Luù 3:16 - WƆŊ FƐ̀Ì EBÒ SÌÀŊ DAYÀA

¹⁶ Wo Jɔ̀ɔŋ naŋ nyiŋ fasàì wààŋ, “Mìŋ yààìŋ nɔŋ gùùyà sùà e wùìyè. Kɛɛ wo nyùùŋ bà do nàŋ hnè, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka fìlè è jèì màŋ bauŋ màŋ. Wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Luù 3:16 ပူးပေါင်းရင်းမြစ်များ

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Maafiù 3:12

Wò kuwa wɔŋ sɛmɛ̀ŋ fùùnyàŋ e kpàliuŋ nɛ̀ ko sìwè wèè wo fùàŋ e kpàliuŋ nɛ̀. Wò do nàŋ gbònògbònò e kpàli kɛnɛɛ̀ wo niŋ gbìàŋ ko kɛiŋ, kpeiŋ kɛ̀ wò hàmàŋ maŋ kpàli dɛɛ màŋ wò miŋ gbìàŋ ko hmɔ̀ɔ̀ŋ, yèè e hmɔ̀ɔ̀ŋ bi fè wa nàwèè nyime.”

Jɔ̀ɔŋ 1:26

Wo Jɔ̀ɔŋ naŋ fasàì wààŋ, “Mìŋ yaà nɔŋ gùùyè anyùùŋ e wùìyè. Kɛɛ wo nyùùŋ bà kòò wò sìàìŋ nèè tɛɛ wo yèɔ niŋ nyimààŋ wɔ̀.

Jɔ̀ɔŋ 1:27

Wò do nàŋ hnè eɓìèmàŋjɛ̀wɛ̀ miàŋ, yèè miŋ siàŋ ngèè pɛɛ tɛ̀ɛ̀ wèè ka fìlè è jèì màŋ bauŋ màŋ.”

Jɔ̀ɔŋ 1:33

Kɛɛ wèè paŋ tɛɛ̀ kaaìŋ wa, miŋ nyimààŋ wa wò nyùnɔ̀ɔŋ yaà wa hinie wɔ̀. Kɛɛ wo Dayàa naim wa tùɔ̀ŋ wèè ka gùùyà anyùùŋ e wùìyè wɔ naim wà tɛɛ̀ woò wààŋ, ‘Mùŋ do nàŋ yɛ̀mɛ̀ wo Jinàaŋ wo dèyà wo jɛ̀ì wo nyùùŋ bà diɛŋ. Kpeiŋ kɛ̀ mùŋ do nàŋ nyìmè kɛ̀ wuŋ nàŋ yaà wo nyùnɔ̀ɔŋ wo yèɔ do nàŋ gùùyè anyùùŋ wo Jìnàŋ Nɛɛmaàŋ.’ ”

Jɔ̀ɔŋ 7:38

Yèè wo nyùnɔ̀ɔŋ gbiŋ haawàìm wɔ, nààŋ wɔŋ fɛ̀ì Dayàa naŋ woò lɛ, ‘E wùìyè nyiiŋ gèe douŋ nàŋ fòlò ko sùà.’ ”

Nyɛ̀nɛ̀ŋ 1:5

Wo Jɔ̀ɔŋ naŋ wa nɔŋ gùùyè anyùùŋ e wùìyè, kɛɛ maŋ ɗɔɔ kpàa bà sùà, wo Dayà doiŋ nàŋ gùùyè wo Jìnàŋ Nɛɛmaàŋ.”

Nyɛ̀nɛ̀ŋ 10:44

E teengaà wo Pììlɛ yaà wa nɔŋ gbuuye lɛ̀, wo Jìnàŋ Nɛɛmaàŋ naŋ dèyè anyùùŋ nyaŋ gbiŋ yàaùŋ wa kùmìàŋ sùà nyaŋ diɛŋ.

Nyɛ̀nɛ̀ŋ 2:33

Wò naŋ wa nɔ̀ŋ jòòwouŋ wèè wo jɛi wɔŋ kùàŋ jìkà Dayàa, wo Dèdauŋ nɔɔ̀ŋ, e kìlà wò nauŋ kìɛ̀ŋ wo Jìnàŋ Nɛɛmaàŋ, màànààŋ wò naŋ wa jɔ̀ɔ̀ ɗààhiì lɛ. Wo Kanaà Jisɛ̀ nàŋ yaà ɓɛìŋ wo nyùnɔ̀ɔŋ naŋ wi kìɛ̀ŋ wo Jinàaŋ, tiiŋ nàŋ yaà e yèɛ nìŋ yaà yɛɛmɛ yèè nìŋ yaà kumie è yààìŋ woo lɛ̀.

1 Kɔliìŋ 12:13

Yɛi nɔŋ, yàwi nààŋ gbiŋ è yààìŋ, èiŋ nɔ̀ŋ aŋ Juùù, ɔ̀ɔ̀ ànyùùŋ nyaŋ fè àŋ Juùù nyaŋ, èiŋ nɔ̀ŋ àŋ ɗo ɔ̀ɔ̀ e fèìŋ àŋ ɗo, wo Jinàŋ guùŋ wɛɛ̀, wò wi gùà e kìlà wò wi gbìàŋ ke kpùnàŋ guùŋ yɛɛ̀ sùà. Yàwi nààŋ gbiŋ è tìèìŋ e yìwìà wo Jìnàŋ guùŋ wɛɛ̀ sìwè.