Luù 4:34 - WƆŊ FƐ̀Ì EBÒ SÌÀŊ DAYÀA

³⁴ “Ee Jisɛ̀ e yìwìà ko Naazɔ̀ɛ̀, kiìŋ mùŋ manaŋ maŋ wi nyiniàŋ? Mùŋ naŋ hnè wèè maŋ wi pɔɔpɔ̀ɔ̀? Kà nyìmàŋ kɛ̀ ɓòò nàŋ yààùm! Muàŋ nàŋ yaà wo Kèèlà Nɛɛmaàŋ wèè wo Dayà.”

Luù 4:34 ပူးပေါင်းရင်းမြစ်များ

Maafiù 8:29

Ko fɛɛ̀feìŋ aŋ felaa nyàŋ naŋ kpààŋ sɛiiŋ nyààŋ, “Jɔ̀àfèlàà Dayàa! Kiìŋ mùŋ manaŋ maŋ wi nyiniàŋ? Mùŋ naŋ hnè wèè maŋ wi nimilà paŋgàà e teenga wilɛ̀ è haì?”

Luù 1:35

Wo màikàa naŋ fasàì wààŋ, “Wo Jìnàŋ Nɛɛmaàŋ doum nàŋ dèyè diɛŋ, yèè e gààŋ Dayà Gaàŋ Gbeeɔ̀ doum nàŋ ɓùwò. Weètii mùŋ do nàŋ nyààŋ wo jɔ̀à nɛɛmaŋ wɛɛ̀ wo Jɔ̀àfèlàà Dayàa.

Luù 4:33

Wo felaa bà yaà wa ko sààŋ zòòlò aŋ Juùù nyaŋ, kɛɛ wo jinàŋ naanààŋ yàaùŋ wa maŋjɛ̀wɛ. Wo felaaà naŋ kpààŋ sɛiŋ yèè wò naŋ woò wààŋ,

Luù 4:41

Aŋ jinàŋ naanààŋ naŋ wa fòlò anyuùŋ zimgbe ko sùà, àŋ yaà kpàaŋ sùà nyààŋ, “Muàŋ nàŋ yaà wo Jɔ̀àfèlàà Dayàa!” Kɛɛ wo Jisɛ̀ naŋ wa nàà aŋ jinàŋ naanààŋ nyaŋ wààŋ ɓɔ̀ àŋ woò ànyùùŋ kɛ̀ ɓòò nàŋ yàaùŋ, esaɓù àŋ wa nyìmàŋ kɛ̀ wuŋ nàŋ yaà wo yèɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ, wo Kulaìɔ.

Luù 8:28

E teengaà wo felaaà naŋ wa yɛ̀mɛ̀ wo Jisɛ̀ lɛ, wò naŋ dè maŋ gɛ̀ɛ̀ŋ nùuŋ màŋ dììnaŋ ko fɛɛ̀fenùuŋ yèè wò naŋ kpààŋ sɛiiŋ, wààŋ, “Kiìŋ mùŋ manaŋ maim nyiniàŋ, Jisɛ̀, Jɔ̀àfèlàà Dàyà Gaàŋ Gbeeɔ̀? Kɔ̀nɛɛ̀ŋ ɓɔ̀ mùŋ nimilàim.”

Luù 8:37

Kpeiŋ anyùùŋ nyaŋ gbiŋ maŋ kpàlàùŋ kpàlàùŋ miiŋ sùà e gbɛ̀ɛ̀ ko Gɛ̀lesà naŋ pɔ̀wɔ̀ wo Jisɛ̀ wèè wo yèwà wɔŋ fuɔŋ nyiŋ nɔɔ̀ŋ sùà, esaɓù kɛ̀ e jùù naŋ wa nyɛ̀nɛ̀ŋ aŋ gbiŋ. Wo Jisɛ̀ naŋ sɛ̀ɛ̀ wɔŋ gɔɔ̀ sùà wò naŋ kɔ̀.

Nyɛ̀nɛ̀ŋ 16:39

Yèè àŋ naŋ kɔ̀ aŋ nyiŋ hùmàŋ hakɛ̀. Kpeiŋ àŋ naŋ nyiŋ gè ko sààŋ nyìwìi yèè àŋ naŋ nyiŋ dawè wèè aŋ yèwà ko jawa gbeeì.

Nyɛ̀nɛ̀ŋ 2:27

Muàum Dayà muŋ naàŋ dàngè wɔ̀ŋ nyììŋ jinàŋ miɔ̀ŋ wɔŋ jèè kò nyùùm koɓɛ̀ e ɗùùnyàŋ anyuùŋ fàa nyàŋ, miàŋ nàŋ yaà wo ɓɔ̀ìjɔ̀à nɛɛmaŋ mɔɔ̀ŋ, muŋ naàŋ nyimèè wèè kè kpùnaŋ miɛ̀ŋ ke hèwà kè hùaàŋ sùà.

