Luù 6:12 - WƆŊ FƐ̀Ì EBÒ SÌÀŊ DAYÀA

¹² E teenga bi sùà wo Jisɛ̀ naŋ wa kɔ̀ wɔŋ toò bà dìmɛ̀ wèè wo zoolò. Wò nao nɔ̀ŋ wɔŋ dùùm wiiŋ gbiŋ ko zòòlò Dayà.

Luù 6:12 ပူးပေါင်းရင်းမြစ်များ

Maafiù 5:1

Nààŋ wò Jisɛ̀ naŋ wa yɛ̀mɛ̀ e faaàŋ, wò naŋ kɔ̀ wo jòwà wɔŋ toò bà dìmɛ̀ yèè wò naŋ jɛi. Anyùùŋ màŋjɛ̀wɛ̀uŋ nyàŋ nauŋ kìlìè kɔɔ,

Maafiù 6:6

Kɛɛ sèè mùŋ woà mààŋ muŋ zoolò, jɔ̀à ko saaŋ zɔ̀nù moo muŋ yìlà wɔŋ gbemgbeeɔ̀. Zòòloò koɓɛ̀ wo Dèda mɔɔ̀ŋ ke gbùnuo sùà. Yèè wo Dèda mɔɔ̀ŋ naŋ nyìmè e nɛ̀ɛŋ mùŋ naŋ nyɛ̀nɛ̀ŋ ke gbùnuo sùà lɛ, wò doum nàŋ kìɛ̀ŋ e jìwààjɛ̀wɛ̀ siaŋ.

Luù 5:16

Kɛɛ e teenga gbiŋ wò folo anyùùŋ nyaŋ e tɛɛ wo kà koɓɛ̀ bà su wèè wo zoolò.

Luù 6:11

Kɛɛ aŋ kààmɔ̀ɔ̀ŋ maŋ Sàwà Dayà nyaŋ yaà aŋ Fɛlosiì nyaŋ naŋ wa tuù, yèè àŋ naŋ wòò nyiŋ bi e fèemàŋ nyààŋ, “Kiìŋ è naiŋ ɓɛ̀nɛ̀ŋ nyìnìàŋ wo Jisɛ̀?”

Luù 6:17

Wo Jisɛ̀ naŋ wa dèyè e yìwìà wɔŋ toò gbeeɔ̀ dìmɛ̀ yaà anyùùŋ màŋjɛ̀wɛ̀uŋ nyàŋ, yèè àŋ naŋ sìè e diì jɛ̀iɛ̀ diɛŋ. Kuŋ wò naŋ mɛ̀ɛ̀ŋ ke gbòò anyùùŋ màŋjɛ̀wɛ̀uŋ nyàŋ zimgbe nyiŋ. Ke gbòò anyuùŋ zimgbe yào wa kiŋ pɛɛ e yìwìà ko Jùlusɛ̀làm yèè maŋ kpàlàùŋ kpàlàùŋ zimgbe sùà wɔŋ fùɔ̀ŋ Jùdiàa, yèè e yìwìà maŋ jawa gbeegbèè maŋ sùà e gbɛ̀ɛ̀ wɔŋ fùɔ̀ŋ Taàa yaà ko Sidɔ̀ùŋ.

Luù 9:18

Kè ɗɔ̀ɔ̀ guùŋ nààŋ wo Jisɛ̀ yaà wa zoolo wuŋ guùŋ, anyùùŋ màŋjɛ̀wɛ̀uŋ nyàŋ naŋ hnè ko nɛ̀ɛ̀uŋ niìŋ. Yèè wò naŋ nyiŋ dawè wààŋ, “Ɓòò anyùùŋ nyaŋ naŋ woò nyààŋ mìŋ yaà?”

Luù 9:28

Maŋ ɗɔ̀ɔ̀ nɔɔnɔŋ le taai naŋ mààŋ, yèè wo Jisɛ̀ naŋ ɓèmè wo Pììlɛ, wo Jɔ̀ɔŋ wo Jìiiŋ àŋ naŋ kɔ̀ wɔŋ toò bà dìmɛ̀ ko zoolo.

Luù 9:29

Nààŋ wo Jisɛ̀ yaà wa zoolo, e nɔ̀ŋ kìì wɔŋ dewàuŋ nɔɔ̀ŋ naŋ kìlè, yèè maŋ dèè kɔɔuŋ màŋ naŋ fòò maŋ mɛ̀ɛ̀ŋ pepe.

Jɔ̀ɔŋ 6:3

Wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ jòwò wɔŋ toò bà dìmɛ̀ yèè àŋ naŋ jɛ̀ì koɓɛ̀ guùŋ.

Kòlo 4:2

Zòòloiŋ e teenga gbiŋ, yèè niŋ yɛmɛ̀ nyɛiŋ bi diɛŋ e teengaà nìŋ nɔ̀ŋ zoolo lɛ̀, e kìlà niŋ kɛɛnɛ̀ŋ ke sɛ̀ gèe koɓɛ̀ Dayài.

Hiɓu 5:7

E teengaà wo Jisɛ̀ yaà wa e ɗuunyaàŋ lɛ, wò naŋ wa zoolò yèè wò naŋ dàwè wo Dayà ke mìè gòla gbee sùà yaà maŋ fɛɛ̀màì sùà wèè wo joeyèuŋ. Wo Dayà kuwa wa e gààaŋ wèè wo jòèyè ke kpùnàŋ Jisɛ̀ɛ wèè wo gò wa nàŋ fɔ̀. Nààŋ wò naŋ wa dèèyè wùŋ bi wèè wo nyɛ̀nɛ̀ŋ e yèɛ wo Dayà manaŋ wa wo nyɛ̀nɛ̀ŋ lɛ, wo Dayà naŋ jàà e zòòlouŋ nɛ̀ kùàŋ dìì.