Luù 24:36 - WƆŊ FƐ̀Ì EBÒ SÌÀŊ DAYÀA

³⁶ Nààŋ anyùùŋ màŋjɛ̀wɛ̀ tìyèe nyàŋ yaà wa wòò anyuùŋ gbànaŋ nyàŋ e keì lɛɛ̀, wo Kanaà Jisɛ̀ wuŋ bi naŋ nyiŋ fòlò feìŋ yèè wò naŋ nyiŋ woò wààŋ, “Ke jii fàa nɔ̀ŋ ko nɛ̀ɛ̀iŋ niìŋ.”

Luù 24:36 ပူးပေါင်းရင်းမြစ်များ

Maafiù 10:13

Sèè anyùùŋ nyaŋ ko gboo wii àŋ jààìŋ kùàŋ dìì, kɛ̀ tɔ̀ e zùùmò ke jii fàaiŋ nɛɛ̀ŋ jeè ko gboo bi. Kɛɛ sèè anyùùŋ nyaŋ ko gboo wii gòiŋ jàà kùàŋ dìì, kɛ̀ tɔ̀ e zùùmò ke jii fàaiŋ nɛɛ̀ŋ kɛɛ̀ ko nɛ̀ɛ̀iŋ niìŋ.

Luù 10:5

Sèè nìŋ kɔ̀à ko gboo gbiŋ wòoìŋ anyùùŋ nyaŋ ko gboo bi jiɛ̀ nààŋ, ‘Ke jii fàa nɔ̀ŋ ko gboo yaà.’

Jɔ̀ɔŋ 14:27

“Mìŋ yààìŋ jùùya sùà ke jìì fà e gbolòùŋ. Ke jìì fà e gbolòùŋ nɛ ke jii miɛ̀ŋ sùà kiiŋ mìŋ yààìŋ jùùya sùà. E fè kè jii fàaà anyùùŋ nyaŋ è ɗuunyaŋ lɛɛ̀ àŋ kiɛ̀ŋ lɛ. Weètii maŋ jiiŋ màŋ ɓɔ̀ mɔɔnɛ̀ŋ ɔ̀ɔ̀ e jùù ɓɔ̀ è nyɛ̀nɛ̀iŋ wèè è yèɛ do nàŋ kaaìŋ lɛ.

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Jɔ̀ɔŋ 20:26

Ke wìkì guùŋ naŋ mààŋ, yèè anyùùŋ màŋjɛ̀wɛ̀ nyaŋ naŋ ɓɛìŋ gbònò koɓɛ̀ guùŋ ko saaìŋ. Wo Tàmaŋ yaà nyiìŋ wa naàŋ e tɛɛ e teenga lɛɛ̀ sùà, e kìlà maŋ gbemgbee màŋ yaà wa ɓɛìŋ yìla miŋ kpaŋ. Wo Jisɛ̀ naŋ hnè yèè wò naŋ nyiŋ sìè e tɛɛ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Nyɛ̀nɛ̀ŋ 1:3

Wèè maŋ ɗɔɔ kpɛ̀ùŋ tìyèe sùà e yìwìà e teengaà wo Kanaà Jisɛ̀ naŋ wa fɔ̀ lɛ, wò naŋ nyiŋ fòlò feìŋ e teenga zimgbe maŋ dòmanyaaŋ titi bà sùà, maŋ yè maŋ naŋ nyiŋ tɔɔ̀ jaŋyai e hààwe sùà kɛ̀ kòò wò yaà wɔŋ nyiiŋ gèeɔ̀ sùà. Àŋ nauŋ yɛmɛ̀, yèè wò naŋ nyiŋ gbòò kɔɔ e nyaàiŋ dè e kèè e Kànà Dayàa.

1 Kɔliìŋ 15:5

wò naŋ fòlò wo Pììlɛ feìŋ yèè wò naŋ fòlò aŋ nyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ gbiŋ feìŋ.

1 Kɔliìŋ 15:7

Wò naŋ fòlò wo Jìiiŋ feìŋ, tii naŋ mààŋ yèè wò naŋ fòlò aŋ keela tàeɗùù nyaŋ gbiŋ feìŋ.

2Tɛsè 3:16

Tɔ̀ wo Kanaà Jisɛ̀ wuŋ bi, wo yèɔ yaà ke dòmàŋ jii fàa wiɛ̀ wɔ wo kiɛ̀iŋ jii fàa dòmaŋ nyaaŋ ɗewe gbiŋ sùà, yèè e teenga gbiŋ sùà. Wo Kanaà nɔ̀ŋ nyɛ̀iŋ gbiŋ maŋjɛ̀wɛ.

Maŋ kèì nyɛɛnɛŋ 1:4

Wo Jɔ̀ɔŋ naŋ sìngè wɔŋ fɛi koɓɛ̀ maŋ gbòò anyùùŋ hààwè ɗì nɔɔnɔŋ le tìyèe màŋ naŋ wa hààwè Jisɛ̀ sùà maŋ kpàlàùŋ kpàlàùŋ wɔŋ fùɔ̀ŋ Eesìàa sùà. Wò naŋ nyiŋ woò wààŋ, E tɛ̀ɛ̀tɛ̀ɛ̀ yaà ke jii fàa nɔ̀ŋ ko nɛ̀ɛ̀iŋ niìŋ e yìwìà wo Dayà sìwè, wo yèɔ yaà wɔŋ nyiiŋ gèeɔ̀ sùà nàaŋ, e kìlà wò yaào wa gɔu, yèè wo yèɔ do nàŋ hnè wɔ, yèè e yìwìà aŋ jìnàŋ nɔɔnɔŋ le tìyèe nyàŋ sìwè, aŋ yè nyaŋ sia ke kpùà kanauŋ nɛɛ̀ŋ feìŋ nyaŋ,