Luù 4:35 - WƆŊ FƐ̀Ì EBÒ SÌÀŊ DAYÀA

³⁵ Wo Jisɛ̀ naŋ wòò wo jinàŋ naanààaŋ wààŋ, “Kùmiàŋ e kìlà muŋ fòlà wo felaa wɛɛ̀ ko sùà!” Wo jinàŋ naanààaŋ naŋ dàà wo felaaà ko dììnaŋ anyùùŋ nyaŋ gbiŋ fɛɛ̀feìŋ yèè wò nauŋ fòlò ko sùà, e yèɛ wo felaaà gò nɛɛmùŋ lɛ.

Luù 4:35 ပူးပေါင်းရင်းမြစ်များ

Maafiù 17:18

Wo Jisɛ̀ naŋ gbòò koɓɛ̀ wo jinàŋ naanààaŋ, yèè wò naŋ fòlò wo felaajɔaà sùà, ko fɛɛ̀feìŋ wò naŋ jòèyè.

Maafiù 8:26

Kpeiŋ wo Jisɛ̀ naŋ dàwè anyùùŋ màŋjɛ̀wɛ̀uŋ nyàŋ wààŋ, “Wèè kiìŋ e jùùɛ nyɛ̀nɛ̀ìŋ? Kiìŋ è hààwe jɔa nìŋ kuwa yɛi?” Wo Jisɛ̀ naŋ yèwè dìì wo sie wo wòò wɔŋ dùfòìɔ yaà e bɔiŋ nɛ̀ wààŋ, “E dìà yɛi!” Wɔŋ dùfòìɔ yaà e bɔiŋ nɛ̀ naŋ gɔ̀àà dìì, yèè e dìì naŋ nɔ̀ŋ gìli.

Luù 11:22

Kɛɛ sèè wo nyuùŋ kɛ̀ɛ̀nɛ̀ŋ gààŋ gbee wò hnàŋ wò ɓulo wo kɛ̀ɛ̀nɛ̀ŋ saaŋ wii, kɛ̀ wò kòà manɛ̀ŋ sùmiaŋ màŋ gbiŋ wo kɛ̀ɛ̀nɛ̀ŋ saaàŋ naŋ tùlìè jii màŋ, yèè wo ka wo gòònò manɛ̀ŋ maŋ wò naŋ gè ko saaŋ wii màŋ koɓɛ̀ anyuùŋ joo.”

Luù 4:23

Wo Jisɛ̀ naŋ nyiŋ fasàì wààŋ, “Tɔɔɓaa, nìŋ do nàŋ mɔ̀nɔ̀ŋ wèè naim wòò ke kàɓanè yɛɛ̀ nààŋ, ‘Zòòlegòòɔ, sungà weè muàŋ bi jiɛ̀.’ Nìŋ doim ɓɛìŋ nàŋ woò nààŋ miŋ nyɛ̀nɛ̀ŋ maŋ kèì guùŋ maŋ kià ko jawa miìŋ nààŋ nìŋ naŋ kòmò kɛ̀ mìŋ naŋ wa nyɛ̀nɛ̀ŋ maŋ keì lɛ ko Kepanàùm.”

Luù 4:39

Wò naŋ kɔ̀ ko nɛ̀ɛ̀uŋ niìŋ, yèè wò naŋ woò wààŋ e kɔɔ bìaà e jùàuŋ e kɔɔ sùà. E kɔɔ bìaà naŋ jùò wo nìeɔ̀ kɔɔ sùà, wò nìeɔ̀ naŋ yèwè dìì wo nyiŋ kìɛ̀ŋ e nɛ̀ŋje.

Luù 4:41

Aŋ jinàŋ naanààŋ naŋ wa fòlò anyuùŋ zimgbe ko sùà, àŋ yaà kpàaŋ sùà nyààŋ, “Muàŋ nàŋ yaà wo Jɔ̀àfèlàà Dayàa!” Kɛɛ wo Jisɛ̀ naŋ wa nàà aŋ jinàŋ naanààŋ nyaŋ wààŋ ɓɔ̀ àŋ woò ànyùùŋ kɛ̀ ɓòò nàŋ yàaùŋ, esaɓù àŋ wa nyìmàŋ kɛ̀ wuŋ nàŋ yaà wo yèɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ, wo Kulaìɔ.

Luù 8:24

Anyùùŋ màŋjɛ̀wɛ̀ nyaŋ naŋ kɔ̀ koɓɛ̀ Jisɛ̀i yèè àŋ nauŋ tùngò àŋ naŋ woò nyààŋ, “Kààmɔɔŋ, Kààmɔɔŋ! È yààìŋ hinie eiŋ fà!” Wo Jisɛ̀ naŋ yèwè dìì wo wòò wɔŋ dùfòìɔ yaà e bɔiŋ nɛ̀ wààŋ, “E dìà yɛi!” Wɔŋ dùfòìɔ yaà e bɔiŋ nɛ̀ naŋ gɔ̀àà dìì, yèè e dìì naŋ nɔ̀ŋ gìli.

Luù 9:39

Wo jinàŋ naanààŋ dàaùŋ e kìlà wo kpaaŋ sɛiŋ. Wò mɛɛmɛ̀ɛ̀uŋ e jèèsùà wo fìà maŋ sɔlɔ, wo fòuŋ dàngè e jèèsùà wo nɔ̀ŋ ɓèèlɛ̀ɛ̀.

Luù 9:42

Nààŋ àŋ yaà wa hìàŋ sùà wo felaajɔaà, wo jinàŋ naanààaŋ nauŋ dàà dììnaŋ wouŋ mɛɛmɛ̀ɛ̀ŋ sɛmɛ. Wo Jisɛ̀ naŋ nàà wo jinàŋ naanààaŋ wèè wo dangèuŋ. Kpeiŋ wò naŋ sùngò wo felaajɔaà yèè wò nauŋ kìɛ̀ŋ koɓɛ̀ wo dèdauŋ nɔɔ̀ŋ.

Maŋ kèì nyɛɛnɛŋ 12:12

Weètii, tɔ̀ ko àìjɛnɛ̀ŋ gè zɔlɔ̀, e kpùlìà nyɛ̀iŋ nyàŋ gbiŋ joào nyàŋ! Kɛɛ e keì nyìnga yaà koɓɛ̀ e dììɛ yaà wɔŋ juwoɔ̀, esaɓù kɛ̀ àŋ dèèyè wo Dɛwìɔ e dììɛ diɛŋ e yìwìà ko àìjɛnɛ̀ŋ wèè wo kuii joo, yèè e wùàŋ nauŋ diè, esaɓù wò nyìmàŋ kɛ̀ e teengauŋ nɛ̀ è joo tòloò.”