Luù 5:24 - WƆŊ FƐ̀Ì EBÒ SÌÀŊ DAYÀA

²⁴ Mìŋ doiŋ nàŋ nyɛ̀nɛ̀ŋ naŋ nyìmàŋ kɛ̀ miàŋ, wo Jɔ̀àfèlàà Nyuùŋ Kpùnɔɔ̀ŋ kuwa gààŋ e ɗuunyaŋ lɛɛ̀ diɛŋ wèè ka jùùyà maŋ jùumù hakɛ̀.” Kpeiŋ wò naŋ wòò wo felaa kpɔ̀ɔ̀kpɔɔɔ̀ wààŋ, “Yewà dìì, muŋ ɓemè wɔŋ gbùmaŋ mɔɔ̀ŋ, muŋ ka ko gboo moo!”

Luù 5:24 ပူးပေါင်းရင်းမြစ်များ

Maafiù 16:13

Kpeiŋ wo Jisɛ̀ yèè anyùùŋ màŋjɛ̀wɛ̀uŋ nyàŋ naŋ kɔ̀ maŋ kpàlàùŋ kpàlàùŋ maŋ naŋ gbɛ̀ɛ̀ e jawaà Sesèlià Fèlepì. Nààŋ àŋ yaà wa kɔɔyɛ, wò Jisɛ̀ naŋ nyiŋ dawè wààŋ, “Ɓòò anyùùŋ nyaŋ naŋ woò nyààŋ miàim wo Jɔ̀àfèlàà Nyuùŋ Kpùnɔɔ̀ŋ mìŋ yaà?”

Maafiù 25:31

Yèè wo Jisɛ̀ naŋ nyiŋ ɓɛìŋ woò wààŋ, “Sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè e jòòwo gbee mɛ̀ sùà, yèè aŋ màikà nyaŋ gbiŋ àŋ yààìm kɔɔ, mìŋ do nàŋ jɛ̀ì ke kpùà Kana miɛ̀ŋ diɛŋ.

Maafiù 26:64

Wo Jisɛ̀ naŋ nyiŋ fasàì wààŋ, “Yɛi nìŋ naŋ woò. Kɛɛ tɔ̀ miŋ woòiŋ e tɔɔɓaaà, yèè nyɛ̀iŋ nààŋ gbiŋ nìŋ do nàŋ yɛ̀mɛ̀ miàim wo Jɔ̀àfèlàà Nyuùŋ Kpùnɔɔ̀ŋ mìŋ jaa wɔŋ kùàŋ jìkà wo Dayà Gaàŋ Gbeeɔ̀ yèè mìŋ yaà hìnìè wɔŋ ɗùkpù ke nyiliɛ̀ diɛŋ!”

Maafiù 28:18

Wo Jisɛ̀ naŋ nyiŋ bɔ̀mɔ̀ŋ kɔɔ wò naŋ nyiŋ woò wààŋ, “E gààaŋ gbiŋ ko àìjɛnɛ̀ŋ yèè e ɗuunyaàŋ è nɔ̀ŋ kìɛŋ niŋ ko nɛ̀ɛ̀ŋ miìŋ.

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Maafiù 9:6

Mìŋ doiŋ nàŋ nyɛ̀nɛ̀ŋ naŋ nyìmàŋ kɛ̀ miàŋ, wo Jɔ̀àfèlàà Nyuùŋ Kpùnɔɔ̀ŋ kuwa e gààŋ e ɗuunyaŋ lɛɛ̀ diɛŋ wèè ka jùùyà maŋ jùumù hakɛ̀.” Kpeiŋ wò naŋ wòò wo felaa kpɔ̀ɔ̀kpɔɔɔ̀ wààŋ, “Yewà dìì, muŋ ɓemè wɔŋ gbùmaŋ mɔɔ̀ŋ, muŋ kà ko gboo moo!”

Luù 5:13

Wo Jisɛ̀ naŋ vùlɔ̀ŋ wɔŋ kuàuŋ nɔɔ̀ŋ wò naŋ mɛ̀nlɛ̀ɛ̀ŋ wo felaaà wò nauŋ woò wààŋ, “Mìŋ manaŋ. Joyà muŋ zɛ̀nɛ̀ŋ!” Ko fɛɛ̀feìŋ, e sààŋ maŋkùnùɛ naŋ jùò wo felaaà e kɔɔ sùà.

Luù 5:18

Anyùùŋ bà naŋ wa hnè, àŋ naŋ hìɛ̀ŋ wo felaa kpɔ̀ɔ̀kpɔɔ bà wò hawa wɔŋ gbùmaŋ sùà. Àŋ manaŋ wa wèè auŋ jɔ̀ɔ̀yɛ̀ ko saaìŋ auŋ hàà wo Jisɛ̀ fɛɛ̀feìŋ.

Luù 5:23

E naàŋ nɔ̀ŋ è keì nyìnga, wèè wo nyùùŋ bà wo wòò wo felaa wɛɛ̀ wààŋ, ‘Kà jùùyà maŋ jùumùum màŋ hakɛ̀. Esaɓù kɛ̀ wo nyùùŋ bà gbiŋ fè ɓɛ̀nɛ̀ŋ yɛ̀mɛ kɛ̀ tɔɔɓaa maŋ jùumùuŋ màŋ nɔ̀ŋ hakɛ̀ jùùya miŋ ɔ̀ɔ̀ maŋ gò nɔ̀ŋ hakɛ̀ jùùya miŋ. Kɛɛ wo nyùùŋ gbiŋ fòuŋ ɓɛ̀nɛ̀ŋ wòo wààŋ, yewà dìì muŋ ka, sɔɔ̀ wo nyùùŋ wii wo kɛ̀ɛ̀nɛ̀ŋ e gààaŋ wèè wouŋ sùngà.’

