Luù 6:42 - WƆŊ FƐ̀Ì EBÒ SÌÀŊ DAYÀA

⁴² Dièsɔa mùŋ naŋ ɓɛ̀nɛ̀ŋ wòò wo wùìya mɔɔ̀ŋ maàŋ, ‘Tɔ̀ miŋ gòum e kuùfìèɛ ko sòòfɛ̀ɛ̀,’ kɛɛ muŋ fè yɛ̀mɛ̀ wɔ̀ŋ kuùfòòɔ kò sòòfɛ̀ɛ̀ muàŋ biì? Mùŋ yaà wo nyùùŋ fɛ̀ɛ̀ ɗòònààkeì. Gè wɔŋ kuùfòòɔ ko sòòfɛ̀ɛ̀ muìŋ jiɛ̀, kpeiŋ kɛ̀ màŋ ɓɛ̀nɛ̀ŋ yɛ̀mɛ̀ dìì tɛ̀ɛ̀ wèè maŋ gè e kuùfìèɛ ko sòòfɛ̀ɛ̀ wùìya mɔɔ̀ŋ.

Luù 6:42 ပူးပေါင်းရင်းမြစ်များ

Maafiù 26:75

yèè wo Pììlɛ e ɗìuŋ naŋ dè koɓɛ̀ e yèɛ wo Jisɛ̀ nauŋ wa woò lɛ wààŋ, “Wèè paŋ wo tɔɔ wowoɔ̀ kolèè, mùŋ do nàŋ gè maŋhɛɛ sùà taai kɛ̀ muŋ nyimààìm.” Yèè wò naŋ fòlò wo ka wo ɓàà ɗì gòla.

Maafiù 7:3

Kpeiŋ kɛ̀, wèè kiìŋ naàŋ mùŋ yɛmɛ̀ ke kuùfìèɛ ko sòòfɛ̀ɛ̀ dàwi mɔɔ̀ŋ, kɛɛ muŋ fè jàà jii kɛ̀ wɔ̀ŋ kuùfòò gbee kòò wɔ̀ŋ yaà kò sòòfɛ̀ɛ̀ muàŋ biì?

Maafiù 7:4

Dièsɔa mùŋ naŋ ɓɛ̀nɛ̀ŋ wòò wo wùìya mɔɔ̀ŋ maàŋ, ‘Tɔ̀ miŋ gòum ke kuùfìèɛ ko sòòfɛ̀ɛ̀,’ kɛɛ muŋ fè yɛ̀mɛ̀ wɔ̀ŋ kuùfòòɔ kò sòòfɛ̀ɛ̀ muàŋ biì?

Luù 13:15

Wo Kanaà Jisɛ̀ nauŋ fasàì wààŋ, “Muàŋ e kpùlìà aŋ sìèfèìŋ zòòlo dàwium nyàŋ nìŋ yaà anyùùŋ fɛ̀ɛ̀ ɗòònààkeì! Nyɛ̀iŋ nyɛɛ̀ŋ bà gbiŋ niŋ fè gè wò dìii ɔ̀ɔ̀ wò ɗòsòo mɔɔ̀ŋ wɔ̀ŋ gbòlà màŋ nɛ̀ŋje nyiŋ nɔɔ̀ŋ sùà ke Ɗɔ̀ɔ̀ Zòòlò aŋ Juùù nyaŋ diɛ̀ŋ wèè mauŋ koà wo tìà?

Luù 22:32

Kɛɛ kà zoolò weèum Saimɔ̀ŋ, wèè kɛ̀ e hààwe mɔ̀ɛ̀ nyìngà sùà. Yèè sèè muŋ kɛɛ maŋjɛ̀wɛ ko nɛ̀ɛ̀ŋ miìŋ, kpùùmaŋ aŋ wùìya gbànaŋ nyàŋ.”

Luù 6:41

“Wèè kiìŋ mùŋ yɛmɛ̀ e kuùfìèɛ ko sòòfɛ̀ɛ̀ wùìya mɔɔ̀ŋ, kɛɛ muŋ fè jàà jii kɛ̀ wɔ̀ŋ kuùfòò gbee kòò wɔ̀ŋ yaà kò sòòfɛ̀ɛ̀ muàŋ biì?

Luù 6:43

“Ke kuù bɔ̀u fè kòmàŋ kè kuù kòmàŋ naanààŋ, e kìlà ke kuù naanààŋ fè kòmàŋ kè kuù kòmàŋ sìàŋ.

