Luù 3:3 - WƆŊ FƐ̀Ì EBÒ SÌÀŊ DAYÀA

³ Kpeiŋ wo Jɔ̀ɔŋ naŋ kɔ̀ maŋ kpàlàùŋ kpàlàùŋ maŋ gbiŋ sùà e Wùìyè Jɔɔɗììŋ nɛ kɔɔ, wò yaà gbùùyè ke mìè Dayàa koɓɛ̀ anyùùŋ nyaŋ wààŋ, “Sèè nìŋ mɔnɔŋ wo Dayà woiŋ jùùyà hakɛ̀ wèè maŋ jùumùiŋ màŋ, kɛ̀ sɔɔ̀ naŋ fè maŋ tùwo naanààiŋ màŋ jɛwɛ naŋ kìlà koɓɛ̀ Dayài, e kìlà naŋ nɔ̀ŋ gùaiŋ.”

Luù 3:3 ပူးပေါင်းရင်းမြစ်များ

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Luù 1:16

Yèè wo Jɔ̀ɔŋ do nàŋ nyɛ̀nɛ̀ŋ anyùùŋ Ezɔ̀ɛ̀ nyaŋ zimgbe nyiŋ aŋ kìlà koɓɛ̀ wo Dayà nyiŋ nɔɔ̀ŋ.

Luù 1:77

wèè maŋ wòò anyunùuŋ nyàŋ kɛ̀ àŋ dò nàŋ jòèyè, esaɓù kɛ̀ wò do nàŋ jùùyè maŋ jùumù nyiŋ màŋ hakɛ̀.

Luù 4:1

E teengaà wo Jisɛ̀ naŋ wa kɛ̀ɛ̀ maŋjɛ̀wɛ e yìwìà e Wùìyè Jɔɔɗììŋ lɛ kɔɔ lɛ̀, e gààŋ Jìnàŋ Nɛɛmaàŋ yàaùŋ wa maŋjɛ̀wɛ.

Jɔ̀ɔŋ 1:28

Maŋ keì wòo mɛɛ̀ŋ gbiŋ naŋ wa kɔ̀ feìŋ e fèèmàŋ aŋ kèèlà aŋ Fɛlosiì nyaŋ yèè wo Jɔ̀ɔŋ. E teenga bi sùà zà wo Jɔ̀ɔŋ yaà wa gùa sùà anyùùŋ nyaŋ e Wùìyè Jɔɔɗììŋ nɛ̀ sùà ko Bɛfenè.

Jɔ̀ɔŋ 3:26

Kpeiŋ àŋ naŋ kɔ̀ koɓɛ̀ Jɔ̀ɔìŋ yèè àŋ nauŋ wòò ke mìè seì nyààŋ, “Kààmɔɔŋ, wo kenàŋ wii yààùm yɛi mɛ̀iŋ kɔɔ e Wùìyè Jɔɔɗììŋ nɛ wɔŋ fàa bàa, wo yèɔ mùŋ naŋ mɛ̀iŋ gbòò kiiuŋ tɛ̀ɛ̀ wɔ, kòò wò yaà naàŋ gùùyè anyùùŋ, e kìlà anyuùŋ zimgbe kòò àŋ yaà kɔ̀ɔ̀yɛ̀ ko nɛ̀ɛ̀uŋ niìŋ.”

Nyɛ̀nɛ̀ŋ 13:24

Wèè paŋ wo Jisɛ̀ hnàŋ wa, wo Jɔ̀ɔŋ naŋ wa wòò anyùùŋ nyaŋ gbiŋ ko Ezɔ̀ɛ̀ wèè aŋ fè maŋ tùwo naanààŋ nyiŋ màŋ jɛwɛ yèè aŋ nɔ̀ŋ gùa nyiŋ.

Nyɛ̀nɛ̀ŋ 19:4

Wo Pɔɔ̀ naŋ nyiŋ fasàì wààŋ, “Wo Jɔ̀ɔŋ naŋ wa gùò anyùùŋ wèè aŋ fè maŋ tùwo naanààŋ nyiŋ màŋ jɛwɛ yèè aŋ kìlà koɓɛ̀ Dayài. Kɛɛ wò naŋ nyiŋ wa ɓɛìŋ woò wààŋ wo nyùùŋ bà kòò wò yaà hinie, yèè aŋ sìà e hààwe nyiŋ nɛ̀ wo nyùùŋ bi sùà. Wo Jisɛ̀ nàŋ yaà wo nyùùŋ bi wo yèɔ wo Jɔ̀ɔŋ yaà wa wòò e kiiuŋ wɔ̀.”

Nyɛ̀nɛ̀ŋ 22:16

Kiìŋ mùŋ yaà fulie? Yewà dìì muŋ nɔ̀ŋ gùaum wèè Dayà juuyà maŋ jùumùum màŋ hakɛ̀ e yìwìà e zòòlo mɔ̀ɛ̀ koɓɛ̀ e deèuŋ nɛ̀.’ ”