Luù 5:33 - WƆŊ FƐ̀Ì EBÒ SÌÀŊ DAYÀA

³³ Anyùùŋ bà naŋ dàwè wo Jisɛ̀ nyààŋ, “Wèè kiìŋ anyùùŋ màŋjɛ̀wɛ̀ Jɔ̀ɔŋ Gùà Nyùnɔ̀ɔŋ e kpùlìà anyùùŋ màŋjɛ̀wɛ̀ aŋ Fɛlosiì nyaŋ kuwo ke tɔùŋ e kìlà àŋ zoolà e teenga gbiŋ, kɛɛ aŋ jeum nyàŋ nɔ̀ŋ jììyè nɛ̀ŋje yèè àŋ tiye?”

Luù 5:33 ပူးပေါင်းရင်းမြစ်များ

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Luù 11:1

Ke ɗɔ̀ɔ̀ guùŋ wo Jisɛ̀ yaà wa zoolo koɓɛ̀ bà. Nààŋ wò naŋ wa kpɛ̀ɛ̀yɛ̀ zòòlo, wo nyùùŋ màŋjɛ̀wɛ̀uŋ nɔɔ̀ŋ bà guùŋ naŋ hnè ko nɛ̀ɛ̀uŋ niìŋ wò nauŋ woò wààŋ, “Kanaà, kàà wi e ɗèwè zòòlo, màànààŋ nɔŋ wo Jɔ̀ɔŋ naŋ wa kàà anyùùŋ màŋjɛ̀wɛ̀uŋ nyàŋ lɛ.”

Luù 18:12

Mìŋ kuwo ke tɔùŋ maŋ ɗɔ̀ɔ̀ tìyèe ke wikì gbiŋ sùà, mìŋ goonàŋ e nɛ̀ŋ kàme mɛ̀ gbiŋ sùà zììyà yèè kaum kìɛ̀ŋ e ɗì guùŋ e jaaà gèe sùà.’

Luù 2:37

Kɛɛ wò yaà wa naàŋ maŋ doa kpɛ̀ùŋ tiinàŋ jɛ̀wɛ̀ tiinàŋ. E dùùm yèè maŋ gɔɛɛ wò hewa jòò ko Saaŋ Zòòlò Dayài wò yaà zòòlò Dayà wò kuwo ke tɔùŋ.

Luù 20:47

Àŋ nyinìàŋ aŋ jɔ̀ùŋnèèdàà nyaŋ kàaɓì yèè aŋ nyiŋ gè maŋ tùlìè jii nyiŋ màŋ sìwè maŋ gboo nyiŋ màŋ sùà. Àŋ manaŋ kèè nyiŋ bi tɔ̀ɔ yèè maŋ zòòlo nyiŋ màŋ mùŋloe jèì. Anyùùŋ mààŋ nyiiŋ do wa nàwèè nàŋ kùwò e nimilà nyìnga e mààŋ nyààŋ!”

Luù 5:32

Miŋ gò hnàŋ wèè ka nyààŋ ànyùùŋ tɔ̀ɔ̀nyaàŋ nyaŋ wèè aŋ fè màŋ tùwo naanààŋ nyiŋ màŋ jɛwɛ. Mìŋ naŋ hnè wèè ka nyààŋ anyùùŋ maŋ jùumù nyaŋ.”

Luù 5:34

Wo Jisɛ̀ naŋ nyiŋ woò wààŋ, “Nìŋ yaà goongo kɛ̀ nàŋ ɓɛ̀nɛ̀ŋ nyɛ̀nɛ̀ŋ aŋ nyùùnèènyɛiŋ nyàŋ wɔŋ ɗàà gè ke yɛɛ̀ gbìaàŋ sùà aŋ kùwà ke tɔùŋ e teengaà wo kɛ̀ɛ̀nɛ̀ŋ jɔnɔ̀ɔŋ yàa nyìŋ e tɛɛ ko sààŋ yɛɛ̀ gbìaìŋ lɛ? Kpele, niŋ fè tii nyɛ̀nɛ̀ŋ!

Jɔ̀ɔŋ 1:35

Wɔŋ niìsìaà bàa, wo Jɔ̀ɔŋ yèè anyùùŋ màŋjɛ̀wɛ̀uŋ nyàŋ àŋ tìyèe, siao wa àŋ yaà fùlìè wo Jisɛ̀.

Jɔ̀ɔŋ 3:25

Anyùùŋ màŋjɛ̀wɛ̀ Jɔ̀ɔŋ nyàŋ yaà aŋ Juùù nyaŋ bà nyiŋ naŋ wa kpàànè kpàànè e fèemàŋ e nyaàiŋ dè e ɗewe kiiɛ̀ àŋ guo nyiŋ bi lɛ̀ e làngì zòòlo nyiŋ nɛ̀ sùà wèè aŋ nɔ̀ŋ anyuùŋ zɛ̀nɛŋ.

Nyɛ̀nɛ̀ŋ 9:11

Wo Kanaà nauŋ woò wààŋ, “Yewà dìì muŋ ka ko gbòò Juɗài ke dòmaŋ nyìlɛɛ̀ŋ diɛŋ, muŋ dawè wèè wo kenàŋ bà àŋ nyaaŋ wo Sɔɔ̀ e yìwìà ko Tasɔ̀. Mùŋ douŋ nàŋ mɛɛ̀ŋ wò yaà zoolo,