Luù 4:1 - WƆŊ FƐ̀Ì EBÒ SÌÀŊ DAYÀA

¹ E teengaà wo Jisɛ̀ naŋ wa kɛ̀ɛ̀ maŋjɛ̀wɛ e yìwìà e Wùìyè Jɔɔɗììŋ lɛ kɔɔ lɛ̀, e gààŋ Jìnàŋ Nɛɛmaàŋ yàaùŋ wa maŋjɛ̀wɛ.

Luù 4:1 ပူးပေါင်းရင်းမြစ်များ

Maafiù 3:16

Nààŋ wo Jɔ̀ɔŋ naŋ wa gùò Jisɛ̀, wo Jisɛ̀ naŋ fòlò e wùìyèɛ sùà. Ko fɛɛ̀feìŋ ke nyiliɛ̀ naŋ yilè yèè wò naŋ yɛ̀mɛ̀ wo Jìnàŋ wo Kanaà Dayà yàaùŋ dèyà sùà diɛŋ mààŋ wo poopoò.

Luù 2:27

Nààŋ wo Mèèle yaà wo Jòòsɛ naŋ wa kɔ̀ɔ̀ Jisɛ̀ ko Saaŋ Zòòlò Dayài wèè aŋ nyɛ̀nɛ̀ŋ e langiɛ̀ ke Sàwà Mòòzeɛ̀ naŋ woò wèè wo jɔ̀à kòmaŋ jɛi lɛ̀, wo Jìnàŋ Kanaà Dayà naŋ wa wòò wo Simiɔ̀ŋ wèè wo ka ko Saaŋ Zòòlò Dayài.

Luù 3:3

Kpeiŋ wo Jɔ̀ɔŋ naŋ kɔ̀ maŋ kpàlàùŋ kpàlàùŋ maŋ gbiŋ sùà e Wùìyè Jɔɔɗììŋ nɛ kɔɔ, wò yaà gbùùyè ke mìè Dayàa koɓɛ̀ anyùùŋ nyaŋ wààŋ, “Sèè nìŋ mɔnɔŋ wo Dayà woiŋ jùùyà hakɛ̀ wèè maŋ jùumùiŋ màŋ, kɛ̀ sɔɔ̀ naŋ fè maŋ tùwo naanààiŋ màŋ jɛwɛ naŋ kìlà koɓɛ̀ Dayài, e kìlà naŋ nɔ̀ŋ gùaiŋ.”

Luù 3:38

Wo Kenàŋ nàŋ yaà wa wo jɔ̀àfèlàà Inɔ̀ɔŋ. Wo Inɔ̀ŋ nàŋ yaà wa wo jɔ̀àfèlàà Sɛiɔ̀. Wo Sɛi nàŋ yaà wa wo jɔ̀àfèlàà Adamàaŋ. Wo Adamàŋ nàŋ yaà wa wo jɔ̀àfèlàà Dayàa.

Luù 4:14

Wo Jisɛ̀ naŋ kɛ̀ɛ̀ maŋjɛ̀wɛ wɔŋ fùɔ̀ŋ Galaliìɔ sùà e gààŋ Jìnàŋ Nɛɛmaàŋ yàaùŋ maŋjɛ̀wɛ. Ebòuŋ nɛ̀ naŋ wa ɓààyè maŋ kpàlàùŋ kpàlàùŋ maŋ gbiŋ sùà e nyaàiŋ dè maŋ keì maŋ wò yaà wa nyinie màŋ.

Luù 4:18

“Wo Jìnàŋ Kànà È Gunɔ̀ɔŋ kòò wò yààìm diɛŋ, esaɓù kɛ̀ wòim tàeɗùù wèè ka wòò ebò siaàŋ koɓɛ̀ anyuùŋ pɔ̀ɔ nyàŋ. Wo Kanaà naim tɔ̀ùŋ wèè ka wòò anyùùŋ nyaŋ yaà e ɗo dìì nyaŋ kɛ̀ àŋ niŋ fòlà dìì, yèè wèè ka nyɛ̀nɛ̀ŋ anyuùŋ zììlè le fɛ̀ɛ̀ nyaŋ aŋ yɛ̀mɛ̀ dìì, e kìlà wèè ka nyɛ̀nɛ̀ŋ anyùùŋ nyaŋ jaa e kpòònàà maŋ keì nyìnga dìì nyaŋ aŋ miŋ fòlà dìì,

Jɔ̀ɔŋ 1:32

Wo Jɔ̀ɔŋ naŋ wa kìɛ̀ŋ ke mìè seì janjai wààŋ, “Mìŋ naŋ yɛ̀mɛ̀ wo Jìnàŋ wo Kanaà Dayà wò yàa dèyà sùà mààŋ wo poopoò e yìwìà ko àìjɛnɛ̀ŋ, yèè wo Jinàaŋ nauŋ jɛ̀ì diɛŋ.

Jɔ̀ɔŋ 3:34

Wo nyùnɔ̀ɔŋ wo Dayà naŋ tùɔ̀ŋ wɔ naŋ wòò ke mìè gbìàŋ Dayàa. E fèfoo wo Dayà naŋ nyɛ̀nɛ̀ŋ wo Jinàuŋ nɔɔ̀ŋ wo nɔ̀ŋ wo nyùùŋ bi diɛŋ.

Nyɛ̀nɛ̀ŋ 1:2

e jèèsùà e hàì ke ɗɔɔɛ̀ wo Dayà nauŋ wa jùwìè ko àìjɛnɛ̀ŋ lɛ. Wèè paŋ wo nɔ̀ŋ wa jòòwouŋ, wo kanaà Jisɛ̀ naŋ wa wòò maŋ mìè gbòa e yìwìà e gààŋ wo Jìnàŋ Nɛɛmaàŋ sùà koɓɛ̀ aŋ keela tàeɗùùuŋ nyàŋ wò naŋ jàà e ɓula titi nyàŋ wèè e nɛ̀ɛŋ àŋ kuwa wa aŋ nyɛ̀nɛ̀ŋ lɛ.

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Nyɛ̀nɛ̀ŋ 8:39

E teengaà àŋ naŋ fòlò e wùìyèɛ sùà lɛ, wo Jìnàŋ wo Kanaà Dayà naŋ nyɛ̀nɛ̀ŋ wo Felè wo jɔɔnɔ̀ŋ ko fɛɛ̀feìŋ. Wo nyuùŋ gbeeɔ̀ gòuŋ wa ɓɛìŋ yɛmɛ̀ gbiŋ, kɛɛ wuŋ noo kenàaŋ naŋ kɔ̀ɔ̀ e zɔlɔ̀ e jouŋ nɛ̀ sùà.