Luù 4:18 - WƆŊ FƐ̀Ì EBÒ SÌÀŊ DAYÀA

¹⁸ “Wo Jìnàŋ Kànà È Gunɔ̀ɔŋ kòò wò yààìm diɛŋ, esaɓù kɛ̀ wòim tàeɗùù wèè ka wòò ebò siaàŋ koɓɛ̀ anyuùŋ pɔ̀ɔ nyàŋ. Wo Kanaà naim tɔ̀ùŋ wèè ka wòò anyùùŋ nyaŋ yaà e ɗo dìì nyaŋ kɛ̀ àŋ niŋ fòlà dìì, yèè wèè ka nyɛ̀nɛ̀ŋ anyuùŋ zììlè le fɛ̀ɛ̀ nyaŋ aŋ yɛ̀mɛ̀ dìì, e kìlà wèè ka nyɛ̀nɛ̀ŋ anyùùŋ nyaŋ jaa e kpòònàà maŋ keì nyìnga dìì nyaŋ aŋ miŋ fòlà dìì,

Luù 4:18 ပူးပေါင်းရင်းမြစ်များ

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 12:18

“Wɛɛ̀ nàŋ yaà wo ɓɔìjɔ̀à miɔ̀ŋ, wo yèɔ mìŋ naŋ tàeɗùù wɔ, wo yèɔ mìŋ manaŋ yèè wɔŋ nyììŋ Jinàŋ miɔ̀ŋ naŋ fɔ̀ weèuŋ wɔ̀. Mìŋ douŋ nàŋ tùɔ̀ŋ wo Jinàŋ miɔ̀ŋ diɛŋ, yèè wò do nàŋ wòò anyùùŋ nyaŋ fè àŋ Juùù nyaŋ e ɗuunyaàŋ kɛ̀ dièsɔa mìŋ do nyiŋ wa nàwèè nàŋ gbaì.

Maafiù 12:20

Wo naàŋ nyìmè kè seìŋ fùngo, wo naàŋ nyìmè è laumpò kùwìè wɔ̀ŋ wikì kùwa bɔɔmììŋ. Wò do niŋ nàŋ jèè diɛŋ e jèèsùà e tɔ̀ɔ̀nyaàaŋ e jèè ko diɛìŋ,

Maafiù 4:16

Jòòpɛɛ anyunùiŋ nyàŋ joà ke nyìwìɛ sùà, àŋ do nàŋ yɛ̀mɛ̀ e gbolòùŋ gbee. Anyùùŋ nyaŋ joà ke nyìwì e fàa dìì nyaŋ e gbolòùŋ do nyiŋ nàŋ mɛ̀ɛ̀ŋ diɛŋ.”

Maafiù 5:3

“E zɔlɔ̀ yaà anyùùŋ nyaŋ naŋ pɔɔ̀ wo jinàaŋ sùà nyaŋ. Nyiŋ nàŋ kanaŋ e Kànà àìjɛnɛ̀ɛŋ!

Luù 4:17

yèè àŋ nauŋ kìɛ̀ŋ wɔŋ fɛ̀ì Dayàa wo wɛ̀ijìɔ Àzaayà naŋ sìngè wɔŋ. Wò naŋ yìlè wɔŋ fɛiɔ̀ yèè wò naŋ kpɛ̀nɛ̀ŋ koɓɛ̀i wɔŋ fɛiɔ̀ naŋ woò wààŋ,

Luù 6:20

Wo Jisɛ̀ naŋ yɛ̀mɛ̀ anyùùŋ màŋjɛ̀wɛ̀uŋ nyàŋ yèè wò naŋ nyiŋ woò wààŋ, “E zɔlɔ̀ yaà anyùùŋ nyaŋ naŋ pɔɔ̀ nyaŋ. Nyiŋ nàŋ kanaŋ e Kànà Dayàa!”

