Luù 4:6 - WƆŊ FƐ̀Ì EBÒ SÌÀŊ DAYÀA

⁶ Wo Sɛ̀tanàaŋ naŋ wòò wo Jisɛ̀ wààŋ, “Miŋ doum nàŋ kìɛ̀ŋ e gààŋ yèè e tɛ̀ɛ̀tɛ̀ɛ̀ manɛ̀ŋ mɛɛ̀ŋ gbiŋ. Manɛ̀ŋ mɛɛ̀ŋ gbiŋ màŋ nɔ̀ŋ kìɛŋ miŋ ko nɛ̀ɛ̀ŋ miìŋ, yèè kà miŋ ɓɛ̀nɛ̀ŋ kìɛ̀ŋ wo nyùnɔ̀ɔŋ gbiŋ mìŋ manaŋ wɔ̀.

Luù 4:6 ပူးပေါင်းရင်းမြစ်များ

Luù 4:7

Weètii mìŋ doum nàŋ kìɛ̀ŋ manɛ̀ŋ mɛɛ̀ŋ gbiŋ, sèè mùŋ zoolàìm.”

Jɔ̀ɔŋ 12:31

Kpeiŋ kɛ̀ e teengaà lɛɛ̀ naàŋ wèè wo Dayà wo gbàì anyùùŋ nyaŋ e ɗuunyaàŋ, yèè wo Dayà kòò wò jaa naàŋ wo sìèfèìŋ e ɗuunyaŋ lɛɛ̀ diɛŋ tɛ.

Jɔ̀ɔŋ 14:30

Miŋ naàŋ ɓɛìŋ gbòò kò nɛ̀ɛ̀iŋ niìŋ wèè è teenga mùnlaŋ, esaɓù kɛ̀ wo ɓɛ̀màŋɗì e kànà ɗuunyaŋ lɛɛ̀ kòò wò yaà hinie. Kɛɛ wo kuwà è gààŋ kò diɛim.

Jɔ̀ɔŋ 8:44

Wo dèdaiŋ nɔɔ̀ŋ naŋ yaà wo sìèfèìŋ wo nyuùŋ kɛ̀ɛ̀nɛ̀ŋ ke kpèè naanààaŋ, yèè nìŋ nyɛnɛŋ nɔŋ màànààŋ wò manaŋ lɛ̀. Wò wa nɔ̀ŋ wo nyuùŋ jìwà nyùùŋ yèè wo nyuùŋ tòa gɔu. E kèì tɔ̀ɔ̀nyaàŋ bà gbiŋ e fòuŋ kò kùàŋ sùà. Wò gboo wèè wuŋ bi, yèè e yèɛ gbiŋ wò woà lɛ è yaà e tòa. E fè nɔŋ kɛ̀ wuŋ bi wò yaà wò nyuùŋ tòa, kɛɛ wuŋ naŋ kòmò anyuùŋ tòa nyàŋ gbiŋ.

2 Kɔliìŋ 11:14

Kɛɛ, tɛɛ̀ ɓɔ̀ è foonò nyùùŋ! Wo Sɛ̀tanàŋ wuŋ bi pɛɛ naŋ wa ɓemè, e kìlà wo tɔ̀ɔ̀ wuŋ bi wèè wo nɔ̀ŋ mààŋ wo màìkà e gbolòùŋ gbee bà!

Ɛfesɔ̀ 2:2

E teenga lii sùà nìŋ naŋ wa dè maŋ kpèè nàànààŋ ɗuunyaàŋ màŋ maŋjɛ̀wɛ, yèè nìŋ naŋ jɔ̀ɔ̀lɔ̀ wo nyuùŋ gbeeɔ̀ wèè maŋ gààŋ aŋ jìnàŋ nyaŋ ke nyiliɛ̀ sùà wo jinàaŋ sia anyùùŋ nyaŋ gbiŋ feìŋ, aŋ yè nyaŋ fè jɔ̀ɔ̀lɔ̀ Dayà dìì nyaŋ.

1Pììlɛ 1:24

Màànààŋ wɔŋ fɛ̀ì Dayàa naŋ woò lɛ wààŋ, “Maŋ kèìŋ nyuùŋkpùuŋ gbiŋ yaà mààŋ maŋ dɛɛ, yèè e siaŋ sìàŋ miŋ nɛ̀ è yaà mààŋ maŋ kùù fɛ̀ɛ̀ ɓie. Maŋ dɛɛ màŋ fuùù nɔŋ, e kuùfɛ̀ɛ̀ miŋ nɛ̀ è sɔ̀à,

1Jɔ̀ɔŋ 5:19

Èiŋ nyìmàŋ kɛ̀ wo Dayà nàŋ kànàŋ wì, jòòpɛɛ e ɗuunyaàŋ gbiŋ è yaà e gààŋ wo Nyuùŋ kɛ̀ɛ̀nɛ̀ŋ ke Kpèè naanààaŋ sìwè.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.

Maŋ kèì nyɛɛnɛŋ 13:2

Wo yilì kùùnoɔ̀ mìŋ naŋ yɛmɛ̀ wɔ wò yaà wa mààŋ wo kɛ̀ɛ̀nɛ̀ŋɓie, wò kuwa maŋ gòlò mààŋ wo yilà, yèè wɔŋ nyaàuŋ nɔɔ̀ŋ yaà wa mààŋ wɔŋ nyààŋ nyàa. Wo kaì gbeeɔ̀ naŋ kìɛ̀ŋ wo yilì kùùnoɔ̀ e gààŋ wuŋ biɛ̀, ke kpùà kanauŋ nɛɛ̀ŋ, yèè e gaàŋ gbeeuŋ nɛ̀ gbiŋ.

Maŋ kèì nyɛɛnɛŋ 13:7

Wo Dayà nauŋ wa gè nyààŋ diɛŋ wèè wo sumiàŋ yèè wo ɓùlà anyùùŋ nɛɛmauŋ nyàŋ, yèè wò nauŋ kìɛ̀ŋ e gààŋ wèè wo nɔ̀ŋ maŋ ziì maŋ gbiŋ, maŋ fuɔŋ màŋ gbiŋ, maŋ kàìŋ maŋ gbiŋ, yèè anyuùŋ kpùuŋ ziì gbiŋ diɛŋ.