Luù 23:5 - WƆŊ FƐ̀Ì EBÒ SÌÀŊ DAYÀA

⁵ Kɛɛ àŋ naŋ wa kùwò e kèì guùŋ bi kpaŋ àŋ yaà woo nyààŋ, “E nɛ̀ɛŋ wò naŋ kàà anyùùŋ nyaŋ lɛ è yaà dàà sùà ke kpùùnɛɛ̀ wɔŋ fùɔ̀ŋ Jùdiàa gbiŋ sùà. Wò naŋ niŋ tɔ̀ɔ̀tù ko Galaliì yèè wò niŋ naàŋ kià halèè.”

Luù 23:5 ပူးပေါင်းရင်းမြစ်များ

Maafiù 11:1

Nààŋ wo Jisɛ̀ naŋ wa kpɛ̀ɛ̀yɛ̀ wòò maŋ keì mɛɛ̀ŋ koɓɛ̀ anyùùŋ màŋjɛ̀wɛ̀ zììyà jɛ̀wɛ̀ tìyèeuŋ nyàŋ, wò naŋ yèwè koɓɛ̀ wii yèè wò naŋ kɔ̀ maŋ jawa nyiŋ màŋ sùà, ko gbùùyè ke mìè Dayàa.

Maafiù 2:1

Àŋ naŋ wa kùmìè wo Jisɛ̀ ko jawaì àŋ nyaaŋ ko Bɛfilehɛɛ̀ŋ wɔŋ fùɔ̀ŋ Jùdiàa sùà, e teengaà wo Hɛɛlɔ̀ yaà wa wo kana lɛ̀. E tèèngà guùŋ bi sùà, anyuùŋ kɛ̀ɛ̀jii bà aŋ yè nyaŋ naŋ wa nyìmè yèè àŋ kiɛ̀ŋ e fàsai e nyaàiŋ dè e ɗewe kiiɛ̀ maŋ ɗu màŋ jaà ke nyiliɛ̀ lɛ naŋ hnè. Anyùùŋ bi naŋ wa e yìwìà e tèèngà ko fùlìè gɔɛɛ̀ yèè àŋ naŋ yɛ̀mɛ̀ e jɛ̀ì kìì maŋ ɗu màŋ ke nyiliɛ̀ yèè àŋ naŋ hnè ko Jùlusɛ̀làm,

Maafiù 27:24

Kpeiŋ nààŋ wo Paalè naŋ wa yɛmɛ̀ kɛ̀ anyùùŋ nyaŋ fè wa wòò è keì kɛnɛ gbiŋ, kɛɛ àŋ manaŋ wa aŋ dàà ke kpùùnɛɛ̀, wò naŋ wa ɓèmè e wùìyè yèè wò naŋ gùò le sìwè ko fɛ̀ɛ̀fèìŋ e faaàŋ, wò yaà woo wààŋ, “Miŋ nyimààŋ è kèè màŋ sɛ̀ìŋ wò felaa wɛɛ̀, weètii nyɛ̀nɛìŋ niŋ nyɛ̀iŋ bi.”

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Luù 11:53

Nààŋ wo Jisɛ̀ naŋ wa naàŋ wèè wo yèwà ko gbòò Fɛlosiìɔ wo yèɔ nauŋ wa nyààŋ wɔ, aŋ kààmɔ̀ɔ̀ŋ maŋ Sàwà Dayà nyaŋ yaà aŋ Fɛlosiì nyaŋ nauŋ tɔ̀ɔ̀tù gbùùya fììfìì yèè aŋ dawàuŋ maŋ mààŋdàwè e nyaàiŋ dè maŋ keì zimgbe,

Luù 23:23

Kɛɛ anyùùŋ nyaŋ yaà wa nɔŋ kpàaŋ sùà keleiŋ nyààŋ aŋ jìwà wo Jisɛ̀. Ko diemeì, e yèɛ àŋ manaŋ wa e kaaìŋ lɛ naŋ hɛɛnɛ̀ŋ.

Luù 23:6

Nààŋ wo Paalè naŋ tɛɛ̀ kòmò, wò naŋ dawè wààŋ, “Wo felaa wɛɛ̀ yaà wo nyùùŋ nòò ko Galaliì?”

Jɔ̀ɔŋ 1:43

Wɔŋ niìsìaà bàa wo Jisɛ̀ naŋ ɗewè wèè wo ka ko Galaliì. Kuŋ wò naŋ mɛ̀ɛ̀ŋ wo Felè yèè wò nauŋ woò wààŋ, “Dèim maŋjɛ̀wɛ.”

Jɔ̀ɔŋ 19:15

Yèè anyùùŋ nyaŋ naŋ kpààŋ sɛiŋ nyààŋ, “Jiwàuŋ! Jiwàuŋ! Kpùùnyaàuŋ wɔŋ vànèkpaaà diɛŋ!” Yèè wo Paalè naŋ nyiŋ dawè wààŋ, “Nìŋ manaŋ ka kpùùnyàŋ wo kanaiŋ nɔɔ̀ŋ wɔŋ vànèkpaaà diɛŋ?” Yèè aŋ kànà sìèfèìŋ zòòlo nyàŋ naŋ fasaì nyààŋ, “Wo kanaà nɔŋ è kùwàìŋ wɔ nàŋ yaà wo Siisɔ̀, wo kànà anyùùŋ ko Luùm nyaŋ.”

