Luù 4:22 - WƆŊ FƐ̀Ì EBÒ SÌÀŊ DAYÀA

²² Ko tɔ̀ɔ̀tù e gbòauŋ nɛ̀, anyùùŋ nyaŋ gbiŋ naŋ wa gbòò tɛ̀ɛ̀ wèè Jisɛ̀. Esaɓù kɛ̀ è naŋ nyiŋ wa foonò wèè maŋ mìè gbòa siauŋ màŋ wò naŋ wa gbòò maŋ. Kɛɛ àŋ naŋ dawè nyààŋ, “Wuŋ nàŋ fè wò jɔ̀àfèlàà Jòòsɛɔ̀?”

Luù 4:22 ပူးပေါင်းရင်းမြစ်များ

Luù 2:47

È naŋ wa fòònò anyùùŋ nyaŋ gbiŋ nauŋ wa kumiè nyaŋ wèè e ɗeweɛ̀ wo Jisɛ̀ yaà wa fàsàì sùà maŋ màaŋdàwè maŋ lɛ̀.

Luù 2:48

È naŋ wa fòònò anyuùŋ kòmauŋ nyàŋ nààŋ àŋ nauŋ wa yɛmɛ̀, yèè wo nààŋ nauŋ dawè wààŋ, “Jɔ̀à wɛɛ̀, wèè kiìŋ mùŋ naŋ wi yɛi nyɛ̀nɛ̀ŋ? Wo dèdaum yèè miàŋ è yaà ke jii sɛ̀ɛ gbee sùà e ɗɔ̀ɔ̀ tìyèeɛ̀ ko kaameum.”

Luù 21:15

esaɓù kɛ̀ mìŋ doiŋ nàŋ kìɛ̀ŋ maŋ mìè gbòa miiŋ yaà e jiikɛ̀ɛ lii, wèè kɛ̀ aŋ jooiŋ nyàŋ bà gbiŋ naàìŋ gììyè màŋhɛɛ ɔ̀ɔ̀ aŋ naàŋ woò nyààŋ niŋ naŋ wòò è keì nàànààŋ.

Luù 4:21

Yèè wo Jisɛ̀ naŋ nyiŋ woò wààŋ, “E yèɛ nìŋ naŋ nɔŋ kòmò mìŋ naŋ kpɛ̀nɛ̀ŋ wɔŋ fɛ̀ì Dayàa sùà lɛ è nàaŋ hɛɛnɛ̀ŋ.”

Jɔ̀ɔŋ 1:45

Wo Felè naŋ mɛ̀ɛ̀ŋ wo Nàntanyàŋ yèè wò nauŋ woò wààŋ, “Èiŋ mɛ̀ɛ̀ŋ wo Jisɛ̀ e yìwìà ko Naazɔ̀ɛ̀, wo jɔ̀àfèlàà Jòòsɛɔ̀ wo yèɔ maŋ Sàwà Mòòze màŋ yèè aŋ Wɛ̀ijì nyaŋ naŋ wa sìngè kiiuŋ wɔ̀.”

Jɔ̀ɔŋ 6:42

Yèè àŋ naŋ woò nyààŋ, “Wɛɛ̀ nààŋ fè wo Jisɛ̀ wò jɔ̀àfèlàà Jòòsɛɔ̀? Wo dèdauŋ nɔɔ̀ŋ yèè wo yèyeuŋ nɔɔ̀ŋ kòò àŋ yaà kià. Dièsɔa wò naŋ naàŋ ɓɛ̀nɛ̀ŋ wòo wààŋ wò naŋ dèyè e yìwìà ko àìjɛnɛ̀ŋ?”

Jɔ̀ɔŋ 7:46

Anyuùŋ tùnìàŋ ke Saaŋ Zòòloɛ̀ naŋ nyiŋ fasàì nyààŋ, “Wo nyùùŋ gbiŋ kòò wò wòò wa màŋ keì maŋ wo felaa wɛɛ̀ naŋ woò maŋ!”

Nyɛ̀nɛ̀ŋ 6:10

Kɛɛ wo Jìnàŋ wo Kanaà Dayà naŋ wa kìɛ̀ŋ wo Siiwììŋ e jiikɛ̀ɛ, yèè nààŋ wò naŋ wa gbòò, aŋ felaa nyàŋ gòuŋ wa ɓɛ̀nɛ̀ŋ fàsai.

Taitɔ̀ 2:8

Tòòmoò maŋ mìè gbòa sengèì maŋ yè maŋ wo nyùùŋ gbiŋ fè ɓɛ̀nɛ̀ŋ gè màŋ pɛɗì lɛ, wèè e sàngè kùwà aŋ jooum nyàŋ, esaɓù kɛ̀ aŋ kuwà è keì bà gbiŋ wèè aŋ woò fàà è naanààŋ sùà è weè wi.