Luù 5:26 - WƆŊ FƐ̀Ì EBÒ SÌÀŊ DAYÀA

²⁶ Tɛɛ̀ naŋ wa fòònò anyùùŋ nyaŋ gbiŋ. E jùù naŋ nyiŋ nyɛ̀nɛ̀ŋ, àŋ naŋ tɛ̀nɛ̀ŋ wo Dayà àŋ yaà woo nyààŋ, “Kiìŋ è kèè mèè gbee è naiŋ yaà nàaŋ yɛmɛ̀ lɛ!”

Luù 5:26 ပူးပေါင်းရင်းမြစ်များ

Maafiù 12:23

E keì lɛɛ̀ naŋ wa fòònò anyùùŋ nyaŋ zimgbe nààŋ wo Jisɛ̀ naŋ wa sùngò wo felaaà, yèè àŋ naŋ tɔ̀ɔ̀tù dàwe nyààŋ, “Ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo jɔ̀àfelaa Dèèweɔ̀?”

Maafiù 28:8

Yèè àŋ naŋ kɔ̀ maŋ dùaŋ dùaŋ e yìwìà koɓɛ̀ ke hùaàŋ. Jòòpɛɛ e jùù yaà nyiìŋ wa, kɛɛ maŋ jii nyiŋ màŋ naŋ wa dìè e zɔlɔ̀, àŋ naŋ dùɔ̀ŋ wèè aŋ ka aŋ woò ebò lɛɛ̀ koɓɛ̀ anyùùŋ màŋjɛ̀wɛ̀uŋ nyàŋ.

Maafiù 9:8

Nààŋ anyùùŋ nyaŋ naŋ wa tɛɛ̀ yɛmɛ̀, e jùù naŋ nyiŋ nyɛ̀nɛ̀ŋ yèè àŋ naŋ tɛ̀nɛ̀ŋ wo Dayà wèè wo kìɛ̀ŋ e gààŋ mààŋ tɛɛ̀ koɓɛ̀ anyuùŋ kpùuŋ.

Luù 1:65

E jùù naŋ wa nyɛ̀nɛ̀ŋ anyuùŋ jɛ̀i dàwiuŋ nyàŋ maŋ gboo kuaŋ maŋ sùa, e nyaàiŋ dè e yèɛ naŋ kaàiŋ lɛ. Anyùùŋ nyaŋ gbiŋ wɔŋ fàà maŋ toò maŋ ko Jùdià naŋ ɓèmè e keì lɛɛ̀ wèè e nɔ̀ŋ e keì wòo.

Luù 5:8

Nààŋ wo Saimɔ̀ŋ Piilɛ̀ naŋ yɛ̀mɛ̀ aŋ kɛ̀ì nyaŋ, wò naŋ dè maŋ gɛ̀ɛ̀nùuŋ màŋ dìì wo Jisɛ̀ fɛɛ̀feìŋ yèè wò naŋ woò wààŋ, “Kanaà, ɓɔ̀ mùŋ gbɛ̀ɛ̀im, esaɓù kɛ̀ mìŋ yaà wo nyùùŋ maŋ jùumù.”

Luù 7:16

E jùù naŋ wa nyɛ̀nɛ̀ŋ anyùùŋ nyaŋ gbiŋ, yèè àŋ naŋ tɛ̀nɛ̀ŋ wo Dayà. Àŋ naŋ wa woò nyààŋ, “Wo wɛ̀ijì gbee wò wi hnàŋ e tɛɛ, wo Dayà hnàŋ koɓɛ̀ anyunùuŋ nyàŋ wèè wo nyiŋ joeyè.”

Luù 8:37

Kpeiŋ anyùùŋ nyaŋ gbiŋ maŋ kpàlàùŋ kpàlàùŋ miiŋ sùà e gbɛ̀ɛ̀ ko Gɛ̀lesà naŋ pɔ̀wɔ̀ wo Jisɛ̀ wèè wo yèwà wɔŋ fuɔŋ nyiŋ nɔɔ̀ŋ sùà, esaɓù kɛ̀ e jùù naŋ wa nyɛ̀nɛ̀ŋ aŋ gbiŋ. Wo Jisɛ̀ naŋ sɛ̀ɛ̀ wɔŋ gɔɔ̀ sùà wò naŋ kɔ̀.

Nyɛ̀nɛ̀ŋ 4:21

Kpeiŋ anyùùŋ gbèègbèè fuɔŋ nyàŋ naŋ nyiŋ naàà nyìnga yèè àŋ naŋ nyiŋ dangè aŋ ka. Anyùùŋ fuɔŋ nyàŋ gò wa yɛ̀mɛ̀ kè dòmaŋ gbiŋ wèè àŋ do kìɛ̀ŋ àŋ felaa nyàŋ è keì nyìnga, esaɓù kɛ̀ anyùùŋ nyaŋ gbiŋ yaà wa tɛ̀ɛ̀nɛ̀ŋ Dayà wèè e keìɛ naŋ wa kaaìŋ lɛ.

Gàla 1:24

E kìlà esaɓù mɛ̀ sùà, àŋ naŋ jòòwò e dèè Dayàa.