Luù 6:14 - WƆŊ FƐ̀Ì EBÒ SÌÀŊ DAYÀA

¹⁴ Anyùùŋ bi nàŋ yaà wa wo Saimɔ̀ŋ, wo yèɔ wò naŋ wa jàà e deè jɛ̀ìɛ Pììlɛ, yèè wo nanàuŋ nɔɔ̀ŋ Anɗù, wo Jìiiŋ yaà wo nanàuŋ nɔɔ̀ŋ Jɔ̀ɔŋ, wo Felè, yaà wo Bàtolomiò,

Luù 6:14 ပူးပေါင်းရင်းမြစ်များ

Maafiù 10:2

Maŋ dèè anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ wò naŋ wa nyààŋ aŋ keela tàeɗùù nyaŋ nyɛɛ̀ŋ, wò naŋ tà wo Saimɔ̀ŋ ɗùù (wo yèɔ wò naŋ wa jàà e deè jɛ̀ìɛ Piilɛ̀), yèè wo nanàuŋ nɔɔ̀ŋ Anɗù, wo Jìiiŋ yaà wo nanàuŋ nɔɔ̀ŋ Jɔ̀ɔŋ, aŋ jɔ̀àfèlàà Zɛɓɛdiì nyaŋ.

Maafiù 10:3

Wo Felè, wo Bàtolomiò, wo Tàmaŋ, wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wo Jìiiŋ wo jɔ̀àfèlàà Afiɔ̀ɔ, wo Taaɗìɔ̀,

Maafiù 4:18

Nààŋ wo Jisɛ̀ yaà wa kààìŋ wɔŋ juwoɔ̀ kɔɔ wɔŋ fùɔ̀ŋ Galaliìɔ sùà, wò naŋ yɛ̀mɛ̀ aŋ wùìyà nyùùŋ tìyèe, àŋ yaà wa anyuùŋ sùnga. Aŋ wùìyà tìyèe bi nàŋ yaà wa wo Saimɔ̀ŋ Piilɛ̀ yaà wo wùìyauŋ nɔɔ̀ŋ Anɗù, àŋ yaà gbììnyɛ̀ŋ kpee wɔŋ juwoɔ̀ sùà àŋ kuwo aŋ kɛ̀ì.

Maafiù 4:21

Nààŋ nyiŋ taai naŋ kɔ̀ e yìwìà koɓɛ̀ wii, wo Jisɛ̀ naŋ yɛ̀mɛ̀ aŋ wùìyà nyùùŋ tìyèe, aŋ jɔ̀àfèlàà Zɛɓɛdiì nyaŋ, wo Jìiiŋ yaà wo wùìyauŋ nɔɔ̀ŋ Jɔ̀ɔŋ. Nyiŋ yaà wo dèda nyiŋ Zɛɓɛdiì nàŋ yaà wa wɔŋ gɔɔ̀ sùà àŋ yaà bànèbànè sùà maŋ kpee nyiŋ màŋ. Wo Jisɛ̀ naŋ nyiŋ nyààŋ wààŋ aŋ jòà e tòmo nyiŋ nɛ̀ aŋ dèuŋ maŋjɛ̀wɛ.

Luù 5:10

È naŋ wa ɓɛìŋ fòònò wo Jìiiŋ yaà wo Jɔ̀ɔŋ, aŋ jɔ̀àfèlàà Zɛɓɛdiì nyaŋ. Nyiŋ nàŋ yaà wa anyùùŋ tòmò dàwì Saimɔ̀ŋ nyaŋ. Kɛɛ wo Jisɛ̀ naŋ wòò wo Saimɔ̀ŋ wààŋ, “E jùù ɓɔ̀ è nyɛ̀nɛ̀iŋ, e yìwìà nàaŋ nìŋ do nàŋ hìɛ̀ŋ anyùùŋ koɓɛ̀ Dayài.”

Luù 5:8

Nààŋ wo Saimɔ̀ŋ Piilɛ̀ naŋ yɛ̀mɛ̀ aŋ kɛ̀ì nyaŋ, wò naŋ dè maŋ gɛ̀ɛ̀nùuŋ màŋ dìì wo Jisɛ̀ fɛɛ̀feìŋ yèè wò naŋ woò wààŋ, “Kanaà, ɓɔ̀ mùŋ gbɛ̀ɛ̀im, esaɓù kɛ̀ mìŋ yaà wo nyùùŋ maŋ jùumù.”

