Luù 5:1 - WƆŊ FƐ̀Ì EBÒ SÌÀŊ DAYÀA

¹ Ke ɗɔ̀ɔ̀ guùŋ wo Jisɛ̀ sia wa e tiwi feìŋ nɛ wɔŋ juwoɔ̀ kɔɔ ko Gɛ̀nɛ̀nsalɛ̀, nààŋ anyùùŋ nyaŋ yaà wa kɔ̀ɔ̀yɛ̀ ko nɛ̀ɛ̀uŋ niìŋ wèè aŋ kòmàŋ ke mìè gbìàŋ Dayàa.

Luù 5:1 ပူးပေါင်းရင်းမြစ်များ

Maafiù 11:12

E yìwìà e teengaà wo Jɔ̀ɔŋ Gùà Nyùnɔ̀ɔŋ, naŋ wa gbòò ke mìè Dayàa e hàì ke ɗɔɔ yɛɛ̀ nàaŋ lɛ̀, anyuùŋ dàà ke kpùùnɛɛ̀ àŋ kàmè ɗewe wèè aŋ ɓèmè e Kànà àìjɛnɛ̀ɛŋ e gààŋ sùà.

Maafiù 14:34

Àŋ naŋ nìe e wùìyèɛ yèè àŋ naŋ tùlò ko tiwiì ko gɔ̀jè Gɛ̀nisalɛ̀i, yèè àŋ nao dìkìyè wɔŋ gɔɔ̀,

Luù 12:1

Nààŋ e fààŋ anyuùŋ kpùuŋ zimgbe naŋ wa dèènè koɓɛ̀ guùŋ wo Jisɛ̀ kɔɔ àŋ gè nyàwè nyàwè aŋ dàwi, wo Jisɛ̀ naŋ fè anyùùŋ màŋjɛ̀wɛ̀uŋ nyàŋ jiɛ̀ e gòo wààŋ, “Yɛ̀mɛìŋ nyɛ̀iŋ bi diɛŋ e nyaàiŋ dè e sòi jùwìà e gbɔ̀ù aŋ Fɛlosiì nyaŋ. Mìŋ sɔ̀à e kàà e keì jàà fɛ̀ɛ̀ sùà nyiŋ nɛ̀. E je nyiŋ ɗeweɛ̀ lii àŋ zuwà nyùùŋ.

Luù 5:2

Wò naŋ wa yɛ̀mɛ̀ maŋ gɔ̀ tìyèe màŋ jaa e wùìyèɛ diɛŋ e gbɛ̀ɛ̀ e tiwi feìŋ nɛ. Kɛɛ anyuùŋ sùnga nyàŋ àŋ miŋ wa naàŋ fòlà sùà wèè aŋ gùà maŋ kpee nyiŋ màŋ.

Luù 8:22

Ke ɗɔ̀ɔ̀ guùŋ wo Jisɛ̀ naŋ wa sɛ̀ɛ̀ wɔŋ gɔ sùà yaà anyùùŋ màŋjɛ̀wɛ̀uŋ nyàŋ, yèè wò naŋ nyiŋ woò wààŋ, “Kàwiìŋ wɔŋ fàa bàa wɔŋ juwoɔ̀ nìngè.” Kpeiŋ àŋ naŋ tɔ̀ɔ̀tù kàa.

Luù 8:23

Nààŋ àŋ yaà wa kɔɔyɛ wɔŋ gɔɔ̀ sùà, wo Jisɛ̀ naŋ sɛ̀ɛ̀ maŋ jàwè. Ko fɛɛ̀feìŋ wɔŋ dùfòì gbee naŋ yèwè dìì e wùìyèɛ diɛŋ, yèè e wùìyèɛ naŋ tɔ̀ɔ̀tù sɛɛ̀ wɔŋ gɔɔ̀ sùà. Àŋ yaà wa kɔ̀ɔ̀yɛ̀ e keì nyìnga gbee dìì.

Luù 8:33

Aŋ jinàŋ naanààŋ nyaŋ naŋ fòlò wo felaaà ko sùà aŋ ka aŋ jɔ̀à aŋ nyùàŋ nyaŋ ko sùà. Ke gbòò aŋ nyuàŋ tɛ̀mɛ̀ɛ̀ yii gbiŋ naŋ dùɔ̀ŋ ke dèyà e toònyàa vauŋvàùŋ lii ke ka ke sɛ̀ɛ̀ ko kòiì keo jeeè.

Luù 8:45

Wo Jisɛ̀ naŋ dawè wààŋ, “Ɓòò naim mɛnlɛ̀ɛ̀ŋ?” Anyùùŋ nyaŋ gbiŋ naŋ niŋ wa gè maŋhɛɛ, yèè wo Pììlɛ naŋ woò wààŋ, “Kààmɔɔŋ, anyùùŋ nyaŋ gbiŋ naum kiliè àŋ gèùm jùòmò juomo.”

Jɔ̀ɔŋ 1:40

Anyùùŋ tìyèe nyàŋ naŋ wa kòmò e yèɛ wo Jɔ̀ɔŋ naŋ woò lɛ bà guùŋ nàŋ yaà wa wo Anɗù, wo wùìyà Saimɔŋ Piilɛ̀ɔ.

Jɔ̀ɔŋ 6:1

Eɓìèmàŋjɛ̀wɛ̀ tɛɛ̀, wo Jisɛ̀ naŋ ɓèmè anyùùŋ màŋjɛ̀wɛ̀uŋ nyàŋ yèè àŋ naŋ nìè wɔŋ juwoɔ̀ wɔŋ fùɔ̀ŋ Galaliìɔ, wɔŋ yèɔ àŋ nyaaŋ ɓɛìŋ wɔŋ Jùwò Tàbiliàa.

Hiɓu 13:7

Ɓɔ̀ nìŋ nyɛɛnɛ̀ŋ è kèè àŋ sìèfeìŋ gɔuiŋ nyàŋ, aŋ yè nyaŋ naiŋ wa kàà ke mìè Dayà nyàŋ. Kɛ̀ɛ̀nɛìŋ ke jii jàa wèè e nyaàiŋ dè e ɗeweɛ̀ àŋ naŋ nyɛ̀nɛ̀ŋ maŋ nyiiŋ gèe nyiŋ màŋ sùà lɛ, yèè niŋ kamè ɗewe wèè niŋ kɛ̀ɛ̀nɛ̀ŋ hààwe màànààŋ àŋ kuwa wa lɛ̀.