàŋ kɛ̀ wo Jisɛ̀ Kulaì yaà wo nyùùŋ tɔ̀ɔ̀nyaàŋ. Kpeiŋ nìŋ kuwa naŋ nyìmàŋ kɛ̀, wo nyùnɔ̀ɔ̀ŋ gbiŋ naŋ nyɛ̀nɛ̀ŋ e yèɛ yaà e tɔ̀ɔ̀nyaàŋ lɛ wò yaà jɔ̀à Dayà.

1Jɔ̀ɔŋ 3:7

Nyɛ̀iŋ nààŋ jɔ̀àim nyàŋ, ɓɔ̀ nìŋ dangè wò nyùùŋ gbiŋ doiŋ zuwò. Wo nyùnɔ̀ɔŋ gbiŋ naŋ nyɛ̀nɛ̀ŋ tɛ̀ɛ̀ wɔ wò yaà wo nyùùŋ tɔ̀ɔ̀nyaàŋ, màànààŋ wo Jisɛ̀ yaà e tɔ̀ɔ̀nyaàŋ lɛ.

Maŋ kèì nyɛɛnɛŋ 22:14

E zɔlɔ̀ yaà anyùùŋ nyaŋ naŋ sɔ̀ɔ̀ maŋ ɓuuɓane nyiŋ màŋ tɛ̀ɛ̀ nyaŋ. Àŋ do nàŋ kùwìè e tɔ̀ɔ̀nyaàŋ wèè aŋ gbìlà ke kuù kòmàaŋ e yìwìà ke kùlɛ̀ɛ kiɛ̀ŋ wɔŋ nyiiŋ gèeɔ̀ lɛ, e kìlà aŋ jɔ̀ɔ̀yɛ̀ wɔŋ gbàngì jawa gbeeɔ̀ sùà wèè ko jawa gbeeì.