Luù 23:9 - WƆŊ FƐ̀Ì EBÒ SÌÀŊ DAYÀA

⁹ Wo Hɛɛlɔ̀ naŋ dàwè wo Jisɛ̀ maŋ mààŋdàwè zimgbe, kɛɛ wo Jisɛ̀ gò wa wòò è keì gbiŋ.

Luù 23:9 ပူးပေါင်းရင်းမြစ်များ

Maafiù 27:12

Kɛɛ wo Jisɛ̀ gò wa wòò è keì gbiŋ è nyaàiŋ dè màŋ keì maŋ aŋ kànà sìèfèìŋ zòòlo nyàŋ yèè aŋ màmànkùmɛ̀ŋ fuɔŋ nyàŋ nauŋ wa gbùwò ɗì maŋ.

Maafiù 27:14

Kɛɛ wo Jisɛ̀ naŋ wa gè maŋhɛɛ wèè wo wòò kè mìè guùŋ pɛɛ, yèè è naŋ wa kaikpɔ fòònò wo kanaà Paalè.

Maafiù 7:6

“Ɓɔ̀ mùŋ kiɛ̀ŋ è nɛ̀ɛŋ naŋ sɔ̀ wò Dayà dèè lɛ kòɓɛ̀ àŋ sùùŋ. Esaɓù kɛ̀ àŋ do nàŋ kìlè aum gbùwà ke guùŋ. E kìlà ɓɔ̀ mùŋ gbìàŋ mànɛ̀ŋ kɛnɛ kɛ̀ɛ̀nɛ̀ŋ ɓaàum màŋ kòɓɛ̀ àŋ nyùàŋ, àŋ do miŋ nàŋ sɔ̀pɔ̀sɔ̀pɔ̀ maŋ gòlò.

Luù 13:32

Wo Jisɛ̀ naŋ nyiŋ fasàì wààŋ, “Kɔ̀aìŋ niŋ woò wo kààŋ wii nààŋ, ‘Mìŋ yaà nyìmaŋ sùà aŋ jinàŋ naanààŋ, nàaŋ yèè nàwèè mìŋ yaà sùngìè anyùùŋ, yèè mìŋ do nàŋ kpɛɛyɛ̀ maŋ ɗɔ̀ɔ̀ taai sùà.’

Luù 23:10

Kpeiŋ aŋ kànà sìèfèìŋ zòòlo nyàŋ yèè aŋ kààmɔ̀ɔ̀ŋ maŋ Sàwà Dayà nyaŋ naŋ sie yèè àŋ naŋ gbùwò wo Jisɛ̀ maŋ keì naanààŋ zimgbe ɗi.

Jɔ̀ɔŋ 19:9

Yèè wò naŋ ɓɛìŋ kɛ̀ɛ̀ ko sààŋ gbèè kanaà yèè wò naŋ dàwè wo Jisɛ̀ wààŋ, “Kòò mùŋ yewe?” Kɛɛ wo Jisɛ̀ gòuŋ wa fasàì.

Nyɛ̀nɛ̀ŋ 8:32

Kià naŋ yaà wa koɓɛ̀i wo kenàaŋ yaà wa kpinie wɔŋ fɛ̀ì Dayàa sùà lɛ, “Wò yaà mààŋ wo ɓaawaa wo yèɔ àŋ yaà kòasùà wèè auŋ jìwà, ɔ̀ɔ̀ mààŋ wo ɓaawaa bɔwɔ gò ɓɛ̀nɛ̀ŋ gòla sèè àŋ nɔ̀ùŋ hɛ̀nɛŋ sùà maŋ duum ko fɛ̀ɛ̀fèìŋ wo nyuùŋ kɛ̀ɛ̀uŋ nɔɔ̀ŋ. Yèè wo gò wa gbòà.

1Pììlɛ 2:23

E teengaà àŋ yàaùŋ wa pɔ̀ɔ sùà ɓɛ̀ɛ lɛ̀, wo gò kɛ̀lɛ̀ɛ̀ è ɓɛ̀ɛ̀pɔ̀ɔ koɓɛ̀ nyùùŋ, e teengaà wò yaà kɔ̀ɔ̀yɛ̀ keì nyìnga dìì lɛ, wo gò sìà nyùùŋ gbiŋ è jùù, kɛɛ wò kùwìè ke jii tùlia wo Dayà sùà, wo Dayàa gbaì e tɔ̀ɔ̀nyaàaŋ wɔ̀.