Luù 7:22

Wo Jisɛ̀ naŋ nyiŋ fasàì wààŋ, “Kɛ̀ɛìŋ maŋjɛ̀wɛ niŋ woò wo Jɔ̀ɔŋ e yèɛ nìŋ naŋ kòmò yèè nìŋ naŋ yɛmɛ̀ lɛ. Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Kà nyɛ̀nɛ̀ŋ anyuùŋ fàa nyàŋ yèwà e fàa dìì wɔŋ nyiiŋ gèe sùà, yèè kà wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Jɔ̀ɔŋ 1:41

Kɛɛ jiɛ̀, wo Anɗù nàŋ mɛ̀ɛ̀ŋ wo wùìyauŋ nɔɔ̀ŋ Saimɔŋ Piilɛ̀, yèè wò nauŋ woò wààŋ, “Èiŋ mɛ̀ɛ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ.”

Jɔ̀ɔŋ 12:46

Miàŋ nàŋ yaà e gbolòùŋ nɛ naŋ hnè e ɗuunyaàŋ lɛ. Wo nyùnɔ̀ɔŋ gbiŋ kɛɛnɛ̀ìm e hààwe ko sùà wɔ wo naàŋ jèè kè nyìwìɛ sùà.

Jɔ̀ɔŋ 3:34

Wo nyùnɔ̀ɔŋ wo Dayà naŋ tùɔ̀ŋ wɔ naŋ wòò ke mìè gbìàŋ Dayàa. E fèfoo wo Dayà naŋ nyɛ̀nɛ̀ŋ wo Jinàuŋ nɔɔ̀ŋ wo nɔ̀ŋ wo nyùùŋ bi diɛŋ.

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Nyɛ̀nɛ̀ŋ 4:26

Aŋ kànà fuɔŋ nyàŋ e dììɛ diɛŋ e ɗuunyaàŋ naŋ bànèbànè nyiŋ bi, yèè anyuùŋ gbeegbèè nyaŋ naŋ dèènè koɓɛ̀ guùŋ wèè aŋ sumiàŋ wo Kanaà yaà wo yèɔ wò naŋ tàeɗùù wèè wo joeyè e ɗuunyaàŋ wɔ, wo Kulaìɔ.’

Nyɛ̀nɛ̀ŋ 4:27

Kanaà, è nyìmàŋ kɛ̀ e yèɛ mùŋ naŋ wa woò lɛ è yaà tɔɔɓaa. Wo Hɛɛlɔ̀ yaà wo Pɔuŋtiɔ̀ Paalè naŋ dèènè koɓɛ̀ guùŋ e kpùlìà anyùùŋ nyaŋ fè àŋ Juùù nyaŋ yaà anyùùŋ Ezɔ̀ɛ̀ nyaŋ wèè aŋ nyɛ̀nɛ̀ŋ e ɗèwe naanààŋ koɓɛ̀ wo Ɓɔ̀ìjɔ̀à nɛɛmaŋ mɔɔ̀ŋ Jisɛ̀, wo yèɔ mùŋ naŋ tàeɗùù wèè wo joeyè e ɗuunyaàŋ wɔ.

Kòlo 1:13

Wo Dayà naŋ wi joeyè e yìwìà e gààŋ ke nyìwì Sɛ̀tanàaŋ, yèè wò naŋ wi hìɛ̀ŋ koɓɛ̀ e kànà wo Jɔ̀àfelaa mànauŋ nɔɔ̀ŋ,

Jìiiŋ 2:5

Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.

1Pììlɛ 2:9

Kɛɛ nyɛ̀iŋ nàŋ yaà anyuùŋ tàeɗùù Dayà nyaŋ, aŋ sìèfèìŋ e zòòlò Kanaà, wɔŋ fùɔ̀ŋ nɛɛmaàŋ, anyùùŋ Dayà nyaŋ wuŋ bi naŋ tàeɗùù, wèè aŋ daanè ebò maŋ kpèè sìàŋ Dayà maŋ wò nyɛnɛŋ màŋ, wo yèɔ naiŋ nyààŋ wò naiŋ gè ke nyìwì sùà, yèè wò naiŋ hnìɛ̀ŋ e gbòlòùŋ gbèè wuŋ bi sùà lɛ.