Luù 6:41 - WƆŊ FƐ̀Ì EBÒ SÌÀŊ DAYÀA

⁴¹ “Wèè kiìŋ mùŋ yɛmɛ̀ e kuùfìèɛ ko sòòfɛ̀ɛ̀ wùìya mɔɔ̀ŋ, kɛɛ muŋ fè jàà jii kɛ̀ wɔ̀ŋ kuùfòò gbee kòò wɔ̀ŋ yaà kò sòòfɛ̀ɛ̀ muàŋ biì?

Luù 6:41 ပူးပေါင်းရင်းမြစ်များ

Maafiù 7:1

“Ɓɔ̀ nìŋ kilià è kiti ànyùùŋ diɛŋ, wèè kɛ̀ wo Dayà goiŋ nàŋ kìlìè kiti diɛŋ nyɛ̀iŋ pɛɛ.

Luù 6:40

Aŋ kààjɔa gbiŋ kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ. Kɛɛ sèè aŋ kààjɔa aŋ gbeè e kìlà aŋ kpɛ̀ɛ̀yɛ̀ e gɔ̀ɔ̀yɛ nyiŋ nɛ̀, àŋ do nàŋ nɔ̀ŋ mààŋ wo kààmɔɔŋ nyiŋ nɔɔ̀ŋ.

Luù 6:42

Dièsɔa mùŋ naŋ ɓɛ̀nɛ̀ŋ wòò wo wùìya mɔɔ̀ŋ maàŋ, ‘Tɔ̀ miŋ gòum e kuùfìèɛ ko sòòfɛ̀ɛ̀,’ kɛɛ muŋ fè yɛ̀mɛ̀ wɔ̀ŋ kuùfòòɔ kò sòòfɛ̀ɛ̀ muàŋ biì? Mùŋ yaà wo nyùùŋ fɛ̀ɛ̀ ɗòònààkeì. Gè wɔŋ kuùfòòɔ ko sòòfɛ̀ɛ̀ muìŋ jiɛ̀, kpeiŋ kɛ̀ màŋ ɓɛ̀nɛ̀ŋ yɛ̀mɛ̀ dìì tɛ̀ɛ̀ wèè maŋ gè e kuùfìèɛ ko sòòfɛ̀ɛ̀ wùìya mɔɔ̀ŋ.

Jɔ̀ɔŋ 8:7

Nààŋ àŋ naŋ wa kpèènè wo Jisɛ̀ dàwe e nyaàiŋ dè wò nìeɔ̀, wo Jisɛ̀ naŋ sie yèè wò naŋ nyiŋ woò wààŋ, “Nyɛ̀iŋ nyɛɛ̀ŋ gbiŋ sùà, wo nyùnɔ̀ɔŋ kòò wò nyɛ̀nɛ̀ŋ wa è jùumù wɔ wo nɔ̀ŋ wo jiɛ̀jiɛ̀ɔ wo hɔ̀wàuŋ ke dùò.”

Luùm 2:1

Nyɛ̀iŋ nààŋ bà nyiŋ nìŋ haà aŋ dàwiiŋ nyàŋ e kiti diɛŋ wèè e keì naanààŋ nyɛ̀nɛŋ. Kɛɛ niŋ kuwà kè kàfaì bà gbiŋ, wo Dayà gò kpɛɛ̀ŋ kɛ̀ ɓòò nàŋ yààùm. Sèè nìŋ gbaì aŋ dàwiiŋ nyàŋ, kɛ̀ nàŋ hàà e kiti nyɛ̀iŋ bi diɛŋ, esaɓù kɛ̀ è yaà e keì jèeiŋ e fèfoo nìŋ nyɛnɛŋ maŋ kèì guùŋ bi.

Jìiiŋ 1:24

Sèè wo nyùùŋ bi yɛmɛ̀ nɔŋ wuŋ bi wɔŋ mɛ̀ɛ̀mɛ̀ɛ̀ɔŋ sùà, wò haà nɔŋ wɔŋ mɛ̀ɛ̀mɛ̀ɛ̀ɔŋ fa, wò nyɛ̀ɛ̀nɛ̀ŋ e ɗeweɛ̀ wò yaà lɛ.