Luù 6:13 - WƆŊ FƐ̀Ì EBÒ SÌÀŊ DAYÀA

¹³ Wɔŋ niìsìaà bàa wò naŋ nyààŋ anyùùŋ màŋjɛ̀wɛ̀uŋ nyàŋ gbiŋ wèè aŋ gbɛ̀ɛ̀uŋ kɔɔ fɔ̀ɔ̀. E yìwìà anyùùŋ bi e tɛɛ, wò naŋ tà aŋ kpàkòò zììyà jɛ̀wɛ̀ tìyèe ɗùù aŋ yè nyaŋ wò naŋ nyààŋ aŋ keela tàeɗùù nyaŋ.

Luù 6:13 ပူးပေါင်းရင်းမြစ်များ

Maafiù 10:2

Maŋ dèè anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ wò naŋ wa nyààŋ aŋ keela tàeɗùù nyaŋ nyɛɛ̀ŋ, wò naŋ tà wo Saimɔ̀ŋ ɗùù (wo yèɔ wò naŋ wa jàà e deè jɛ̀ìɛ Piilɛ̀), yèè wo nanàuŋ nɔɔ̀ŋ Anɗù, wo Jìiiŋ yaà wo nanàuŋ nɔɔ̀ŋ Jɔ̀ɔŋ, aŋ jɔ̀àfèlàà Zɛɓɛdiì nyaŋ.

Maafiù 19:28

Wo Jisɛ̀ naŋ nyiŋ fasàì wààŋ, “Tɔ̀ miŋ woòiŋ e tɔɔɓaaà kɛ̀, nìŋ yaà anyùùŋ màŋjɛ̀wɛ̀im. Yèè e ɗuunyaŋ jɛiɛ̀ do nàŋ hnè lɛ, sèè miàim wo Jɔ̀àfèlàà Nyuùŋ Kpùnɔɔ̀ŋ mìŋ jaà wa nàwèè ke kpùà e jòòwo gbee miɛ̀ŋ diɛŋ wèè ka kɛ̀ɛ̀ kana, nìŋ do nàŋ jɛ̀ì maŋ kpùà kana diɛŋ, màŋ zììyà jɛ̀wɛ̀ tìyèe wèè naŋ gbàì maŋ zìì ɗì zììyà jɛ̀wɛ̀ tìyèe màŋ ko Ezɔ̀ɛ̀.

Maafiù 9:36

Nààŋ wo Jisɛ̀ naŋ wa yɛ̀mɛ̀ e faaàŋ, ke nyowo naŋ sɛ̀ɛ̀ ke jiiuŋ nɛɛ̀ŋ sùà weè nyiŋ, esaɓù kɛ̀ e jiikɛ̀ɛ nyiŋ nɛ̀ naŋ wa gɔ̀àgɔ̀à sùà, yèè e zɔ̀kpɔ̀ naŋ sɛ̀ɛ̀ e kɔɔ nyiŋ nɛ̀ sùa, mààŋ aŋ ɓaawaa gò kùwìè wò nyuùŋ yɛ̀mɛ̀ diɛŋ nyiŋ.

Luù 11:49

E wèè esaɓù lɛɛ̀, wo Dayà wo yèɔ kuwa jiikɛ̀ɛ wɔ̀ naŋ woò wààŋ, ‘Mìŋ do nyiŋ nàŋ tùɔ̀ŋ aŋ wɛ̀ijì yèè aŋ keela. Àŋ do nàŋ jìwè aŋ bà nyiŋ e kìlà aŋ jàà aŋ bà nyiŋ e keì nyìnga.’

Luù 22:30

Nìŋ do nàŋ jènɛ̀ŋ yèè naŋ tìà wɔŋ gbɛ̀gbɛ̀ miɔ̀ŋ diɛŋ e Kana mɛ̀ sùà. Yèè nìŋ do nàŋ jɛ̀ì maŋ kpùà kana diɛŋ wèè naŋ nɔ̀ŋ aŋ sìèfeìŋ maŋ zìì ɗì zììyà jɛ̀wɛ̀ tìyèe màŋ diɛŋ ko Ezɔ̀ɛ̀.”

Luù 6:14

Anyùùŋ bi nàŋ yaà wa wo Saimɔ̀ŋ, wo yèɔ wò naŋ wa jàà e deè jɛ̀ìɛ Pììlɛ, yèè wo nanàuŋ nɔɔ̀ŋ Anɗù, wo Jìiiŋ yaà wo nanàuŋ nɔɔ̀ŋ Jɔ̀ɔŋ, wo Felè, yaà wo Bàtolomiò,

Jɔ̀ɔŋ 4:33

Anyùùŋ màŋjɛ̀wɛ̀uŋ nyàŋ naŋ tɛɛ̀ tɔ̀ɔ̀tù wòòwoo nyiŋ bi e fèemàŋ nyààŋ, “Ɓàà è ɓɛ̀nɛ̀ŋ nɔ̀ŋ tɔ̀ɔ̀nyaàŋ kɛ̀ wo nyùùŋ bà wòuŋ hìàŋ e nɛ̀ŋje?”

