Luù 24:52 - WƆŊ FƐ̀Ì EBÒ SÌÀŊ DAYÀA

⁵² Anyùùŋ màŋjɛ̀wɛ̀uŋ nyàŋ naŋ dè maŋ gɛ̀ɛ̀nìŋ nyiŋ màŋ dìì auŋ zoolò, yèè aŋ naŋ kɛ̀ɛ̀ maŋjɛ̀wɛ ko Jùlusɛ̀làm e zɔlɔ̀ gbee sùà.

Luù 24:52 ပူးပေါင်းရင်းမြစ်များ

Maafiù 28:17

Yèè nààŋ àŋ nauŋ yɛmɛ̀, àŋ nauŋ gbùwò gòlòò dìì yèè àŋ nauŋ zoolò, jòòpɛɛ aŋ bà nyiŋ gò niŋ wa haawè kɛ̀ wò Jisɛ̀ wuŋ bi wo.

Maafiù 28:9

E bìao sùà wo Jisɛ̀ naŋ nyiŋ mɛɛ̀ŋ yèè wò naŋ nyiŋ zuumò. Àŋ naŋ hnè ko nɛ̀ɛ̀uŋ niìŋ auŋ gbùwò gòlò dìì, yèè àŋ nauŋ zoolò.

Luù 24:51

Nààŋ wò yà nyiìŋ wa gbìàŋ sùà e zòòlo maŋjɛ̀wɛ, wò naŋ nyiŋ jòò wo jòwà ko àìjɛnɛ̀ŋ.

Luù 24:53

Ke ɗɔɔ gbiŋ àŋ kɔ̀à wa ko jɔ̀ɔ̀lègbèè ko Saaŋ Zòòlò Dayài, àŋ yaà gììyè wo Dayà ke sɛ̀.

Jɔ̀ɔŋ 14:28

Nyɛ̀iŋ nààŋ nyuùŋ mɔ̀ɔ̀nɔim nyàŋ, kàiŋ woò kɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ. Yèè sèè nìŋ mɔ̀nɔ̀ìm, kɛ̀ nɔ̀iŋ jii fàa sùà e fèfoo mìŋ yaà kɛ̀ɛ sùà koɓɛ̀ wo Dèdaà naim tùɔ̀ŋ wɔ, esaɓù kɛ̀ wò kuwa e gààŋ eim nìàŋ.

Jɔ̀ɔŋ 16:22

Nìŋ yaà naàŋ ke nyowo gbee sùà. Kɛɛ mìŋ doiŋ ɓɛìŋ nàŋ yɛmɛ̀, yèè e zɔlɔ̀ do nàŋ nɔ̀ŋ maŋ jiiŋ màŋ sùà, yèè wo nyùùŋ gbiŋ wo naàìŋ ɓɛ̀nɛ̀ŋ gè è zɔlɔ̀ bi màŋ jiiŋ màŋ sùà.

Jɔ̀ɔŋ 16:7

Kɛɛ mìŋ yààìŋ wòò sùà e tɔɔɓaaà, è yaà tɛ̀ɛ̀ wèè ka kà koɓɛ̀ Dèda miɔ̀ŋ, sèè mìŋ go ka, wo nyuùŋ kpùùmaàŋ, wo Jìnàŋ Nɛɛmaàŋ naàŋ hnè wèè woiŋ kpuumàŋ. Kɛɛ sèè mìŋ kɔ̀à, mìŋ do nàŋ tùɔ̀ŋ wo Jìnàŋ Nɛɛmaàŋ ko nɛ̀ɛ̀iŋ niìŋ.

Jɔ̀ɔŋ 20:28

Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”

Nyɛ̀nɛ̀ŋ 1:12

Kpeiŋ aŋ keela tàeɗùù nyaŋ naŋ kɛ̀ɛ̀ maŋjɛ̀wɛ ko Jùlusɛ̀làm e yìwìà wɔŋ tòò maŋ Ɔlè Kùùɔ, ko yèi yaà wa e sɔ̀ngɔ̀ e kààìŋ haawà gbu e yìwìà ko Jùlusɛ̀làm, ko jawa gbeeì.

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,