Luù 24:39 - WƆŊ FƐ̀Ì EBÒ SÌÀŊ DAYÀA

³⁹ Yɛ̀mɛìŋ maŋ kuàim màŋ yaà maŋ golòim màŋ, niŋ yɛmɛ̀ kɛ̀ miàŋ bi wo, esaɓù kɛ̀ wo jinàŋ kuwà màŋ kèìŋ yaà màŋ gòà nààŋ nìŋ yààìm yɛɛmɛ lɛ̀.”

Luù 24:39 ပူးပေါင်းရင်းမြစ်များ

Luù 23:46

Wo Jisɛ̀ naŋ kpààŋ sɛiŋ, yèè wò naŋ woò wààŋ, “Dèda, muàŋ mìŋ naŋ hèè wɔŋ nyììŋ jinàŋ miɔ̀ŋ sìwè.” Wò naŋ tɛɛ̀ woò yèè wò naŋ mìè nyiiŋ.

Luù 24:38

Kɛɛ wo Jisɛ̀ naŋ nyiŋ dawè wààŋ, “Wèè kiìŋ e jùùɛ naŋ yɛi diè? Wèè kiìŋ maŋ keì mɛɛ̀ŋ naiŋ dììyè jii?

Luù 24:40

Wò naŋ nyiŋ tɛɛ̀ woò yèè wò naŋ nyiŋ tɔ̀ɔ̀ le siwèuŋ nɛ̀ yaà maŋ golòuŋ màŋ.

Jɔ̀ɔŋ 20:20

Nààŋ wo Jisɛ̀ naŋ nyiŋ wa tii woò, wò naŋ nyiŋ tɔ̀ɔ̀ le siwèuŋ nɛ̀ yèè e ɓulauŋ nɛ̀. E zɔlɔ̀ gbee naŋ wa dìè anyùùŋ màŋjɛ̀wɛ̀ nyaŋ nààŋ àŋ naŋ wa yɛ̀mɛ̀ wo Kanaà Jisɛ̀.

Jɔ̀ɔŋ 20:25

Anyùùŋ màŋjɛ̀wɛ̀ gbànaŋ nyàŋ naŋ yɛ̀mɛ̀ wo Tàmaŋ, yèè àŋ nauŋ woò nyààŋ, “Èiŋ yɛ̀mɛ̀ wo Kanaà.” Kɛɛ wo Tàmaŋ naŋ nyiŋ wa woò wààŋ, “Sɔɔ̀ ka yɛ̀mɛ̀ maŋ fɔ̀tà maŋ zùuu màŋ maŋ kuàuŋ màŋ, yèè ka miŋ mɛnlɛ̀ɛ̀ŋ, e kìlà ka mɛ̀nlɛ̀ɛ̀ŋ e ɓulauŋ nɛ̀ koɓɛ̀i àŋ nauŋ hɔ̀ɔ̀ ke kpɛɛɛ̀ lɛ, miŋ naàŋ haawè kɛ̀ wò Kanaà yèwà è fàa dìì.”

Jɔ̀ɔŋ 20:27

Wo Jisɛ̀ naŋ wòò wo Tàmaŋ wààŋ, “Yɛ̀mɛ̀ maŋ kuàim màŋ e kìlà muŋ mɛnlɛ̀ɛ̀ŋ maŋ fɔta màŋ, yèè muŋ mɛnlɛ̀ɛ̀ŋ ke fɔtaà e ɓula mɛ̀ koɓɛ̀i àŋ naŋ hɔ̀ɔ̀ ke kpɛɛɛ̀ lɛ. Yèè muŋ hɔnè gè maŋhɛɛ, muŋ kɛɛnɛ̀ŋ e hààwe.”

Nyɛ̀nɛ̀ŋ 1:3

Wèè maŋ ɗɔɔ kpɛ̀ùŋ tìyèe sùà e yìwìà e teengaà wo Kanaà Jisɛ̀ naŋ wa fɔ̀ lɛ, wò naŋ nyiŋ fòlò feìŋ e teenga zimgbe maŋ dòmanyaaŋ titi bà sùà, maŋ yè maŋ naŋ nyiŋ tɔɔ̀ jaŋyai e hààwe sùà kɛ̀ kòò wò yaà wɔŋ nyiiŋ gèeɔ̀ sùà. Àŋ nauŋ yɛmɛ̀, yèè wò naŋ nyiŋ gbòò kɔɔ e nyaàiŋ dè e kèè e Kànà Dayàa.

1Tɛsè 5:23

Tɔ̀ wo Dayàa naŋ wi fè jii fàa wɔ̀ wo nyɛ̀nɛ̀iŋ niŋ nɔ̀ŋ e nɛɛmaŋ sùà dòmaŋ nyaaŋ gbiŋ, yèè wo haà saɓù e tɔ̀mɛ gbiŋ ɓɔ̀ è nɔ̀ŋ è kpùnuiŋ nɛ̀, wò jinàiŋ nɔɔ̀ŋ, yaà kè kpùnaiŋ nɛɛ̀ŋ è teengaà wò Kana wiɔ̀ Jisɛ̀ Kulaì hnàŋ wa nàwèè lɛ.

Hiɓu 12:9

Aŋ dèdà ɗuunyaŋ wi nyàŋ aŋ yè nyaŋ è naiŋ fòlò e kɔɔ sùà nyaŋ, nimilà wì sèè è nyɛnɛŋ e keì naanààŋ, yɛi nɔŋ è yaà è kiɛ̀ŋ nyiìŋ ɓɛ̀ɛ̀jàa. È yaà ngèè pɛɛ tɛ̀ɛ̀ wèè eiŋ jɔ̀ɔ̀lɔ̀ wo Dèdà àìjɛnɛ̀ŋ wiɔ̀ dìì, kɛ̀ èiŋ kùwìè wɔŋ nyiiŋ gèe.

1Jɔ̀ɔŋ 1:1

Ke mìèɛ kiɛ̀ŋ wɔŋ nyiiŋ gèeɔ̀ lɛ, kè yaà wa ko tɔ̀ɔ̀tù e ɗùùnyaàŋ. È naiŋ nyiŋ kòmò kè naŋ gbòò, è naiŋ nyiŋ yɛ̀ɛ̀mɛ̀ le fɛɛ̀ kòmàŋ wilɛ̀, yèè è naiŋ nyiŋ mɛ̀lɛ̀ɛ̀ŋ maŋ kuàŋ wi màŋ.