Luù 6:13

Wɔŋ niìsìaà bàa wò naŋ nyààŋ anyùùŋ màŋjɛ̀wɛ̀uŋ nyàŋ gbiŋ wèè aŋ gbɛ̀ɛ̀uŋ kɔɔ fɔ̀ɔ̀. E yìwìà anyùùŋ bi e tɛɛ, wò naŋ tà aŋ kpàkòò zììyà jɛ̀wɛ̀ tìyèe ɗùù aŋ yè nyaŋ wò naŋ nyààŋ aŋ keela tàeɗùù nyaŋ.

Luù 6:15

wo Maafiù, wo yèɔ àŋ nyaaŋ wa ɓɛìŋ wo Liivaà wɔ, wo Tàmaŋ, wo Jìiiŋ joo bà, wo jɔ̀àfèlàà Afiɔ̀ɔ, wo Saimɔ̀ŋ wo yèɔ yaà wa wo bàuŋbà wèè ke gbòò woyaà, ke yèɛ hewa nyììnè anyùùŋ jii wèè aŋ giiyà e kànà anyùùŋ ko Luùm nyaŋ maŋhɛɛ,

Jɔ̀ɔŋ 1:45

Wo Felè naŋ mɛ̀ɛ̀ŋ wo Nàntanyàŋ yèè wò nauŋ woò wààŋ, “Èiŋ mɛ̀ɛ̀ŋ wo Jisɛ̀ e yìwìà ko Naazɔ̀ɛ̀, wo jɔ̀àfèlàà Jòòsɛɔ̀ wo yèɔ maŋ Sàwà Mòòze màŋ yèè aŋ Wɛ̀ijì nyaŋ naŋ wa sìngè kiiuŋ wɔ̀.”

Jɔ̀ɔŋ 14:8

Yèè wo Felè nauŋ woò wààŋ, “Kanaà, tɔ̀ɔ̀ wi wo Dèdaà, kɛ̀ maŋ jii wi màŋ fà.”

Jɔ̀ɔŋ 6:5

Wo Jisɛ̀ naŋ gè e fɛ̀ɛ̀ dìì yèè wò naŋ yɛ̀mɛ̀ anyuùŋ zimgbe yaà hìnìè ko nɛ̀ɛ̀uŋ niìŋ, wò naŋ dàwè wo Felè wààŋ, “Kòò è naiŋ ɓɛ̀nɛ̀ŋ kàa wèè e dènàŋ e nɛ̀ŋje sɛmɛ wèè anyùùŋ nyɛɛ̀ŋ gbiŋ aŋ jè?”

Jɔ̀ɔŋ 6:8

Wo Anɗù, wo wùìyà Saimɔŋ Piilɛ̀ɔ wo yèɔ yaà wa wo nyùùŋ màŋjɛ̀wɛ̀ Jisɛ̀ɔ bà guùŋ wɔ naŋ woò wààŋ,

Nyɛ̀nɛ̀ŋ 1:13

Nààŋ àŋ naŋ hàì ko jawa gbeeì, àŋ naŋ jòwò ko sààŋ fùùiŋ ko yèi àŋ hewa joo lɛ̀. Aŋ yè nyaŋ yao wa ko fɛɛ̀feìŋ nyaŋ nàŋ yaà, wo Pììlɛ, wo Jɔ̀ɔŋ, wo Jìiiŋ yèè wo Anɗù, wo Felè yèè wo Tàmaŋ, wo Bàtolomiò yèè wo Maafiù, wo Jìiiŋ wo jɔ̀àfèlàà Afiɔ̀ɔ yèè wo Saimɔ̀ŋ wo yèɔ manaŋ e kìlà wò toomàŋ e tɔ̀ɔ̀nyaàŋ sùà wèè wɔŋ fuɔuŋ nɔɔ̀ŋ, yaà wo Juɗà wo jɔ̀àfèlàà Jìiɔ̀ŋ.

Nyɛ̀nɛ̀ŋ 12:2

Wò naŋ wa nyɛ̀nɛ̀ŋ aŋ kààlòòɗùà nyaŋ aŋ jìwìà wo Jìiiŋ e koya fòo, wo wùìyà Jɔ̀ɔɔ̀ŋ.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.