Luù 6:45 - WƆŊ FƐ̀Ì EBÒ SÌÀŊ DAYÀA

⁴⁵ Wo nyuùŋ sìàŋ hiàŋ maŋ nɛ̀ŋ kɛnɛ e yìwìà ko sùlò maŋ nɛ̀ŋ kɛnɛ ke jiiuŋ nɛɛ̀ŋ sùà. Wo nyuùŋ naanààŋ hiàŋ maŋ nɛ̀ŋ naanààŋ e yìwìà ko sùlò maŋ nɛ̀ŋ naanààŋ ke jiiuŋ nɛɛ̀ŋ sùà. Wɔŋ nyààŋ nàŋ woà e nɛ̀ɛŋ naum dìè ke jiio sùà lɛ.

Luù 6:45 ပူးပေါင်းရင်းမြစ်များ

Jɔ̀ɔŋ 7:38

Yèè wo nyùnɔ̀ɔŋ gbiŋ haawàìm wɔ, nààŋ wɔŋ fɛ̀ì Dayàa naŋ woò lɛ, ‘E wùìyè nyiiŋ gèe douŋ nàŋ fòlò ko sùà.’ ”

Nyɛ̀nɛ̀ŋ 5:3

Wo Pììlɛ nauŋ dawè wààŋ, “Ananayà, wèè kiɛ̀ŋ mùŋ naŋ dàngè wo Sɛ̀tanàŋ naum zuwò e kìlà wo jɔ̀à ke jii mɔɛ̀ŋ sùà, yèè mùŋ naŋ tɔ̀ɔ̀ koɓɛ̀ wo Jìnàŋ Nɛɛmaàŋ, e kìlà mùŋ naŋ bànè e nɛɛnɛɛ̀ŋ bà hàa e yìwìà e yèɛ mùŋ naŋ yɛmɛ̀ lɛ nààŋ mùŋ naŋ mààŋ e diì mɔ̀ɛ̀?

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

Ɛfesɔ̀ 4:29

Maŋ mìè gbòa naanààŋ ɓɔ̀ màŋ fòlàiŋ nyààŋ kòɓɛ̀ ànyuùŋ kpùuŋ dàwiiŋ nyàŋ, sɔɔ̀ maŋ yè maŋ kuwa e kpùùmaŋ, wèè maŋ nyɛ̀nɛ̀ŋ wo nyùùŋ nyìngà sùà e kìlà maŋ hìàŋ e nɛ̀ɛŋ wo nyùùŋ manaŋ lɛ̀, kɛ̀ e nɛ̀ɛŋ mùŋ woà lɛ è do nàŋ nɔ̀ŋ e keì sìàŋ koɓɛ̀ anyùùŋ nyaŋ komo e nɛ̀ɛŋ nìŋ woà lɛ.

Ɛfesɔ̀ 5:19

Sèè nìŋ deenàŋ koɓɛ̀ guùŋ, gbòaìŋ aŋ dàwiiŋ nyàŋ kɔɔ maŋ nùŋ Dayà tɛ̀nɛŋ sùà, yaà maŋ nùŋ nɛɛmaŋ wo jinàaŋ sùà, gbèèmeìŋ maŋ nùŋ Dayà tɛ̀nɛ̀ŋ koɓɛ̀ Kanaà, yèè e tɛ̀nɛŋ maŋ jiiiŋ màŋ sùà.

Kòlo 3:16

Tɔ̀ ke miè gbìaàŋ e nyaàiŋ dè wo Jisɛ̀ Kulaì dià maŋ jiiŋ màŋ sùà. Kààaìŋ e kìlà niŋ kiɛ̀ŋ maŋ mìè gòo koɓɛ̀ aŋ dàwiiŋ nyàŋ e jiikɛ̀ɛ sùà. Dààaìŋ maŋ nùŋ, e nyaàiŋ dè wo Jisɛ̀ Kulaì, yèè maŋ nùŋ nɛɛmaŋ. Dààaìŋ wɔŋ nùŋ ke sɛ̀ gèe koɓɛ̀ Dayài maŋ jiiŋ màŋ sùà.

Kòlo 4:6

Maŋ mìè gbòaiŋ màŋ maŋ ɓuuyè nyiŋ maŋ nùŋ e teenga gbiŋ e kìlà aŋ kɛɛnɛ̀ŋ mànaŋ weè miŋ yèè maŋ hiàŋ nyiŋ e keì sìàŋ. Yɛ̀mɛìŋ maŋ mìè gbòaiŋ màŋ diɛŋ e kìlà niŋ nɔ̀ŋ bànèbaneiŋ wèè naŋ fàsàì wo nyùùŋ tɛ̀ɛ̀ sèè wò dawàìŋ wɔŋ mààŋdàwè.

Hiɓu 8:10

Wo Kanaà Dayà naŋ ɓɛìŋ woò wààŋ, “Tɛɛ̀ nàŋ yaà e ɗààhìì e mìèsùàguùŋ nɛ mìŋ do nàŋ banè lɛ wèè anyùùŋ nyaŋ ko Ezɔ̀ɛ̀, maŋ ɗɔɔ màŋ yaà hinie màŋ, mìŋ do nàŋ sìè maŋ sàwàim màŋ maŋ gòngo nyiŋ màŋ sùà e kìlà ka miŋ sìngà maŋ jii komaŋ nyiŋ màŋ diɛŋ. Mìŋ do nàŋ nɔ̀ŋ wo Dayà nyiŋ nɔɔ̀ŋ, e kìlà àŋ do nàŋ nɔ̀ŋ anyunùum nyàŋ.

Juù 1:15

wèè wo hàà kiti anyùùŋ nyaŋ gbiŋ diɛŋ. Wò do nàŋ ngàìnɓù anyuùŋ gò nyìmàŋ Dayà nyaŋ gbiŋ wèè maŋ jùumù maŋ gbiŋ àŋ naŋ wa dè nyɛ̀nɛŋ màŋ e kpùlìà maŋ mìè gbòà ɓɛ̀ɛ̀pɔ̀ɔ naanààŋ maŋ kinɛiŋ àŋ naŋ wa dè gbòa maŋ nyiiŋ gè nyiŋ màŋ sùà maŋ e nyaàiŋ euŋ dè.”