Luù 5:17 - WƆŊ FƐ̀Ì EBÒ SÌÀŊ DAYÀA

¹⁷ Ke ɗɔ̀ɔ̀ guùŋ nààŋ wo Jisɛ̀ yaà wa kàa sùà anyùùŋ nyaŋ, aŋ Fɛlosiì nyaŋ yaà aŋ kààmɔ̀ɔ̀ŋ maŋ Sàwà Dayà nyaŋ bà nyiŋ jaao wa. Àŋ naŋ wa yèwè maŋ jawa màŋ gbiŋ sùà wɔŋ fùɔ̀ŋ Galaliìɔ yèè wɔŋ fùɔ̀ŋ Jùdiàa sùà yèè ko Jùlusɛ̀làm. E gààŋ wo Kanaà Dayà yaà wa wo Jisɛ̀ ko diɛŋ wèè wo wa jòèyè anyuùŋ sàaŋ nyàŋ.

Luù 5:17 ပူးပေါင်းရင်းမြစ်များ

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 15:1

Kpeiŋ aŋ Fɛlosiì nyaŋ yaà aŋ kààmɔ̀ɔ̀ŋ maŋ Sàwà Dayà nyaŋ bà, naŋ yìwìè ko Jùlusɛ̀làm àŋ naŋ hnè koɓɛ̀ Jisɛ̀i yèè àŋ nauŋ dawè nyààŋ,

Luù 15:2

Aŋ Fɛlosiì nyaŋ yaà aŋ kààmɔ̀ɔ̀ŋ maŋ Sàwà Dayà nyaŋ naŋ tɔ̀ɔ̀tù gbùùyà ɗìòsùà e nyaàiŋ dè wo Jisɛ̀. Aŋ naŋ woò nyààŋ, “Wo felaa wɛɛ̀ jaa anyùùŋ maŋ jùumù nyaŋ kùàŋ dìì aŋ jɛ̀ì koɓɛ̀ guùŋ ko jììyè nɛ̀ŋ.”

Luù 2:46

Maŋ ɗɔ̀ɔ̀ tìyèe wɔŋ taaiɔ̀ sùà, àŋ naŋ mɛ̀ɛ̀ŋ wo Jisɛ̀ wò jaa ko Saaŋ Zòòlò Dayài yaà kààmɔ̀ɔ̀ŋ maŋ Sàwà Dayà nyaŋ, wò yaà kùmìè e yèɛ àŋ yaà woo lɛ̀ yèè wò yaà nyiìŋ gbìàŋ sùà maŋ màaŋdàwè.

Luù 5:21

Aŋ kààmɔ̀ɔ̀ŋ maŋ Sàwà Dayà nyaŋ yaà Fɛlosiì nyaŋ naŋ tɔ̀ɔ̀tù wòò nyiŋ bi e fèemàŋ nyààŋ, “Ɓòò wo felaa wɛɛ̀ naŋ gongò kɛ̀ wò yaà, wò yaà tii woo? Wò yaà gbùùyè maŋ mìè ɓɛ̀ɛ̀pɔ̀ɔ koɓɛ̀ Dayài. Wo Dayà wuŋ guùŋ nɔŋ nàŋ juuyà maŋ jùumù hakɛ̀.”

Luù 5:30

Aŋ kààmɔ̀ɔ̀ŋ maŋ Sàwà Dayà nyaŋ bà nyiŋ ke gbòò aŋ Fɛlosiì nyaŋ sùà, naŋ tɛɛ̀ yɛmɛ̀, yèè àŋ naŋ dàwè anyùùŋ màŋjɛ̀wɛ̀uŋ nyàŋ nyààŋ, “Wèè kiìŋ nyɛ̀iŋ nààŋ anyuùŋ kùwà nɛ̀ɛ̀nɛ̀ŋ fuɔŋ nyàŋ yaà anyùùŋ maŋ kpèè naanààŋ nyaŋ jiiyà nɛ̀ŋje koɓɛ̀ guùŋ?”

Luù 6:19

Anyùùŋ nyaŋ gbiŋ naŋ wa kàmè ɗewe wèè auŋ kpùlà, esaɓù kɛ̀ e gààŋ yàaùŋ wa fòla sùà e kɔɔ è sungo aŋ gbiŋ e gààŋ Dayàa sùà.

Luù 7:30

Kɛɛ aŋ Fɛlosiì nyaŋ yèè aŋ kààmɔ̀ɔ̀ŋ maŋ Sàwà Dayà nyaŋ naŋ wa ge maŋhɛɛ wèè aŋ jɔ̀ɔ̀lɔ̀ wo Dayà dìì yèè aŋ gò wa nyimèè wèè wò Jɔ̀ɔŋ wo nyiŋ gùà.

Luù 8:46

Kɛɛ wo Jisɛ̀ naŋ woò wààŋ, “Wo nyùùŋ bà naim mɛnlɛ̀ɛ̀ŋ, esaɓù kà nyìmàŋ kɛ̀ e gààŋ naim fòlò e kɔɔ sùà.”

Jɔ̀ɔŋ 3:10

Wo Jisɛ̀ nauŋ fasaì wààŋ, “Mùŋ yaà wo kààmɔɔŋ kɛnɛ anyùùŋ nyaŋ naŋ nyìmè ko Ezɔ̀ɛ̀ wèè maŋ maŋ Sàwà Dayà maŋ kàa, yèè mààŋ muŋ nyimààŋ tɛɛ̀?

Jɔ̀ɔŋ 3:21

Kɛɛ wo nyùnɔ̀ɔŋ gbiŋ nɔ̀ŋ e tɔ̀ɔ̀nyaàŋ sùà wɔŋ nyiiŋ gèeuŋ nɔɔ̀ŋ sùà wɔ do nàŋ hnè koɓɛ̀ e gbolòùŋ lɛ, esaɓù kɛ̀ àŋ do nàŋ mɔ̀nɔ̀ŋ wèè anyùùŋ aŋ nyìmàŋ kɛ̀ wo Dayà nàŋ yaà nyìnìè e yèɛ àŋ nyɛnɛŋ lɛ̀.”

Nyɛ̀nɛ̀ŋ 19:11

Wo Dayà naŋ wa kìɛ̀ŋ wo Pɔɔ̀ e gààŋ wèè wo nyɛ̀nɛ̀ŋ maŋ kèè mèè gbeegbèè.

Nyɛ̀nɛ̀ŋ 4:30

Vùlɔ̀ŋ wɔŋ kuàŋ gaàŋ mɔɔ̀ŋ muŋ joeyè anyùùŋ, yèè muŋ tɔɔ̀ maŋ tɔ̀ɔ̀maŋsèì keì yèè maŋ kèè mèè maŋ kaaìŋ e dèè wo Ɓɔ̀ìjɔ̀à nɛɛmaŋ mɔɔ̀ŋ Jisɛ̀ sùà.”

Nyɛ̀nɛ̀ŋ 5:34

Kɛɛ wo Fɛlosiì bà àŋ nyaaŋ wo Gàmalià, wo kààmɔ̀ɔ̀ŋ maŋ Sàwà Dayàa bà guùŋ, e kìlà anyùùŋ nyaŋ gbiŋ kiɛ̀uŋ wa e ɓɛ̀ɛ̀jàa gbee, naŋ sìè anyùùŋ gbèègbèè fuɔŋ nyàŋ feìŋ, yèè wò naŋ wòò anyuùŋ tùnìàŋ ke Sààŋ Zòòloɛ̀ kɛ̀ aŋ fulià aŋ keela nyàŋ ko jɔɔlèi tòloò,