Luù 3:8 - WƆŊ FƐ̀Ì EBÒ SÌÀŊ DAYÀA

⁸ Nyɛ̀nɛìŋ maŋ keì maŋ do nàŋ tɔɔ̀ kɛ̀ tɔɔɓaa nàŋ fè maŋ tùwo naanààiŋ màŋ jɛwɛ. Ɓɔ̀ nìŋ gongò ngèè pɛɛ kòɓɛ̀ nyɛ̀iŋ biì kɛ̀ nìŋ yewe ke kpòò Eɓulɔhɛɛ̀ɛŋ sùà. Miŋ woòiŋ e tɔɔɓaaà kɛ̀ wo Dayà ɓɛ̀nɛ̀ŋ ɓèmè le dùò lɛɛ̀ wo niŋ kìlà anyuùŋ kpùuŋ aŋ nɔ̀ŋ aŋ jɔ̀à wèè wo Eɓulɔhɛɛ̀ŋ.

Luù 3:8 ပူးပေါင်းရင်းမြစ်များ

Maafiù 21:43

Yèè wo Jisɛ̀ naŋ nyiŋ ɓɛìŋ woò wààŋ, “Weètii tɔ̀ miŋ woòiŋ kɛ̀, àŋ doiŋ nàŋ gè e Kànà Dayàa sìwè yèè aŋ niŋ kìɛ̀ŋ koɓɛ̀ anyùùŋ nyaŋ do nàŋ nyɛ̀nɛ̀ŋ e yèɛ wo Dayà manaŋ lɛ̀. [

Maafiù 3:8

Nyɛ̀nɛìŋ maŋ keì maŋ do nàŋ tɔɔ̀ kɛ̀, tɔɔɓaa nàŋ fè maŋ tùwo naanààiŋ màŋ jɛwɛ.

Maafiù 3:9

Ɓɔ̀ nìŋ gongò ngèè pɛɛ kòɓɛ̀ nyɛ̀iŋ biì kɛ̀ nàŋ ɓɛ̀nɛ̀ŋ dùàŋ e nimilà sìwè, esaɓù kɛ̀ nìŋ naŋ woò nààŋ nìŋ yewe ke kpòò Eɓulɔhɛɛ̀ɛŋ sùà. Miŋ woòiŋ e tɔɔɓaaà kɛ̀ wo Dayà ɓɛ̀nɛ̀ŋ ɓèmè le dùò lɛɛ̀ wo niŋ kìlà anyuùŋ kpùuŋ aŋ nɔ̀ŋ aŋ jɔ̀à wèè wo Eɓulɔhɛɛ̀ŋ.

Luù 13:25

Wo kɛ̀ɛ̀nɛ̀ŋ saaàŋ do nàŋ yèwè dìì wo yìlà wɔŋ gbemgbeeɔ̀. Kpeiŋ nìŋ do nàŋ sìè ko jɔɔlèi naŋ tɔ̀ɔ̀tù wɔŋ gbemgbeeɔ̀ kpùla nìŋ yaà woo nààŋ, ‘Dàa, yìlè wɔŋ gbemgbeeɔ̀ weè wi!’ Kɛɛ wò doiŋ nàŋ fasàì wààŋ, ‘Miŋ nyimààŋ kɛ̀ kòò nìŋ yewe!’

Luù 13:26

Kpeiŋ kɛ̀ nàŋ woò nààŋ, ‘Yàwiiŋ nààŋ gbiŋ naiŋ wa jììyè nɛ̀ŋ koɓɛ̀ guùŋ yèè è naiŋ tììyè koɓɛ̀ guùŋ, e kìlà mùŋ naŋ wi kaà maŋ jawa wi màŋ sùà.’

Luù 14:9

Kpeiŋ kɛ̀ wo nyùnɔ̀ɔŋ naum nyààŋ wɔ wò ɓɛ̀nɛ̀ŋ hnàŋ ko nɛ̀ɛ̀ŋ muìŋ woum woò wààŋ, ‘Tɔ̀ wo nyùùŋ wɛɛ̀ wo jɛi ke kpùa yɛɛ̀ diɛŋ.’ Tɛɛ̀ doum nàŋ kpɛɛ̀ŋ yèè sɔɔ̀ maŋ nyiŋ yèwà diɛŋ maŋ ka maŋ jɛ̀ì ke kpùa joo diɛŋ ko hùu kɔ̀ɔ̀i.

Luù 19:40

Wo Jisɛ̀ naŋ nyiŋ woò wààŋ, “Tɔ̀ miŋ woòiŋ kɛ̀ sèè àŋ kumiàŋ, e dùò lɛ tiiŋ bi do nàŋ tɔ̀ɔ̀tù kpàaŋ.”

Luù 19:9

Yèè wo Jisɛ̀ nauŋ woò wààŋ, “E jòèye è nàaŋ hnàŋ ko gboo yaà, esaɓù kɛ̀ wo felaa wɛɛ̀ wuŋ pɛɛ wò yaà wo jɔ̀ɛ̀jɔ̀ɛ̀ Eɓulɔhɛɛ̀ɔŋ bà.

