Luù 5:13 - WƆŊ FƐ̀Ì EBÒ SÌÀŊ DAYÀA

¹³ Wo Jisɛ̀ naŋ vùlɔ̀ŋ wɔŋ kuàuŋ nɔɔ̀ŋ wò naŋ mɛ̀nlɛ̀ɛ̀ŋ wo felaaà wò nauŋ woò wààŋ, “Mìŋ manaŋ. Joyà muŋ zɛ̀nɛ̀ŋ!” Ko fɛɛ̀feìŋ, e sààŋ maŋkùnùɛ naŋ jùò wo felaaà e kɔɔ sùà.

Luù 5:13 ပူးပေါင်းရင်းမြစ်များ

Maafiù 8:3

Wo Jisɛ̀ naŋ vùlɔ̀ŋ wɔŋ kuàuŋ nɔɔ̀ŋ yèè wò naŋ mɛ̀nlɛ̀ɛ̀ŋ wo felaaà wò nauŋ woò wààŋ, “Mìŋ manaŋ. Joyà muŋ zɛ̀nɛ̀ŋ!” Ko fɛɛ̀feìŋ, e sààŋ maŋkùnùɛ naŋ jùò wo felaaà e kɔɔ sùà.

Luù 4:39

Wò naŋ kɔ̀ ko nɛ̀ɛ̀uŋ niìŋ, yèè wò naŋ woò wààŋ e kɔɔ bìaà e jùàuŋ e kɔɔ sùà. E kɔɔ bìaà naŋ jùò wo nìeɔ̀ kɔɔ sùà, wò nìeɔ̀ naŋ yèwè dìì wo nyiŋ kìɛ̀ŋ e nɛ̀ŋje.

Luù 5:12

Wo Jisɛ̀ naŋ wa hnè ko jawa bà wɔŋ fùɔ̀ŋ Galaliìɔ sùà, ko yèi wò naŋ wa mɛ̀ɛ̀ŋ wo felaa kùwìè e sààŋ mankùnù naanààŋ bà. Nààŋ wo felaaà naŋ wa yɛ̀mɛ̀ Jisɛ̀, wò naŋ gbùwò wɔŋ dewàuŋ nɔɔ̀ŋ dììnaŋ wo Jisɛ̀ fɛɛ̀feìŋ, yèè wò nauŋ pɔwɔ̀ wààŋ, “Dàa, kɔ̀nɛɛ̀ŋ sungàim, esaɓù kà nyìmàŋ kɛ̀ màim ɓɛ̀nɛ̀ŋ sùnga ka zɛ̀nɛ̀ŋ sèè mùŋ mɔnɔŋ.”

Luù 5:14

Wo Jisɛ̀ naŋ wòò wo felaaà wààŋ, “Ɓɔ̀ mùŋ woò wò nyùùŋ bà gbiŋ è keì lɛɛ̀ fiò. Kɛɛ jiɛ̀, kɔ̀à muŋ tɔɔ̀ muàŋ bi koɓɛ̀ wo sìèfèìŋ zòòloɔ̀ ko Jùlusɛ̀làm wo yɛmɛ yɛ̀mɛ̀ùm tɛ̀ɛ̀ wèè wo nyìmàŋ kɛ̀ e sààŋ maŋkùnùɛ èum jùà e kɔɔ sùà. Kpeiŋ wò do nàŋ kìɛ̀ŋ ke mìè seì koɓɛ̀ anyùùŋ fuɔŋ nyàŋ, kɛ̀ àŋ nyìmàŋ kɛ̀ e sààŋ maŋkùnùɛ èum jùà e kɔɔ sùà janyai. Tɛɛ̀ dò nàŋ nyɛ̀nɛ̀ŋ nyɛ̀iŋ nyiŋ naŋ ɓɛìŋ tòòmò koɓɛ̀ guùŋ. Kpeiŋ kɔ̀à muŋ kiɛ̀ŋ e nɛ̀ŋ saaà koɓɛ̀ wo sìèfèìŋ zòòloɔ̀ e yèɛ wo Mòòze naŋ wa wòò kii niŋ lɛ̀ wèè e tɔɔ̀ kɛ̀ wo Dayà wòum joeyè.”