Luù 4:23 - WƆŊ FƐ̀Ì EBÒ SÌÀŊ DAYÀA

²³ Wo Jisɛ̀ naŋ nyiŋ fasàì wààŋ, “Tɔɔɓaa, nìŋ do nàŋ mɔ̀nɔ̀ŋ wèè naim wòò ke kàɓanè yɛɛ̀ nààŋ, ‘Zòòlegòòɔ, sungà weè muàŋ bi jiɛ̀.’ Nìŋ doim ɓɛìŋ nàŋ woò nààŋ miŋ nyɛ̀nɛ̀ŋ maŋ kèì guùŋ maŋ kià ko jawa miìŋ nààŋ nìŋ naŋ kòmò kɛ̀ mìŋ naŋ wa nyɛ̀nɛ̀ŋ maŋ keì lɛ ko Kepanàùm.”

Luù 4:23 ပူးပေါင်းရင်းမြစ်များ

Maafiù 13:54

yèè wò naŋ kɔ̀ ko jawa kùmiauŋ noo, kpeiŋ wò naŋ tɔ̀ɔ̀tù anyùùŋ nyaŋ kàa ke sààŋ zòòlò aŋ Juùù nyaŋ dìì. È naŋ wa fòònò anyùùŋ nyaŋ nauŋ wa kumiè nyaŋ. Kɛɛ anyùùŋ nyaŋ bà nyiŋ naŋ wa dawè nyààŋ, “Kòò wò naŋ gè e jiikɛ̀ɛ lɛɛ̀ gbiŋ, yèè e gààaŋ wèè wo nyɛ̀nɛ̀ŋ maŋ kèè mèè mɛɛ̀ŋ?

Maafiù 4:13

Kɛɛ wo Jisɛ̀ gò wa jèè kò Naazɔ̀ɛ̀, wò naŋ wa kɔ̀ wèè wo jòò ko jawa gbeeì àŋ nyaaŋ Kepanàùm. E jawa lɛɛ̀ yaà wa wɔŋ juwoɔ̀ kɔɔ wɔŋ fùɔ̀ŋ Galaliìɔ, maŋ kpàlàùŋ kpàlàùŋ maŋ sùà ko Zɛɓulɔ̀ùŋ yaà ko Nataliì.

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Luù 2:39

Nààŋ àŋ naŋ wa kpɛ̀ɛ̀yɛ̀ nyɛ̀nɛ̀ŋ e langiɛ̀ ke Sàwà Kanaà naŋ woò lɛ, àŋ naŋ kɛ̀ɛ̀ maŋjɛ̀wɛ ko Galaliì, ko jawa nyiŋ niìŋ Naazɔ̀ɛ̀.

Luù 2:51

Kpeiŋ wo Jisɛ̀ naŋ nyiŋ dè maŋjɛ̀wɛ àŋ naŋ kɔ̀ ko Naazɔ̀ɛ̀, yèè wò he nyiŋ wa jɔ̀ɔ̀lɔ̀ dìì. Wo Mèèle naŋ wa bànè maŋ keì wòo mɛɛ̀ŋ gbiŋ hàa ke jiiuŋ nɛɛ̀ŋ sùà.

Luù 4:16

Wo Jisɛ̀ naŋ kɔ̀ ko Naazɔ̀ɛ̀, ko jawaì wò naŋ wa dɛɛkɛ̀ lɛ. Ke Ɗɔ̀ɔ̀ Zòòlò aŋ Juùù nyaŋ diɛŋ wò naŋ kɔ̀ ko sààŋ zòòlò aŋ Juùù nyaŋ. Wò naŋ wa sie wèè wo kpɛ̀nɛ̀ŋ wɔŋ fɛ̀ì Dayàa ko nɛ̀ɛ̀ŋ nyiŋ niìŋ,

Luù 4:31

Kpeiŋ ke ɗɔ̀ɔ̀ guùŋ wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ ko jawa gbeeì àŋ nyaaŋ Kepanàùm wɔŋ fùɔ̀ŋ Galaliìɔ sùà. Ke Ɗɔ̀ɔ̀ Zòòlò aŋ Juùù nyaŋ bàa diɛŋ, wò naŋ tɔ̀ɔ̀tù anyùùŋ nyaŋ kàa ko sààŋ zòòlò aŋ Juùù nyaŋ.

Luù 4:35

Wo Jisɛ̀ naŋ wòò wo jinàŋ naanààaŋ wààŋ, “Kùmiàŋ e kìlà muŋ fòlà wo felaa wɛɛ̀ ko sùà!” Wo jinàŋ naanààaŋ naŋ dàà wo felaaà ko dììnaŋ anyùùŋ nyaŋ gbiŋ fɛɛ̀feìŋ yèè wò nauŋ fòlò ko sùà, e yèɛ wo felaaà gò nɛɛmùŋ lɛ.

Luù 6:42

Dièsɔa mùŋ naŋ ɓɛ̀nɛ̀ŋ wòò wo wùìya mɔɔ̀ŋ maàŋ, ‘Tɔ̀ miŋ gòum e kuùfìèɛ ko sòòfɛ̀ɛ̀,’ kɛɛ muŋ fè yɛ̀mɛ̀ wɔ̀ŋ kuùfòòɔ kò sòòfɛ̀ɛ̀ muàŋ biì? Mùŋ yaà wo nyùùŋ fɛ̀ɛ̀ ɗòònààkeì. Gè wɔŋ kuùfòòɔ ko sòòfɛ̀ɛ̀ muìŋ jiɛ̀, kpeiŋ kɛ̀ màŋ ɓɛ̀nɛ̀ŋ yɛ̀mɛ̀ dìì tɛ̀ɛ̀ wèè maŋ gè e kuùfìèɛ ko sòòfɛ̀ɛ̀ wùìya mɔɔ̀ŋ.

Jɔ̀ɔŋ 4:28

Wo nìeɔ̀ naŋ jòò e wuiyè sànuuŋ nɛ̀, kpeiŋ wò naŋ kɔ̀ɔ̀ maŋ dùàŋ ko jawa gbeeì, yèè wò naŋ wòò anyùùŋ nyaŋ wààŋ,

2 Kɔliìŋ 5:16

Wèètii julɔfɔ ɓɔ̀ è gbaaì ɓɛìŋ wò nyùùŋ gbiŋ è jiikɛ̀ɛɛ̀ màŋ kèìŋ maŋ kuwa lɛ̀. Jòòpɛɛ e teenga bà sùà è naiŋ gbààì wo Jisɛ̀ Kulaì e jììkɛ̀ɛ̀ maŋ kèìŋ maŋ sùà, kɛɛ e fèiŋ yɛi ɓɛìŋ nyɛ̀nɛ̀ŋ.