Luù 6:11 - WƆŊ FƐ̀Ì EBÒ SÌÀŊ DAYÀA

¹¹ Kɛɛ aŋ kààmɔ̀ɔ̀ŋ maŋ Sàwà Dayà nyaŋ yaà aŋ Fɛlosiì nyaŋ naŋ wa tuù, yèè àŋ naŋ wòò nyiŋ bi e fèemàŋ nyààŋ, “Kiìŋ è naiŋ ɓɛ̀nɛ̀ŋ nyìnìàŋ wo Jisɛ̀?”

Luù 6:11 ပူးပေါင်းရင်းမြစ်များ

Maafiù 16:7

Anyùùŋ màŋjɛ̀wɛ̀ Jisɛ̀ nyaŋ naŋ tɛɛ̀ tɔ̀ɔ̀tù maŋdi ɓùlia nyiŋ wouwòù e fèemàŋ nyààŋ, “Wò naŋ tɛɛ̀ wòo wèè e gòiŋ hìàŋ è gbɔ̀u lɛ̀.”

Maafiù 21:45

Kpeiŋ nààŋ aŋ kànà sìèfèìŋ zòòlo nyàŋ yèè Fɛlosiì nyaŋ naŋ kòmò ke kàɓànè Jisɛ̀ɛ, àŋ naŋ wa nyìmè kɛ̀ ke kàɓanèɛ wò naŋ gè yɛ, kɛ̀ nyiŋ wò sɔ̀à.

Luù 4:28

Nààŋ anyùùŋ nyaŋ ko sààŋ zòòlò aŋ Juùù nyaŋ naŋ kòmò wo Jisɛ̀ naŋ tɛɛ̀ woò, àŋ naŋ wa tuù zimgbe.

Luù 6:10

Wò naŋ kìlìè aŋ gbiŋ le fɛ̀ɛ̀ diɛŋ, yèè wò naŋ wòò wo felaaà wààŋ, “Vùlɔ̀ŋ kuàŋ fàa mɔɔ̀ŋ.” Wo felaaà naŋ vùlɔ̀ŋ wɔŋ kuàuŋ nɔɔ̀ŋ, yèè wɔ̀ŋ naŋ jòèyè janjai.

Luù 6:12

E teenga bi sùà wo Jisɛ̀ naŋ wa kɔ̀ wɔŋ toò bà dìmɛ̀ wèè wo zoolò. Wò nao nɔ̀ŋ wɔŋ dùùm wiiŋ gbiŋ ko zòòlò Dayà.

Jɔ̀ɔŋ 11:47

Kpeiŋ aŋ Fɛlosiì nyaŋ yèè aŋ kànà sìèfèìŋ zòòlo nyàŋ naŋ nyààŋ aŋ màmànkùmɛ̀ŋ fuɔɔ̀ŋ koɓɛ̀ guùŋ yèè àŋ naŋ nyiŋ woò nyààŋ, “Kiìŋ è naiŋ naàŋ ɓɛ̀nɛ̀ŋ nyɛ̀nɛŋ? Wo felaa wɛɛ̀ kòò wò yaà nyìnìè maŋ kèè mèè zimgbe.

Jɔ̀ɔŋ 7:1

Eɓìèmàŋjɛ̀wɛ̀ tɛɛ̀, wo Jisɛ̀ naŋ jààmè anyùùŋ nyaŋ maŋ tàta màŋ sùà wɔŋ fùɔ̀ŋ Galaliìɔ. Wò naŋ wa yèwè ko Jùdià esaɓù kɛ̀ anyùùŋ gbèègbèè aŋ Juùù nyaŋ yaà wa kààmè e ɗewe wèè auŋ jìwà.

Nyɛ̀nɛ̀ŋ 26:11

Mìŋ he nyiŋ wa kìɛ̀ŋ keì nyìnga e teenga zimgbe maŋ sààŋ zòòlò aŋ Juùù wi nyàŋ dìì, yèè mìŋ kamàŋ wa e ɗewe wèè ka nyiŋ nyɛ̀nɛ̀ŋ aŋ woò maŋ mìè ɓɛ̀ɛ̀pɔ̀ɔ koɓɛ̀ Dayài. Yèè ngèè, mìŋ naŋ nyiŋ wa tùù sìwè zimgbe, e nɔ̀ŋ esaɓù sɔɔ̀ ka wa kà ko kaame nyiŋ maŋ jawa gbeegbèè maŋ fuɔ̀ŋ joo màŋ sùà.”

Nyɛ̀nɛ̀ŋ 4:15

Kpeiŋ àŋ naŋ wòò aŋ felaa nyàŋ kɛ̀ aŋ fɛɛnɛ̀ŋ weè feìŋ e yìwìà e dèèneɛ̀ sùà. Kpeiŋ anyùùŋ gbèègbèè fuɔŋ nyàŋ nao joo yèè àŋ naŋ tɔ̀ɔ̀tù ɗèwe nyiŋ wouwòù fèemàŋ.

Nyɛ̀nɛ̀ŋ 4:19

Wo Pììlɛ yaà wo Jɔ̀ɔŋ naŋ nyiŋ fasàì nyààŋ, “Nyɛ̀iŋ bi kɛ̀ɛìŋ kiti sèè mààŋ kòò niŋ nàŋ yaà e tɔ̀ɔ̀nyaàaŋ ko fɛ̀ɛ̀fèìŋ Dayài, wèè eiŋ jɔ̀ɔ̀lɔ̀ wo nyuùŋkpùuŋ dìì ɔ̀ɔ̀ eiŋ jɔ̀ɔ̀lɔ̀ wo Dayà dìì.

Nyɛ̀nɛ̀ŋ 5:33

Nààŋ anyùùŋ gbèègbèè fuɔɔ̀ŋ naŋ wa tɛɛ̀ kòmò, àŋ naŋ wa tuù yèè àŋ manaŋ wa wèè aŋ jìwà aŋ keela tàeɗùù nyaŋ.

Nyɛ̀nɛ̀ŋ 7:54

Nààŋ anyùùŋ gbèègbèè fuɔɔ̀ŋ yaà wa kùmìàŋ sùà e keìɛ wo Siiwììŋ yaà wa woo lɛ̀, àŋ naŋ wa tuù àŋ gè gbìlà le sìaŋ e wùàŋ sùà weèuŋ.

2Time 3:9

Aŋ naàŋ kɔ̀ koɓɛ̀ dii, e fèfoo anyùùŋ nyaŋ gbiŋ do nàŋ yɛ̀mɛ̀ e zùwo nyiŋ nɛ̀. Tii nàŋ yaà e yèɛ naŋ wa kààìŋ koɓɛ̀ Janìiŋ yaà wo Jamɓulù lɛ.