Luù 4:16 - WƆŊ FƐ̀Ì EBÒ SÌÀŊ DAYÀA

¹⁶ Wo Jisɛ̀ naŋ kɔ̀ ko Naazɔ̀ɛ̀, ko jawaì wò naŋ wa dɛɛkɛ̀ lɛ. Ke Ɗɔ̀ɔ̀ Zòòlò aŋ Juùù nyaŋ diɛŋ wò naŋ kɔ̀ ko sààŋ zòòlò aŋ Juùù nyaŋ. Wò naŋ wa sie wèè wo kpɛ̀nɛ̀ŋ wɔŋ fɛ̀ì Dayàa ko nɛ̀ɛ̀ŋ nyiŋ niìŋ,

Luù 4:16 ပူးပေါင်းရင်းမြစ်များ

Maafiù 2:23

Yèè wo Jòòsɛ naŋ kɔ̀ɔ̀ ke kpoouŋ nɛɛ̀ŋ yèè àŋ naŋ jɛ̀ì ko jawaì àŋ nyaaŋ ko Naazɔ̀ɛ̀ lɛ. Tɛɛ̀ naŋ wa kaaìŋ wèè kɛ̀ e nyɛ̀nɛ̀ŋ e nɛ̀ɛŋ wo wɛ̀ijìɔ naŋ wa woò lɛ e hɛɛnɛ̀ŋ kɛ̀, “Àŋ douŋ nàŋ nyààŋ wo jɔ̀à kùmìàŋ ko Naazɔ̀ɛ̀.”

Luù 2:39

Nààŋ àŋ naŋ wa kpɛ̀ɛ̀yɛ̀ nyɛ̀nɛ̀ŋ e langiɛ̀ ke Sàwà Kanaà naŋ woò lɛ, àŋ naŋ kɛ̀ɛ̀ maŋjɛ̀wɛ ko Galaliì, ko jawa nyiŋ niìŋ Naazɔ̀ɛ̀.

Luù 2:42

E teengaà wo Jisɛ̀ naŋ hàì maŋ dòà zììyà jɛ̀wɛ̀ tìyèe lɛ̀, wuŋ yaà anyuùŋ kòmauŋ nyàŋ naŋ kɔ̀ ko Jùlusɛ̀làm wèè wɔŋ ɗaa gèeɔ̀.

Luù 2:51

Kpeiŋ wo Jisɛ̀ naŋ nyiŋ dè maŋjɛ̀wɛ àŋ naŋ kɔ̀ ko Naazɔ̀ɛ̀, yèè wò he nyiŋ wa jɔ̀ɔ̀lɔ̀ dìì. Wo Mèèle naŋ wa bànè maŋ keì wòo mɛɛ̀ŋ gbiŋ hàa ke jiiuŋ nɛɛ̀ŋ sùà.

Luù 4:15

Wò naŋ kàà anyùùŋ nyaŋ maŋ sààŋ zòòlò aŋ Juùù nyaŋ dìì, yèè anyùùŋ nyaŋ gbiŋ nauŋ tɛnɛ̀ŋ.

Luù 4:17

yèè àŋ nauŋ kìɛ̀ŋ wɔŋ fɛ̀ì Dayàa wo wɛ̀ijìɔ Àzaayà naŋ sìngè wɔŋ. Wò naŋ yìlè wɔŋ fɛiɔ̀ yèè wò naŋ kpɛ̀nɛ̀ŋ koɓɛ̀i wɔŋ fɛiɔ̀ naŋ woò wààŋ,

Luù 4:21

Yèè wo Jisɛ̀ naŋ nyiŋ woò wààŋ, “E yèɛ nìŋ naŋ nɔŋ kòmò mìŋ naŋ kpɛ̀nɛ̀ŋ wɔŋ fɛ̀ì Dayàa sùà lɛ è nàaŋ hɛɛnɛ̀ŋ.”

Luù 4:23

Wo Jisɛ̀ naŋ nyiŋ fasàì wààŋ, “Tɔɔɓaa, nìŋ do nàŋ mɔ̀nɔ̀ŋ wèè naim wòò ke kàɓanè yɛɛ̀ nààŋ, ‘Zòòlegòòɔ, sungà weè muàŋ bi jiɛ̀.’ Nìŋ doim ɓɛìŋ nàŋ woò nààŋ miŋ nyɛ̀nɛ̀ŋ maŋ kèì guùŋ maŋ kià ko jawa miìŋ nààŋ nìŋ naŋ kòmò kɛ̀ mìŋ naŋ wa nyɛ̀nɛ̀ŋ maŋ keì lɛ ko Kepanàùm.”

Jɔ̀ɔŋ 18:20

Kɛɛ wo Jisɛ̀ nauŋ fasàì wààŋ, “Mìŋ naŋ gbòò koɓɛ̀ anyùùŋ nyaŋ gbiŋ janyai. Yèè mìŋ naŋ kàà anyùùŋ maŋ sààŋ zòòlò aŋ Juùù nyaŋ yaà Ke Saaŋ Zòòlò Dayàa dìì, ko yèi anyùùŋ nyaŋ gbiŋ hewa hnàŋ koɓɛ̀ guùŋ nɛ. Mìŋ gò wòò è keì gbiŋ kè gbùnuo sùà.

Nyɛ̀nɛ̀ŋ 17:2

Yèè wo Pɔɔ̀, màànààŋ nɔŋ wò nyɛnɛŋ lɛ̀, wò naŋ kɔ̀ ko sààŋ zòòlò aŋ Juùù nyaŋ wèè wo zoolò. E ɗɔ̀ɔ̀ taai maŋ Ɗɔ̀ɔ̀ Zòòlò aŋ Juùù nyaŋ diɛŋ wò naŋ gbòò koɓɛ̀ anyùùŋ nyaŋ e yìwìà e mìè nyààŋ wɔŋ fɛ̀ì Dayàa sùà,