Luù 5:10 - WƆŊ FƐ̀Ì EBÒ SÌÀŊ DAYÀA

¹⁰ È naŋ wa ɓɛìŋ fòònò wo Jìiiŋ yaà wo Jɔ̀ɔŋ, aŋ jɔ̀àfèlàà Zɛɓɛdiì nyaŋ. Nyiŋ nàŋ yaà wa anyùùŋ tòmò dàwì Saimɔ̀ŋ nyaŋ. Kɛɛ wo Jisɛ̀ naŋ wòò wo Saimɔ̀ŋ wààŋ, “E jùù ɓɔ̀ è nyɛ̀nɛ̀iŋ, e yìwìà nàaŋ nìŋ do nàŋ hìɛ̀ŋ anyùùŋ koɓɛ̀ Dayài.”

Luù 5:10 ပူးပေါင်းရင်းမြစ်များ

Maafiù 13:47

“E Kànà àìjɛnɛ̀ɛŋ è yaà mààŋ, anyuùŋ sùnga bà aŋ yè nyaŋ naŋ gbìɛ̀ŋ wɔŋ kpee nyiŋ nɔɔ̀ŋ wɔŋ juwoɔ̀ sùà yèè àŋ naŋ kùwò aŋ kɛì ziì zimgbe.

Maafiù 14:27

Wo Jisɛ̀ naŋ nyiŋ gbòò e kɔɔ fiò wààŋ, “Kɛ̀ɛ̀nɛìŋ maŋ jii nyingè! Miàŋ wo, e jùù ɓɔ̀ nyɛ̀nɛ̀iŋ!”

Maafiù 20:20

Kpeiŋ wo jàwè Zɛɓɛdiìɔ naŋ hnè yèè wò naŋ hìɛ̀ŋ aŋ jɔ̀àfèlàà tìyèeuŋ nyàŋ koɓɛ̀ Jisɛ̀i, wò naŋ dè maŋ gɛ̀ɛ̀nùuŋ màŋ dììnaŋ ko fɛɛ̀fenùuŋ, yèè wò nauŋ pɔwɔ̀ wèè wo nyɛ̀nɛ̀ŋ e nɛ̀ŋ bà e weèuŋ.

Maafiù 4:19

Wo Jisɛ̀ naŋ nyiŋ woò wààŋ, “Dè nìim maŋjɛ̀wɛ, mìŋ doiŋ nàŋ nyɛ̀nɛ̀ŋ naŋ hìàŋ anyùùŋ koɓɛ̀ Dayài.”

Maafiù 4:21

Nààŋ nyiŋ taai naŋ kɔ̀ e yìwìà koɓɛ̀ wii, wo Jisɛ̀ naŋ yɛ̀mɛ̀ aŋ wùìyà nyùùŋ tìyèe, aŋ jɔ̀àfèlàà Zɛɓɛdiì nyaŋ, wo Jìiiŋ yaà wo wùìyauŋ nɔɔ̀ŋ Jɔ̀ɔŋ. Nyiŋ yaà wo dèda nyiŋ Zɛɓɛdiì nàŋ yaà wa wɔŋ gɔɔ̀ sùà àŋ yaà bànèbànè sùà maŋ kpee nyiŋ màŋ. Wo Jisɛ̀ naŋ nyiŋ nyààŋ wààŋ aŋ jòà e tòmo nyiŋ nɛ̀ aŋ dèuŋ maŋjɛ̀wɛ.

Luù 5:7

Kpeiŋ àŋ naŋ nyààŋ anyuùŋ sùnga dàwi nyiŋ nyàŋ e yìwìà je nyiŋ gɔɔ̀ sùà wèè aŋ hnàŋ aŋ kpuumàŋ nyiŋ. Aŋ felaa nyàŋ naŋ hnè yèè nyiŋ gbiŋ naŋ gɔ̀ɛ̀ɛ̀ maŋ kpee màŋ aŋ kùwà aŋ kɛ̀ì aŋ dììyà maŋ gɔ màŋ, e joo tòloò wèè maŋ gɔ màŋ maŋ hɔ̀wɛ.

Luù 5:9

È naŋ wa fòònò wo Pììlɛ yaà anyuùŋ sùnga dàwiuŋ nyàŋ e nyaàiŋ dè aŋ kɛ̀ì zimgbe nyàŋ àŋ naŋ wa kùwò nyaŋ.

Luù 6:14

Anyùùŋ bi nàŋ yaà wa wo Saimɔ̀ŋ, wo yèɔ wò naŋ wa jàà e deè jɛ̀ìɛ Pììlɛ, yèè wo nanàuŋ nɔɔ̀ŋ Anɗù, wo Jìiiŋ yaà wo nanàuŋ nɔɔ̀ŋ Jɔ̀ɔŋ, wo Felè, yaà wo Bàtolomiò,

Jɔ̀ɔŋ 21:2

Wo Saimɔŋ Piilɛ̀, wo Sewìɔ Tàmaŋ, wo Nàntanyàŋ e yìwìà ko Kenàŋ yèè ko Galaliì, aŋ jɔ̀àfèlàà Zɛɓɛdiì nyaŋ yèè aŋ wùìyauŋ nyàŋ Jìiiŋ yaà wo Jɔ̀ɔŋ, àŋ yaà wa koɓɛ̀ guùŋ, e hààwè anyùùŋ màŋjɛ̀wɛ̀ tìyèe bà ɓɛìŋ.

Nyɛ̀nɛ̀ŋ 2:4

Kpeiŋ wo Jìnàŋ Nɛɛmaàŋ naŋ wa dìè aŋ gbiŋ maŋ jiio sùà, yèè àŋ naŋ tɔ̀ɔ̀tù maŋ kaìŋ joo gbùùyà sùà nààŋ wo Jìnàŋ Nɛɛmaàŋ naŋ nyiŋ wa nyɛ̀nɛ̀ŋ wèè aŋ miŋ gbòà lɛ.

2 Kɔliìŋ 8:23

Sèè è nɔ̀ŋ wèè Taitɔ̀, wò yaà wo bàimbà yèè yàwiuŋ nàŋ tomàŋ ɓɛ̀ guùŋ wèè eiŋ kpuumàŋ, e wèè aŋ wùìya gbànaŋ nyàŋ yaàùŋ kɔ̀ɔ̀yɛ̀ maŋjɛ̀wɛ nyàŋ, àŋ yaà aŋ keela nyiŋ naŋ dè ɓɛ̀ŋ anyuùŋ hààwe nyaŋ, yèè àŋ hiàŋ e jòòwo koɓɛ̀ Jisɛ̀ Kulaìi.

2Time 2:26

E jiikɛ̀ɛ do nyiŋ nàŋ dè aŋ fòlà ke gbàù Dɛwìɔ sùà, wo yèɔ naŋ nyiŋ wa kùwò yèè wò naŋ nyiŋ nyɛ̀nɛ̀ŋ wèè aŋ jɔ̀ɔ̀lɔ̀ e gaàuŋ nɛ̀ dìì nyaŋ.