Luù 24:6 - WƆŊ FƐ̀Ì EBÒ SÌÀŊ DAYÀA

⁶ Wo Jisɛ̀ fè kià! Wo Dayà wòuŋ gè e fàaà dìì wɔŋ nyiiŋ gèeɔ̀ sùà. Jàaìŋ jii e yèɛ wò naiŋ woò e teengaà wò yààìŋ wa tɛɛ ko Galaliì lɛ.

Luù 24:6 ပူးပေါင်းရင်းမြစ်များ

Maafiù 12:40

E ɗèwè guùŋ nɛ sùà nɔŋ wo Joonàŋ naŋ nɔ̀ŋ wo kɛì gbeeɔ̀ ko sùà wèè maŋ ɗɔ̀ɔ̀ taai yèè maŋ dùùm taai lɛ̀, yɛi nɔŋ miàim wo Jɔ̀àfèlàà Nyuùŋ kpùnɔɔ̀ŋ do nàŋ nɔ̀ŋ e dììɛ dìì wèè maŋ ɗɔ̀ɔ̀ taai yèè maŋ dùùm taai.

Maafiù 16:21

E yìwìà e teenga lii wo Jisɛ̀ naŋ tɔ̀ɔ̀tù anyùùŋ màŋjɛ̀wɛ̀uŋ nyàŋ wòo janyai wààŋ, “Mìŋ yaà kɔ̀ɔ̀yɛ̀ ko Jùlusɛ̀làm yèè mìŋ do nàŋ kɔ̀ e nìmìlà maŋ keì zimgbe dìì e yìwìà aŋ màmànkùmɛ̀ŋ fuɔŋ nyàŋ, aŋ kànà sìèfèìŋ zòòlo nyàŋ, yèè aŋ kààmɔ̀ɔ̀ŋ maŋ Sàwà Dayà nyaŋ. Àŋ doim nàŋ jìwè, yèè sèè e gɔ̀ɛ̀ɛ̀ taai maaŋ, ka yèwà e fàaà dìì wɔŋ nyiiŋ gèeo sùà.”

Maafiù 27:63

àŋ nauŋ woò nyààŋ, “Kanaà, èiŋ jààejii kɛ̀ wo felaa tòa wii naŋ mɛ̀iŋ woò e teengaà wò yaà wɔŋ nyiiŋ gèeɔ̀ sùà lɛ wààŋ, ‘Mìŋ do nàŋ yèwè e fàaà dìì wɔŋ nyiiŋ gèe sùà sèè e gɔ̀ɛ̀ɛ̀ taai è maaŋ.’

Maafiù 28:6

Wo fè kià. Wo Dayà wòuŋ gè e fàaà dìì wɔŋ nyiiŋ gèeɔ̀ sùà, màànààŋ nɔŋ wò naiŋ wa woò lɛ. Hnàaìŋ niŋ yɛmɛ̀, kià àŋ nauŋ daai heè.

Luù 24:34

Kpeiŋ àŋ naŋ wòò àŋ tìyèe nyàŋ e yìwìà ko vàaì nyààŋ, “E tɔɔɓaa le wo Kanaà yèwà e fàa dìì! Wò naŋ fòlò wo Saimɔ̀ŋ feìŋ.”

Luù 24:5

E jùùɛ naŋ wa nyɛ̀nɛ̀ŋ aŋ jɔùŋ nyaŋ, yèè àŋ naŋ gbùwò maŋ dewà nyiŋ maŋ dììnaŋ. Kɛɛ aŋ felaa nyàŋ naŋ nyiŋ wa dawè nyààŋ, “Wèè kiìŋ nìŋ yaà yɛ̀mɛ̀ anyuùŋ fàa nyàŋ tɛɛ wèè wo nyùnɔ̀ɔŋ yaà wɔŋ nyiiŋ gèeɔ̀ sùà wɔ?

Luù 9:22

Wo Jisɛ̀ naŋ nyiŋ ɓɛìŋ woò wààŋ kɛ̀, “Miàim wo Jɔ̀àfèlàà Nyuùŋ Kpùnɔɔ̀ŋ do nàŋ kɔ̀ e nìmìlà maŋ keì zimgbe dìì e kìlà aŋ màmànkùmɛ̀ŋ fuɔŋ nyàŋ, aŋ kànà sìèfèìŋ zòòlo nyàŋ, yaà aŋ kààmɔ̀ɔ̀ŋ maŋ Sàwà Dayà nyaŋ aim gbàŋ. Àŋ doim nàŋ jìwè, sèè e gɔ̀ɛ̀ɛ̀ taai maaŋ, ka yèwà e fàaà dìì wɔŋ nyiiŋ gèeo sùà.”

Luù 9:44

“Ɓɔ̀ nìŋ nyɛɛnɛ̀ŋ è yèɛ mìŋ yaà hinie kaiŋ woò lɛ! Miàim wo Jɔ̀àfèlàà Nyuùŋ Kpùnɔɔ̀ŋ àŋ doim nàŋ gè kùàŋ aim fè koɓɛ̀ e gààŋ anyuùŋ kpùuŋ nyàŋ.”

Nyɛ̀nɛ̀ŋ 2:24

Kɛɛ wo Dayà nauŋ wa gè e jèlà fàa dìì wɔŋ nyiiŋ gèeo sùà, wouŋ gè e gààŋ fàa diɛŋ, esaɓù kɛ̀ e fàa kuwà wa è gààŋ diɛɔŋ wèè euŋ kùwà ke hùaàŋ sùà.

2Tɛsè 2:5

Niŋ fè jàà è keì jii? Mìŋ naiŋ wòò màŋ keì mɛɛ̀ŋ gbiŋ è teengaà mìŋ yaà kò nɛ̀ɛ̀iŋ niìŋ lɛ.