Nyɛ̀nɛ̀ŋ 13:10

yèè wò nauŋ woò wààŋ, “Muàum jɔ̀àfèlàà Dɛwìɔ! Mùŋ yaà wo jooɔ̀ wèè e keì jìlɛŋ gbiŋ. Mùŋ naŋ dìè kàaɓì ɗewe gbiŋ, yèè kòò mùŋ yaà kààmè ɗewe e teenga gbiŋ wèè maŋ kìlà e tɔ̀ɔ̀nyààŋ Kanaà koɓɛ̀ e tòa!

Nyɛ̀nɛ̀ŋ 2:38

Wo Pììlɛ naŋ nyiŋ fasàì wààŋ, “Kìlaìŋ koɓɛ̀ Dayài, e kìlà nyɛ̀iŋ nààŋ gbiŋ niŋ nɔ̀ŋ gùaiŋ e dèè Jisɛ̀ Kulaìɛ diɛŋ, wèè maŋ jùumùiŋ màŋ nɔ̀ŋ hakɛ̀ jùùya miŋ, yèè kɛ̀ nìŋ do nàŋ yɛ̀mɛ̀ e kìɛ̀ŋ wo Jìnàŋ Nɛɛmaàŋ.

Nyɛ̀nɛ̀ŋ 8:21

Muŋ fè wò bàwibà, e kìlà tɛɛ̀ ngèè e fè tòmoum, esaɓù muŋ kuwà kè jìì tɔ̀ɔ̀nyaàŋ kò fɛ̀ɛ̀fèìŋ Dayài.

Luùm 2:1

Nyɛ̀iŋ nààŋ bà nyiŋ nìŋ haà aŋ dàwiiŋ nyàŋ e kiti diɛŋ wèè e keì naanààŋ nyɛ̀nɛŋ. Kɛɛ niŋ kuwà kè kàfaì bà gbiŋ, wo Dayà gò kpɛɛ̀ŋ kɛ̀ ɓòò nàŋ yààùm. Sèè nìŋ gbaì aŋ dàwiiŋ nyàŋ, kɛ̀ nàŋ hàà e kiti nyɛ̀iŋ bi diɛŋ, esaɓù kɛ̀ è yaà e keì jèeiŋ e fèfoo nìŋ nyɛnɛŋ maŋ kèì guùŋ bi.

2 Kɔliìŋ 5:18

Tɛɛ̀ gbiŋ wo Dayà naŋ niŋ nyɛ̀nɛ̀ŋ, wo yèɔ esàɓù Jisɛ̀ Kulaì sùà wò naŋ wi vɔɔnɔ̀ŋ e yìwìà koɓɛ̀ aŋ joo wèè koɓɛ̀ anyuùŋ mɔ̀ɔ̀nɔuŋ, yèè wò naŋ wi kìɛ̀ŋ e tòmo wèè eiŋ hìàŋ anyuùŋ mɔ̀ɔ̀nɔŋ ko nɛ̀ɛ̀ŋ wuŋ Dayài.

2Time 2:21

Anyùùŋ nyaŋ naŋ nyɛ̀nɛ̀ŋ nyiŋ bi naŋ zɛ̀nɛ̀ŋ esaɓù kɛ̀ àŋ fòlà maŋ keì naanààŋ mɛɛ̀ŋ gbiŋ sùà nyaŋ, àŋ do nyiŋ nàŋ toomò wèè maŋ saɓù titi, e fèfoo àŋ yaà e ɓula jàa nyiŋ, yèè wo Kana nyiŋ nɔɔ̀ŋ wò nyiŋ ɓɛ̀nɛ̀ŋ tòòmo, e kìlà àŋ yaà bànèbane nyiŋ wèè aŋ nyɛ̀nɛ̀ŋ e tòmo siaŋ gbiŋ.

2Pììlɛ 1:9

Kɛɛ sèè niŋ gò miŋ kɛɛnɛ̀ŋ, nìŋ yaà mààŋ wo nyuùŋ gò yɛ̀mɛ̀ è dìì kòɓɛ̀ dii, nìŋ naŋ zììlè fɛ̀ɛ̀. Yèè nàŋ nyɛɛnɛ̀ŋ kɛ̀ wo Dayà wòiŋ joeyè e yìwìà maŋ jùumù gɔu gɔ̀ùiŋ màŋ sùà.