Luù 3:22 - WƆŊ FƐ̀Ì EBÒ SÌÀŊ DAYÀA

²² yèè wo Jìnàŋ Nɛɛmaàŋ, wo yèɔ naŋ tèènè wo poopoò ke kpùnaŋ sùà wɔ, naŋ dèyè wo jɛ̀ì Jisɛ̀ diɛŋ. Kpeiŋ wo Dayà naŋ gbòò e yìwìà ko àìjɛnɛ̀ŋ wò naŋ woò wààŋ, “Muàŋ nàŋ yaà wo jɔ̀àfelaa miɔ̀ŋ, wo yèɔ mìŋ manaŋ wɔ̀. Ke jii naim fɔ̀ weèum.”

Luù 3:22 ပူးပေါင်းရင်းမြစ်များ

Maafiù 12:18

“Wɛɛ̀ nàŋ yaà wo ɓɔìjɔ̀à miɔ̀ŋ, wo yèɔ mìŋ naŋ tàeɗùù wɔ, wo yèɔ mìŋ manaŋ yèè wɔŋ nyììŋ Jinàŋ miɔ̀ŋ naŋ fɔ̀ weèuŋ wɔ̀. Mìŋ douŋ nàŋ tùɔ̀ŋ wo Jinàŋ miɔ̀ŋ diɛŋ, yèè wò do nàŋ wòò anyùùŋ nyaŋ fè àŋ Juùù nyaŋ e ɗuunyaàŋ kɛ̀ dièsɔa mìŋ do nyiŋ wa nàwèè nàŋ gbaì.

Maafiù 17:5

Nààŋ wò yaà wa gbuuye, ke nyili fuaà naŋ hnè yèè kè naŋ nyiŋ ɓùwò. Yèè ke mìè naŋ fòlò ke nyili fuaà sùà kè naŋ woò wààŋ, “Wo jɔ̀àfelaa miɔ̀ŋ wɛɛ̀, wo yèɔ mìŋ manaŋ wɔ̀. Kòmaìŋ e mìè nyaàuŋ nɛ̀!”

Maafiù 27:43

Wò naŋ tùlìè wo Dayà jii yèè wò naŋ ɓèmè wuŋ bi wèè wo nɔ̀ŋ wo Jɔ̀àfèlàà Dayàa. Weètii, yɛ̀mɛ̀ wiìŋ weè sèè mààŋ wò dò nàŋ mɔ̀nɔ̀ŋ wèè wouŋ joeyè.”

Maafiù 3:13

E teenga lii wo Jisɛ̀ naŋ yèwè wɔŋ fùɔ̀ŋ Galaliìɔ sùà, yèè wò naŋ kɔ̀ koɓɛ̀ e wùìyèɛ àŋ nyaaŋ Jɔɔɗììŋ nɛ, ko yèi wo Jɔ̀ɔŋ yaà wa lɛ̀. Wò nao wa kɔ̀ wèè wo Jɔ̀ɔŋ wouŋ gùà.

Maafiù 3:16

Nààŋ wo Jɔ̀ɔŋ naŋ wa gùò Jisɛ̀, wo Jisɛ̀ naŋ fòlò e wùìyèɛ sùà. Ko fɛɛ̀feìŋ ke nyiliɛ̀ naŋ yilè yèè wò naŋ yɛ̀mɛ̀ wo Jìnàŋ wo Kanaà Dayà yàaùŋ dèyà sùà diɛŋ mààŋ wo poopoò.

Maafiù 3:17

Kpeiŋ wo Dayà naŋ gbòò e yìwìà ko àìjɛnɛ̀ŋ wò naŋ woò wààŋ, “Muàŋ nàŋ yaà wo Jɔ̀àfelaa miɔ̀ŋ, wo yèɔ mìŋ manaŋ wɔ̀. Ke jii naim fɔ̀ weèum.”

Luù 2:14

“E jòòwo gbee yaà wèè Dayà ko àìjɛnɛ̀ŋ, yèè ke jii fàa nɔ̀ŋ koɓɛ̀ anyuùŋ kpùuŋ nyàŋ e ɗuunyaàŋ aŋ yè nyaŋ nauŋ fɔ̀ɔ̀yɛ̀ ke jii nyàŋ.”

Luù 4:21

Yèè wo Jisɛ̀ naŋ nyiŋ woò wààŋ, “E yèɛ nìŋ naŋ nɔŋ kòmò mìŋ naŋ kpɛ̀nɛ̀ŋ wɔŋ fɛ̀ì Dayàa sùà lɛ è nàaŋ hɛɛnɛ̀ŋ.”

Jɔ̀ɔŋ 1:32

Wo Jɔ̀ɔŋ naŋ wa kìɛ̀ŋ ke mìè seì janjai wààŋ, “Mìŋ naŋ yɛ̀mɛ̀ wo Jìnàŋ wo Kanaà Dayà wò yàa dèyà sùà mààŋ wo poopoò e yìwìà ko àìjɛnɛ̀ŋ, yèè wo Jinàaŋ nauŋ jɛ̀ì diɛŋ.

Jɔ̀ɔŋ 12:28

Dèda miɔ̀ŋ, tɔ̀ɔ̀ e dɛ̀ɛ̀kɛ koɓɛ̀ e deè mɔ̀ɛ̀.” Kpeiŋ wo Dayà naŋ gbòò e yìwìà ko àìjɛnɛ̀ŋ yèè wò naŋ woò wààŋ, “Kà dɛ̀ɛ̀kɛ̀ miàŋ bi tɛ, e kìlà mìŋ do ɓɛìŋ nàŋ dɛ̀ɛ̀kɛ̀ miàŋ bi.”

Jɔ̀ɔŋ 5:37

Wo Dèdaà naim tùɔ̀ŋ wɔ wuŋ nàŋ gboo e tɔ̀ɔ̀nyaàaŋ weèim, kɛɛ nààŋ gbà kòò nìŋ kòmò wa kè mièuŋ nɛɛ̀ŋ ɔ̀ɔ̀ naŋ yɛ̀mɛ̀ wɔ̀ŋ dewàuŋ nɔɔ̀ŋ.

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Kòlo 1:13

Wo Dayà naŋ wi joeyè e yìwìà e gààŋ ke nyìwì Sɛ̀tanàaŋ, yèè wò naŋ wi hìɛ̀ŋ koɓɛ̀ e kànà wo Jɔ̀àfelaa mànauŋ nɔɔ̀ŋ,

1Pììlɛ 2:4

Hnaìŋ koɓɛ̀ wo Kanaà, ke dùò nyiiŋ gèe gò jùàa anyùùŋ nyaŋ naŋ wa gè kùàŋ dìì yɛ, esaɓù kɛ̀ aŋ gòuŋ wa nyààŋ è nɛ̀ŋ bà gbiŋ, kɛɛ wo Dayà nauŋ tàeɗùù wèè wo kuwiè e sɛmɛmaŋ.