Luù 5:21

Aŋ kààmɔ̀ɔ̀ŋ maŋ Sàwà Dayà nyaŋ yaà Fɛlosiì nyaŋ naŋ tɔ̀ɔ̀tù wòò nyiŋ bi e fèemàŋ nyààŋ, “Ɓòò wo felaa wɛɛ̀ naŋ gongò kɛ̀ wò yaà, wò yaà tii woo? Wò yaà gbùùyè maŋ mìè ɓɛ̀ɛ̀pɔ̀ɔ koɓɛ̀ Dayài. Wo Dayà wuŋ guùŋ nɔŋ nàŋ juuyà maŋ jùumù hakɛ̀.”

Jɔ̀ɔŋ 8:33

Àŋ naŋ fasàì nyààŋ, “È yèwèìŋ ke kpòò Eɓulɔhɛɛ̀ɛŋ sùà, yèè kòò è nɔ̀ìŋ wa àŋ ɗo wò nyùùŋ gbiŋ dìì. Dièsɔa mùŋ naŋ ɓɛ̀nɛ̀ŋ wòo mààŋ, ‘È doiŋ nàŋ fòlò e ɗo dìì’?”

Jɔ̀ɔŋ 8:39

Anyùùŋ nyaŋ naŋ wòò wo Jisɛ̀ nyààŋ, “Wo Eɓulɔhɛɛ̀ŋ naŋ yaà wo dèda wiɔ̀.” Yèè wo Jisɛ̀ naŋ nyiŋ fasàì wààŋ, “Sèè naŋ weè nɔ̀ŋ aŋ jɔ̀à kòmàŋ Eɓulɔhɛɛ̀ŋ nyaŋ, nìŋ he weè nàŋ nyɛ̀nɛ̀ŋ e nɛ̀ɛŋ wò naŋ wa nyɛ̀nɛ̀ŋ lɛ.

Nyɛ̀nɛ̀ŋ 26:20

Mìŋ naŋ gbòò ke mìè Dayàa koɓɛ̀ anyùùŋ nyaŋ ko Dàmakɔ̀ nyiŋ jiɛ̀, yèè mìŋ naŋ kɔ̀ ko Jùlusɛ̀làm yaà wɔŋ fùɔ̀ŋ Jùdiàa gbiŋ sùà. Eɓìèmàŋjɛ̀wɛ̀ tii, mìŋ naŋ kɔ̀ koɓɛ̀ anyùùŋ nyaŋ fè àŋ Juùù nyaŋ e kìlà mìŋ naŋ nyiŋ woò mìàŋ, aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài! Kpeiŋ kɛ̀ niŋ tɔɔ̀ ke nyɛ̀nɛiŋ nɛɛ̀ŋ janyai e yìwìà e ɗeweɛ̀ nìŋ do naŋ nyɛ̀nɛ̀ŋ maŋ nyiiŋ gèeiŋ màŋ lɛ.

Luùm 4:16

Weètii esàɓù e hààweɛ̀ è kùwàìŋ wo Dayà sùà lɛ, è doiŋ nàŋ yɛ̀mɛ̀ e nɛ̀ɛŋ wò naŋ jɔ̀ɔ̀ ɗààhiì wèè wo wi kiɛ̀ŋ lɛ. Wèè esaɓù lɛɛ̀, wo naŋ jɔ̀ɔ̀ ɗààhiì wèè wo niŋ kìɛ̀ŋ ke kpòò Eɓulɔhɛɛ̀ŋ gbiŋ wèè foo, e ɗààhiì lɛɛ̀ fè nɔŋ wèè ànyùùŋ nyaŋ jɔɔlɔ̀ màŋ Sàwà Dayà maŋ dìì nyaŋ, kɛɛ è yaà wèè anyùùŋ nyaŋ pɛɛ kuwa hààwe màànààŋ wo Eɓulɔhɛɛ̀ŋ kuwa wa lɛ̀. Wo Eɓulɔhɛɛ̀ŋ naŋ yaà wo dèdà anyùùŋ nyaŋ gbiŋ.

Luùm 9:7

Aŋ jɔ̀à nyaŋ kinɛiŋ naŋ fòlò ke kpòò Eɓulɔhɛɛ̀ɛŋ sùà nyaŋ nààŋ fè àŋ jɔ̀à Dayà. Wo Dayà naŋ wa wòò Eɓulɔhɛɛ̀iŋ wààŋ, “È yaà e yìwìà wo jɔ̀àfelaa mɔɔ̀ŋ Ààze sùà mùŋ do nàŋ kɛ̀ɛ̀nɛ̀ŋ ke kpooɛ̀ mìŋ naŋ jɔ̀ɔ̀ ɗààhiì kɛ̀ mìŋ doum nàŋ kiɛ̀ŋ lɛ.”

Fèle 1:11

Maŋ nyiiŋ gèeiŋ màŋ do nàŋ dìè maŋ kèì tɔ̀ɔ̀nyaàŋ kɛnɛ, maŋ yè maŋ wo Jisɛ̀ Kulaì doiŋ nàŋ kpuumò wèè naŋ nyɛ̀nɛ̀ŋ, wèè e jòòwò yèè e tɛ̀nɛŋ koɓɛ̀ Dayài.