Luù 5:2 - WƆŊ FƐ̀Ì EBÒ SÌÀŊ DAYÀA

² Wò naŋ wa yɛ̀mɛ̀ maŋ gɔ̀ tìyèe màŋ jaa e wùìyèɛ diɛŋ e gbɛ̀ɛ̀ e tiwi feìŋ nɛ. Kɛɛ anyuùŋ sùnga nyàŋ àŋ miŋ wa naàŋ fòlà sùà wèè aŋ gùà maŋ kpee nyiŋ màŋ.

Luù 5:2 ပူးပေါင်းရင်းမြစ်များ

Maafiù 4:18

Nààŋ wo Jisɛ̀ yaà wa kààìŋ wɔŋ juwoɔ̀ kɔɔ wɔŋ fùɔ̀ŋ Galaliìɔ sùà, wò naŋ yɛ̀mɛ̀ aŋ wùìyà nyùùŋ tìyèe, àŋ yaà wa anyuùŋ sùnga. Aŋ wùìyà tìyèe bi nàŋ yaà wa wo Saimɔ̀ŋ Piilɛ̀ yaà wo wùìyauŋ nɔɔ̀ŋ Anɗù, àŋ yaà gbììnyɛ̀ŋ kpee wɔŋ juwoɔ̀ sùà àŋ kuwo aŋ kɛ̀ì.

Maafiù 4:21

Nààŋ nyiŋ taai naŋ kɔ̀ e yìwìà koɓɛ̀ wii, wo Jisɛ̀ naŋ yɛ̀mɛ̀ aŋ wùìyà nyùùŋ tìyèe, aŋ jɔ̀àfèlàà Zɛɓɛdiì nyaŋ, wo Jìiiŋ yaà wo wùìyauŋ nɔɔ̀ŋ Jɔ̀ɔŋ. Nyiŋ yaà wo dèda nyiŋ Zɛɓɛdiì nàŋ yaà wa wɔŋ gɔɔ̀ sùà àŋ yaà bànèbànè sùà maŋ kpee nyiŋ màŋ. Wo Jisɛ̀ naŋ nyiŋ nyààŋ wààŋ aŋ jòà e tòmo nyiŋ nɛ̀ aŋ dèuŋ maŋjɛ̀wɛ.

Luù 5:1

Ke ɗɔ̀ɔ̀ guùŋ wo Jisɛ̀ sia wa e tiwi feìŋ nɛ wɔŋ juwoɔ̀ kɔɔ ko Gɛ̀nɛ̀nsalɛ̀, nààŋ anyùùŋ nyaŋ yaà wa kɔ̀ɔ̀yɛ̀ ko nɛ̀ɛ̀uŋ niìŋ wèè aŋ kòmàŋ ke mìè gbìàŋ Dayàa.

Luù 5:3

Wo Jisɛ̀ naŋ wa sɛ̀ɛ̀ wɔŋ gɔɔ̀ bà guùŋ sùà, wɔŋ yèɔ wo Saimɔ̀ŋ kanaŋ wa wɔ̀ŋ, yèè wo Jisɛ̀ nauŋ dawè wèè wo dulò wuŋ tòloò wɔŋ yèwà e tiwi feìŋ nɛ. Wo Jisɛ̀ naŋ jòwò wɔŋ gɔɔ̀ sùà wo jɛi wèè wo kaà anyùùŋ nyaŋ.

Jɔ̀ɔŋ 1:40

Anyùùŋ tìyèe nyàŋ naŋ wa kòmò e yèɛ wo Jɔ̀ɔŋ naŋ woò lɛ bà guùŋ nàŋ yaà wa wo Anɗù, wo wùìyà Saimɔŋ Piilɛ̀ɔ.