Nyɛ̀nɛ̀ŋ 1:13

Nààŋ àŋ naŋ hàì ko jawa gbeeì, àŋ naŋ jòwò ko sààŋ fùùiŋ ko yèi àŋ hewa joo lɛ̀. Aŋ yè nyaŋ yao wa ko fɛɛ̀feìŋ nyaŋ nàŋ yaà, wo Pììlɛ, wo Jɔ̀ɔŋ, wo Jìiiŋ yèè wo Anɗù, wo Felè yèè wo Tàmaŋ, wo Bàtolomiò yèè wo Maafiù, wo Jìiiŋ wo jɔ̀àfèlàà Afiɔ̀ɔ yèè wo Saimɔ̀ŋ wo yèɔ manaŋ e kìlà wò toomàŋ e tɔ̀ɔ̀nyaàŋ sùà wèè wɔŋ fuɔuŋ nɔɔ̀ŋ, yaà wo Juɗà wo jɔ̀àfèlàà Jìiɔ̀ŋ.

Ɛfesɔ̀ 2:20

Nyɛ̀iŋ pɛɛ, nìŋ yaà aŋ bàiŋbà wèè ke saaàŋ, aŋ keela tàeɗùù nyaŋ yaà aŋ wɛ̀ijì nyaŋ naŋ wa tɔ̀ɔ̀tù nyɛ̀lɛ yɛ̀, yèè ke kpɛnɛɛ̀ wèè ke saaàŋ nàŋ yaà wo Jisɛ̀ Kulaì wuŋ bibì.

Ɛfesɔ̀ 4:11

Yèè wuŋ naŋ “fè anyùùŋ maŋ kìɛŋ.” Wò naŋ tà aŋ bà nyiŋ ke ɗùù wèè aŋ nɔ̀ŋ aŋ keela tàeɗùù, aŋ bà nyiŋ wèè aŋ nɔ̀ŋ aŋ wɛ̀ijì, aŋ bà nyiŋ nɔ̀ŋ anyuùŋ fè ke mìè seì wèè Dayà, aŋ bà nyiŋ nɔ̀ŋ anyuùŋ gbòà ke mìè Dayà, yèè aŋ bà nyiŋ nɔ̀ŋ aŋ kààmɔɔŋ.

Hiɓu 3:1

Nyɛ̀iŋ nààŋ nyuùŋ hààwe dàwium nyàŋ, wo Dayà naiŋ tàeɗùù wèè naŋ nɔ̀ŋ anyùùŋ nɛɛmauŋ. Weètii gòngoìŋ e kèè wo Jisɛ̀, wo yèɔ wo Dayà naŋ tàeɗùù wèè wo nɔ̀ŋ wo keela yèè wo Kànà Sìèfèìŋ Zòòlo Gbeeɔ̀ wèè e hààweɛ̀ è kuwàìŋ lɛ.

2Pììlɛ 3:2

Mìŋ manaŋ naŋ jàà jii e nyaàiŋ dè maŋ mìè maŋ aŋ wɛ̀ijì nɛɛmaŋ nyàŋ naŋ wa gbòò e gɔuo sùà maŋ yaà maŋ miè gbìaŋ màŋ e yìwìà wo Kanaà yèè wo Nyuùŋ Jòèyeɔ̀ sìwè maŋ yè maŋ aŋ keela tàeɗùùiŋ nyaŋ naiŋ wa fè maŋ.

Maŋ kèì nyɛɛnɛŋ 12:1

Eɓìèmàŋjɛ̀wɛ̀ tii, e tɔ̀ɔ̀màŋsèì kèè mèè gbee bà naŋ fòlò ko fɛɛ̀feìŋ ke nyiliɛ̀. Wo nìe bà yaào wa, wɔŋ deè kpàauŋ nɔɔ̀ŋ nàŋ yaà wa e gɔɛɛ̀. Wɔŋ wàa yàaùŋ wa ko gòlòò dìì, yèè ke ɓɔ̀ɗì kana bàànè maŋ ɗù zììyà jɛ̀wɛ̀ tìyèe jàauŋ ko ɗì.

Maŋ kèì nyɛɛnɛŋ 18:20

Nɔ̀ɔìŋ e zɔlɔ̀ sùà nyɛ̀iŋ nààŋ nyùùŋ nɛɛmaŋ nyàŋ ko àìjɛnɛ̀ŋ, esaɓù kɛ̀ wo Dayà wòuŋ pɔɔpɔ̀ɔ̀! Nɔ̀ɔìŋ e zɔlɔ̀ sùà nyɛ̀iŋ nààŋ nyùùŋ nɛɛmaŋ nyàŋ, nyɛ̀iŋ nààŋ keela tàeɗùù nyaŋ, yèè nyɛ̀iŋ nààŋ wɛ̀ijì nyaŋ! Esaɓù kɛ̀ wo Dayà wòuŋ gbaì yèè wòuŋ kìlìà e kiti diɛŋ wèè e keìɛ wò naiŋ jàà lɛ!

Maŋ kèì nyɛɛnɛŋ 21:14

Àŋ naŋ wa nyìlìè wɔŋ gɔ̀ɔ̀ŋ jawa gbeeɛ̀ e kpèè le dùò zììyà jɛ̀wɛ̀ tìyèe diɛŋ. Maŋ kpɛnɛ bi diɛŋ àŋ naŋ wa sìngìè maŋ dèè aŋ keela tàeɗùù zììyà jɛ̀wɛ̀ tìyèè Ɓaawaaà.