Nyɛ̀nɛ̀ŋ 3:14

Wò naŋ wa kìɛ̀ŋ wuŋ bi koɓɛ̀ Dayài yèè wò naŋ wa nyɛ̀nɛ̀ŋ e yèɛ wo Dayà naŋ woò kɛ̀ è yaà wa tɛ̀ɛ̀ lɛ, kɛɛ nìŋ naŋ wa wòò e keì naanààŋ weèuŋ. Nìŋ naŋ wa dàwè wo Paalè wèè wo daŋgè wo nyuùŋ jìwà nyùnɔ̀ɔŋ wo ka, kɛɛ nààŋ wo Paalè jìwà wo Kanaà Jisɛ̀, wo yèɔ yaà wa e nɛɛmaŋ e kìlà wò yaà tɔ̀ɔ̀nyaàŋ wɔ.

Nyɛ̀nɛ̀ŋ 4:27

Kanaà, è nyìmàŋ kɛ̀ e yèɛ mùŋ naŋ wa woò lɛ è yaà tɔɔɓaa. Wo Hɛɛlɔ̀ yaà wo Pɔuŋtiɔ̀ Paalè naŋ dèènè koɓɛ̀ guùŋ e kpùlìà anyùùŋ nyaŋ fè àŋ Juùù nyaŋ yaà anyùùŋ Ezɔ̀ɛ̀ nyaŋ wèè aŋ nyɛ̀nɛ̀ŋ e ɗèwe naanààŋ koɓɛ̀ wo Ɓɔ̀ìjɔ̀à nɛɛmaŋ mɔɔ̀ŋ Jisɛ̀, wo yèɔ mùŋ naŋ tàeɗùù wèè wo joeyè e ɗuunyaàŋ wɔ.

Hiɓu 2:14

Aŋ jɔ̀à nyiiŋ kuwa maŋ kèìŋ yaà maŋ sɛ̀ìŋ, yèè wo Jisɛ̀ naŋ wa nɔ̀ŋ wo bà nyiŋ bà e nɔ̀ŋ kii nyiŋ nɛ̀ sùà. Wò naŋ tɛɛ̀ nyɛ̀nɛ̀ŋ wèè kɛ̀ esàɓù e fàuŋ nɛ̀, wo pɔɔpɔ̀ɔ̀ e gààŋ Dɛwìɔ, wo yèɔ kuwa wa e gààŋ e fàa diɛŋ wɔ̀.

Jìiiŋ 2:19

Mùŋ naŋ haawè kɛ̀ wo Dayà yaà nɔŋ wò guùŋ? Keì sìàŋ le! Aŋ jinàŋ naanààŋ nyaŋ nyiŋ pɛɛ àŋ naŋ niŋ haawè e jèèsùà àŋ jele kɔɔ kpàkpà wèè e jùù.

1Jɔ̀ɔŋ 3:8

Wo nyùnɔ̀ɔŋ gbiŋ nyɛnɛŋ maŋ kèì jùumù keleiŋ wɔ̀, wò yaà wo nyùùŋ Sɛ̀tanàŋ, e fèfoo wo Sɛ̀tanàŋ wò wa nyɛ̀nɛ̀ŋ maŋ kèì jùumù e yìwìà ko tɔ̀ɔ̀tù e ɗuunyaàŋ. Wèè esàɓù guùŋ lɛɛ̀ wo Jɔ̀àfèlàà Dayàa naŋ wa hnè, wèè wo pɔɔpɔ̀ɔ̀ e tòmoɛ̀ wo Sɛ̀tanàŋ naŋ nyɛ̀nɛ̀ŋ lɛ.

Maŋ kèì nyɛɛnɛŋ 20:2

Wò naŋ kùwò wo kaì gbeeɔ̀, wo kaì gɔugɔ̀ù wii, wo Dɛwìɔ ɔ̀ɔ̀ wo Sɛ̀tanàŋ, yèè wò nauŋ sìè maŋ jɔ̀ɔ̀ɔ wèè maŋ doa tààsùùŋ guùŋ (1,000).

Maŋ kèì nyɛɛnɛŋ 3:7

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Fèlèdɛfià. “Ke miè gbìaàŋ kɛɛ̀ e yìwìà wo yèɔ yaà nɛɛmaŋ yèè e tɔ̀ɔ̀nyaàŋ sùà wɔ. Wuŋ nàŋ kuwa e jììŋ Kanaà Dèèweɛ̀, yèè sèè wò yilà wɔŋ gbemgbee, wo nyùùŋ gbiŋ fè wuŋ yìlà, yèè sèè wò yìlè wuùŋ, wo nyùùŋ gbiŋ fè wuŋ ɓɛ̀nɛ̀ŋ yìle.