Luù 7:14

Kpeiŋ wo Jisɛ̀ naŋ kɔ̀ yèè wò naŋ mɛ̀nlɛ̀ɛ̀ŋ wɔŋ kààŋ fàaà, yèè anyùùŋ nyaŋ yaà kòà sùà wɔŋ kàaàŋ nyaŋ naŋ sie. Yèè wo Jisɛ̀ naŋ woò wààŋ, “Dakenàŋ, yewà dìì.”

Luù 8:54

Kɛɛ wo Jisɛ̀ nauŋ kùwò kùàŋ yèè wò naŋ woò wààŋ, “Ɓɔ̀jɔa wɛɛ̀, yewà dìì!”

Jɔ̀ɔŋ 11:43

Nààŋ wo Jisɛ̀ naŋ tɛɛ̀ kpɛ̀ɛ̀yɛ̀ wòo, wò naŋ nyaanè ke miè gbeeo sùà wààŋ, “Lazɔlɔ̀, yewà dìì muŋ fòlà!”

Jɔ̀ɔŋ 17:2

Mùŋ naim kìɛ̀ŋ e gààŋ anyuùŋ kpùuŋ nyàŋ gbiŋ diɛŋ, wèè ka kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ mùŋ naim kiɛ̀ŋ nyaŋ.

Jɔ̀ɔŋ 3:13

Wo nyùùŋ bà gbiŋ kòò wò jòwò wa kò àìjɛnɛ̀ŋ, kɛɛ sɔɔ̀ nɔŋ miàim wo Jɔ̀àfèlàà Nyuùŋ Kpùnɔɔ̀ŋ wo yèɔ naŋ dèyè e yìwìà ko àìjɛnɛ̀ŋ wɔ.

Jɔ̀ɔŋ 5:27

Yèè wò kìɛ̀ŋ miàim wo Jɔ̀àfelaauŋ nɔɔ̀ŋ e tɔ̀ɔ̀nyaàaŋ wèè ka gbàì anyùùŋ nyaŋ gbiŋ, esaɓù kɛ̀ miàŋ nàŋ yaà wo Jɔ̀àfèlàà Nyuùŋ Kpùnɔɔ̀ŋ.

Nyɛ̀nɛ̀ŋ 14:10

yèè wò nauŋ woò ke miè gbeeo sùà wààŋ, “Sìè ɗeiiŋ maŋ golòum màŋ diɛŋ!” Wo felaaà naŋ vaì wo sie yèè wò naŋ tɔ̀ɔ̀tù kàaiŋ.

Nyɛ̀nɛ̀ŋ 5:31

Wo Dayà nauŋ jàà wɔŋ kùàŋ jìkauŋ nɔɔ̀ŋ, yèè wò nauŋ nyɛ̀nɛ̀ŋ wo Kana yèè wo Nyuùŋ Jòèyeɔ̀ weè wì, wèè kɛ̀ anyùùŋ Ezɔ̀ɛ̀ nyaŋ fè maŋ tùwo naanààŋ nyiŋ màŋ jɛwɛ aŋ kìlà ko nɛ̀ɛ̀uŋ niìŋ e kìlà maŋ jùumù nyiŋ màŋ nɔ̀ŋ hakɛ̀ jùùya miŋ.

Nyɛ̀nɛ̀ŋ 9:34

Wo Pììlɛ nauŋ woò wààŋ, “Enià, wo Jisɛ̀ Kulaì wòum sùngà; yewà dìì yèè muŋ banè ko gbùmaŋ muìŋ.” Ko fɛɛ̀feìŋ wo Enià naŋ yèwè dìì.

Nyɛ̀nɛ̀ŋ 9:40

Wo Pììlɛ naŋ tùɔ̀ŋ anyùùŋ nyaŋ gbiŋ ko jɔɔlèi, wò naŋ dè maŋ gɛ̀ɛ̀ŋ nùuŋ màŋ dìì yèè wò naŋ zoolò. Yèè wò naŋ kìlè koɓɛ̀ e fàaà wò naŋ woò wààŋ, “Tàbità, yewà dìì!” Wo nìeɔ̀ naŋ gbàì le fɛɛ̀uŋ nɛ̀, yèè nààŋ wò naŋ yɛ̀mɛ̀ wo Pììlɛ, wo naŋ yèwè dìì wo jɛi.

Maŋ kèì nyɛɛnɛŋ 1:13

Maŋ kuù sɛ̀ɛ̀ maŋ laumpò mɛɛ̀ŋ tɛɛ, mìŋ naŋ yɛ̀mɛ̀ e nɛ̀ŋ bà è naŋ tèènè wo Jɔ̀àfèlàà Nyuùŋ Kpùnɔɔ̀ŋ, wò gɔaa wɔŋ ɓooɓane mùŋlaŋ yèè wò naŋ dìkìè e gòoò tɛkì ko sɔɔ̀sùà.