Luù 23:43 - WƆŊ FƐ̀Ì EBÒ SÌÀŊ DAYÀA

⁴³ Wo Jisɛ̀ nauŋ woò wààŋ, “Tɔ̀ miŋ woòum e tɔɔɓaaà, yàwium do nàŋ nɔ̀ŋ ko jàwà Dayà nàaŋ ɗɔɔ yɛɛ̀.”

Luù 23:43 ပူးပေါင်းရင်းမြစ်များ

Luù 19:10

Miàim wo Jɔ̀àfèlàà Nyuùŋ Kpùnɔɔ̀ŋ naŋ hnè wèè ka kàmè e kìlà ka jòèyè anyùùŋ nyaŋ naŋ go nyàŋ.”

Luù 23:42

Kpeiŋ wò naŋ wòò wo Jisɛ̀ wààŋ, “Jisɛ̀, jaàim jii sèè mùŋ hnàŋ wa nàwèè e Kana mɔ̀ɛ̀ sùà!”

Jɔ̀ɔŋ 14:3

Yèè sèè mìŋ kɔ̀à mìŋ kpɛɛyɛ̀o bàne, mìŋ do nàŋ hnè wèè kaiŋ noo koà, wèè kɛ̀ yàwi nààŋ gbiŋ eiŋ nɔ̀ŋ koɓɛ̀ guùŋ.

Jɔ̀ɔŋ 17:24

“Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

2 Kɔliìŋ 5:8

È naiŋ dìè maŋ jii nyingè e jèèsùà e weè pɛɛ mànàŋ wèè eiŋ jòà maŋ gboo wi màŋ ke kpùnaàŋ sùà wèè eiŋ kà ko gbooì koɓɛ̀i wo Kanaà yaà lɛ.

Fèle 1:23

Mìŋ sia maŋ dòmàŋ gbààmàŋ tìyèe. Mìŋ manaŋ wèè ka jòà e ɗuunyaŋ lɛɛ̀ wèè ka nɔ̀ŋ koɓɛ̀ Jisɛ̀ Kulaìi, e yèɛ do nàŋ nɔ̀ŋ tɛ̀ɛ̀ e nìàŋ wèè ka nɔ̀ŋ wɔŋ nyiiŋ gèeɔ̀ sùà.

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

Maŋ kèì nyɛɛnɛŋ 2:7

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, kòmàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ. “Koɓɛ̀ anyùùŋ nyaŋ do nàŋ ɓùlò nyaŋ, e jìwààjɛ̀wɛ̀ nyiŋ nɛ̀ do nàŋ nɔ̀ŋ wèè ka nyiŋ gè nyààŋ diɛŋ aŋ gbìlà ke kuù kòmàŋ yìwìà ke kùlɛ̀ɛ kiɛ̀ŋ wɔŋ nyiiŋ gèe, ke yèɛ sia wɔŋ gbòlò maŋ nyùànɛ̀ŋ Dayà maŋ sùà yɛ.”