Luù 4:31 - WƆŊ FƐ̀Ì EBÒ SÌÀŊ DAYÀA

³¹ Kpeiŋ ke ɗɔ̀ɔ̀ guùŋ wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ ko jawa gbeeì àŋ nyaaŋ Kepanàùm wɔŋ fùɔ̀ŋ Galaliìɔ sùà. Ke Ɗɔ̀ɔ̀ Zòòlò aŋ Juùù nyaŋ bàa diɛŋ, wò naŋ tɔ̀ɔ̀tù anyùùŋ nyaŋ kàa ko sààŋ zòòlò aŋ Juùù nyaŋ.

Luù 4:31 ပူးပေါင်းရင်းမြစ်များ

Maafiù 10:23

Yèè sèè anyùùŋ aiŋ nimilà ko jàwà ɗì guùŋ, dùaàŋ niŋ ka ko jawa joo. Yèè tɔ̀ miŋ woòiŋ e tɔɔɓaaà kɛ̀, niŋ naàŋ kpɛ̀ɛ̀yɛ̀ è tòmoiŋ nɛ̀ màŋ jawa màŋ gbiŋ wɔ̀ŋ fùɔ̀ŋ Ezɔ̀ɛ̀ɔ sùà paŋgàà miàim wò Jɔ̀àfèlàà Nyuùŋ Kpùnɔɔ̀ŋ mìŋ hnàŋ.

Maafiù 4:13

Kɛɛ wo Jisɛ̀ gò wa jèè kò Naazɔ̀ɛ̀, wò naŋ wa kɔ̀ wèè wo jòò ko jawa gbeeì àŋ nyaaŋ Kepanàùm. E jawa lɛɛ̀ yaà wa wɔŋ juwoɔ̀ kɔɔ wɔŋ fùɔ̀ŋ Galaliìɔ, maŋ kpàlàùŋ kpàlàùŋ maŋ sùà ko Zɛɓulɔ̀ùŋ yaà ko Nataliì.

Luù 4:23

Wo Jisɛ̀ naŋ nyiŋ fasàì wààŋ, “Tɔɔɓaa, nìŋ do nàŋ mɔ̀nɔ̀ŋ wèè naim wòò ke kàɓanè yɛɛ̀ nààŋ, ‘Zòòlegòòɔ, sungà weè muàŋ bi jiɛ̀.’ Nìŋ doim ɓɛìŋ nàŋ woò nààŋ miŋ nyɛ̀nɛ̀ŋ maŋ kèì guùŋ maŋ kià ko jawa miìŋ nààŋ nìŋ naŋ kòmò kɛ̀ mìŋ naŋ wa nyɛ̀nɛ̀ŋ maŋ keì lɛ ko Kepanàùm.”

Nyɛ̀nɛ̀ŋ 13:50

Kɛɛ anyùùŋ gbèègbèè aŋ Juùù nyaŋ naŋ kɔ̀ koɓɛ̀ aŋ kpàkòò ɓììɓìì nyaŋ bà ko jawaì yèè aŋ jɔùŋ kɛ̀ɛ̀nɛ̀ŋ ɓɛ̀ɛ̀jàa nyàŋ bà aŋ yè nyaŋ fè àŋ Juùù nyaŋ kɛɛ àŋ zoolà Dayà nyaŋ, yèè àŋ naŋ nyiŋ nyɛ̀nɛ̀ŋ aŋ kɛ̀ɛ̀nɛ̀ŋ maŋ jii fiìì wèè wo Pɔɔ̀ yèè wo Bànaŋɓà, yèè aŋ naŋ nyiŋ nimilà, e nɔ̀ŋ esaɓù aŋ nyiŋ nyìmàŋ aŋ nyiŋ gè maŋ tàta miiŋ wɔŋ fuɔɔ̀ŋ sùà.

Nyɛ̀nɛ̀ŋ 18:4

Wo Pɔɔ̀ hewa gbòà koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ maŋ Ɗɔ̀ɔ̀ Zòòlò aŋ Juùù nyaŋ diɛŋ wèè aŋ kɛɛnɛ̀ŋ e hààwe wo Kanaà Jisɛ̀ sùà.