Jɔ̀ɔŋ 2:11

E kèè mèè jiɛ̀jiɛ̀ɛ lɛɛ̀ wo Jisɛ̀ naŋ wa nyɛ̀nɛ̀ŋ wɔŋ nyiiŋ gèeuŋ nɔɔ̀ŋ sùà. Kɛɛ tɛɛ̀ naŋ wa kààìŋ ko Kenàŋ, wɔŋ fùɔ̀ŋ Galaliìɔ sùà. Kuii wo Jisɛ̀ naŋ wa tɔ̀ɔ̀ e gààŋ jòòwòuŋ nɛ̀, yèè anyùùŋ màŋjɛ̀wɛ̀uŋ nyàŋ nauŋ wa kɛ̀ɛ̀nɛ̀ŋ hààwe sùà.

Jɔ̀ɔŋ 7:41

Aŋ bà nyiŋ naŋ woò nyààŋ, “Wuŋ nàŋ yaà wo yèɔ wo Dayà naŋ tàeɗùù wèè wo joeyè e ɗuunyaàŋ wɔ.” Kɛɛ aŋ bà nyiŋ naŋ dawè nyààŋ, “Tɔɔɓaa wo yèɔ wo Dayà naŋ tàeɗùù wèè wo joeyè e ɗuunyaàŋ wɔ ɓɛ̀nɛ̀ŋ yèwà ko Galaliì?

Jɔ̀ɔŋ 7:52

Yèè aŋ màmàŋkùmɛŋ nyàŋ naŋ fasàì nyààŋ, “Nìkɔ̀dimɔ̀, muàŋ pɛɛ mùŋ yewe ko Galaliì? Kɛ̀ kpɛnɛ̀ŋ weè wɔŋ fɛ̀ì Dayàa. Yèè mùŋ do naŋ nyìmè kɛ̀ wo wɛ̀ijì gbiŋ wo naàŋ yèwè kò Galaliì.” [

Nyɛ̀nɛ̀ŋ 10:37

Nàŋ nyìmàŋ kɛ̀ kiìŋ naŋ kaaìŋ wɔŋ fùɔ̀ŋ Ezɔ̀ɛ̀ɔ gbiŋ sùà. E gbiŋ naŋ wa tɔ̀ɔ̀tù ko Galaliì wɔŋ fùɔ̀ŋ Jùdiàa sùà, e teengaà wo Jɔ̀ɔŋ naŋ wa gbòò ke mìè Dayàa e kìlà wò naŋ woò wààŋ kɛ̀ sɔɔ̀ wo nyùùŋ gbiŋ wo nɔ̀ŋ gùauŋ.

Nyɛ̀nɛ̀ŋ 23:10

Àŋ naŋ dàà ke gùuŋ e nyaàŋ tàaŋ nyiŋ nɛ̀ sùà, yèè e jùù naŋ nyɛ̀nɛ̀ŋ wo kànà aŋ kààlòòɗùà nyaŋ kɛ̀ anyùùŋ nyaŋ ɓɛ̀nɛ̀ŋ jìwà wo Pɔɔ̀ e kìlà auŋ sɛ̀ɛ̀sɛ̀ɛ̀ maŋ fàà nyɛ̀ɛ̀nyɛ̀ɛ̀. Kpeiŋ wò naŋ tùɔ̀ŋ aŋ kààlòòɗùàuŋ nyaŋ wèè aŋ gè nyiŋ wo Pɔɔ̀ e tɛɛ maŋ dùaŋ dùaŋ aŋ koàuŋ ko gbòòkùàŋ aŋ kààlòòɗùà nyaŋ.

Nyɛ̀nɛ̀ŋ 5:33

Nààŋ anyùùŋ gbèègbèè fuɔɔ̀ŋ naŋ wa tɛɛ̀ kòmò, àŋ naŋ wa tuù yèè àŋ manaŋ wa wèè aŋ jìwà aŋ keela tàeɗùù nyaŋ.

Nyɛ̀nɛ̀ŋ 7:54

Nààŋ anyùùŋ gbèègbèè fuɔɔ̀ŋ yaà wa kùmìàŋ sùà e keìɛ wo Siiwììŋ yaà wa woo lɛ̀, àŋ naŋ wa tuù àŋ gè gbìlà le sìaŋ e wùàŋ sùà weèuŋ.

Nyɛ̀nɛ̀ŋ 7:57

Wèè tɛɛ̀, anyùùŋ gbèègbèè fuɔɔ̀ŋ naŋ hɔ̀ɔ̀ maŋ kiiyò nùŋ, yèè àŋ naŋ kpààŋ sɛiŋ aŋ vaì auŋ kùwà fiò,