Luù 24:5 - WƆŊ FƐ̀Ì EBÒ SÌÀŊ DAYÀA

⁵ E jùùɛ naŋ wa nyɛ̀nɛ̀ŋ aŋ jɔùŋ nyaŋ, yèè àŋ naŋ gbùwò maŋ dewà nyiŋ maŋ dììnaŋ. Kɛɛ aŋ felaa nyàŋ naŋ nyiŋ wa dawè nyààŋ, “Wèè kiìŋ nìŋ yaà yɛ̀mɛ̀ anyuùŋ fàa nyàŋ tɛɛ wèè wo nyùnɔ̀ɔŋ yaà wɔŋ nyiiŋ gèeɔ̀ sùà wɔ?

Luù 24:5 ပူးပေါင်းရင်းမြစ်များ

Luù 1:29

Ke jìì Mèèleɛ̀ naŋ wa tawe nààŋ wò naŋ kòmò ke miè gbìaàŋ wo màikàa naŋ woò lɛ, yèè wò naŋ kùùnò gòngo sèè mààŋ kiìŋ e zùùmò màikàa naŋ fasàì.

Luù 24:4

Àŋ naŋ wa sìè koɓɛ̀ wii maŋ jii die sùà, ko fɛɛ̀feìŋ àŋ naŋ yɛ̀mɛ̀ aŋ fèlàà tìyèe àŋ gɔaa maŋ deè fùà pepe àŋ naŋ nyiŋ sìè kɔɔ.

Luù 24:6

Wo Jisɛ̀ fè kià! Wo Dayà wòuŋ gè e fàaà dìì wɔŋ nyiiŋ gèeɔ̀ sùà. Jàaìŋ jii e yèɛ wò naiŋ woò e teengaà wò yààìŋ wa tɛɛ ko Galaliì lɛ.

Nyɛ̀nɛ̀ŋ 2:24

Kɛɛ wo Dayà nauŋ wa gè e jèlà fàa dìì wɔŋ nyiiŋ gèeo sùà, wouŋ gè e gààŋ fàa diɛŋ, esaɓù kɛ̀ e fàa kuwà wa è gààŋ diɛɔŋ wèè euŋ kùwà ke hùaàŋ sùà.

Hiɓu 7:8

E yìwìà e keì wòo sùà e nyaàiŋ dè aŋ sìèfèìŋ zòòlo nyàŋ, aŋ yè nyaŋ kuwa aŋ fà ke ɗɔ̀ɔ̀ guùŋ nyaŋ, àŋ fè nyiìŋ e nɛ̀ŋ kìɛ̀ŋ ɗì guùŋ e yìwìà manɛ̀ŋ kàme màŋ anyùùŋ kuwa màŋ, sèè àŋ goonàŋ miìŋ e ɗì zììyà. Kɛɛ sèè è nɔ̀ŋ wèè wo Mɛ̀kisiɗɛ̀, àŋ naŋ wa fè è nɛ̀ŋ kìɛ̀ŋ ɗì guùŋ nɛ̀ koɓɛ̀ wo nyùnɔ̀ɔŋ yaà wɔŋ nyiiŋ gèeɔ̀ sùà wɔ, wo yèɔ wɔŋ fɛ̀ì Dayàa naŋ kìɛ̀ŋ mìè seì wààŋ wò yaà wɔŋ nyiiŋ gèeɔ̀ sùà wɔ.

Maŋ kèì nyɛɛnɛŋ 1:18

Miàŋ nàŋ yaà wo nyuùŋ gè nyiiɔ̀ŋ! Mìŋ naŋ wa fɔ̀, kɛɛ kòò mìŋ yaà naàŋ wɔŋ nyiiŋ gèeɔ̀ sùà wèè julɔfɔ yèè julɔfɔ. Mìŋ kuwa e gààŋ e fàa yaà e ɗùùnyàŋ anyuùŋ fàa nyàŋ diɛŋ.

Maŋ kèì nyɛɛnɛŋ 2:8

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Sìmanà. “Ke miè gbìaàŋ yɛɛ̀ e yìwìà wo yèɔ yaà wo jiɛ̀jiɛ̀ɔ yaà wo dìàmaàŋ wɔ, wo yèɔ naŋ fɔ̀ yèè wò naŋ ɓɛìŋ kɛ̀ɛ̀ wɔŋ nyiiŋ gèeɔ̀ sùà wɔ.