Luù 23:40 - WƆŊ FƐ̀Ì EBÒ SÌÀŊ DAYÀA

⁴⁰ Kɛɛ wo nyuùŋ wùaà bàa sɛɛ wa wɔŋ vànèkpaauŋ nɔɔ̀ŋ diɛŋ wuŋ pɛɛ wɔ̀ naŋ gbùùyè wo dàwiuŋ nɔɔ̀ŋ yèè wò nauŋ woò wààŋ, “Muŋ fè dùàŋ Dayà? Mùŋ naŋ kɔ̀ e kèì nyìngà guùŋ nɛ dìì e yèɛ wuŋ pɛɛ naŋ kɔ̀ dìì lɛ.

Luù 23:40 ပူးပေါင်းရင်းမြစ်များ

Maafiù 20:9

Àŋ naŋ wa pààwà anyùùŋ nyaŋ naŋ wa tɔ̀ɔ̀tù tòmo e gɔɛɛ gbòà è nɔɔnɔɛ̀ŋ nyaŋ ke kaiŋ fua nɛɛnɛŋ wèè wo nyùùŋ guùŋ gbiŋ.

Maafiù 8:26

Kpeiŋ wo Jisɛ̀ naŋ dàwè anyùùŋ màŋjɛ̀wɛ̀uŋ nyàŋ wààŋ, “Wèè kiìŋ e jùùɛ nyɛ̀nɛ̀ìŋ? Kiìŋ è hààwe jɔa nìŋ kuwa yɛi?” Wo Jisɛ̀ naŋ yèwè dìì wo sie wo wòò wɔŋ dùfòìɔ yaà e bɔiŋ nɛ̀ wààŋ, “E dìà yɛi!” Wɔŋ dùfòìɔ yaà e bɔiŋ nɛ̀ naŋ gɔ̀àà dìì, yèè e dìì naŋ nɔ̀ŋ gìli.

Luù 12:5

Tɔ̀ miŋ tɔɔ̀iŋ kɛ̀ ɓòò nìŋ kuwa naŋ dùàŋ. Dùaìŋ wo Dayà, wo yèɔ pɔɔpɔ̀ɔ̀ wɔŋ nyiiŋ nɔɔ̀ŋ, e kìlà wò kuwa e gààaŋ wèè weiŋ gbìàŋ ko jàhamaŋ. Hààwe nìim, wo Dayà nàŋ yaà wo nyùnɔ̀ɔŋ nìŋ kuwa naŋ dùàŋ wɔ!”

Luù 23:39

Anyùùŋ wùà tìyèe nyàŋ sɛ̀ɛ̀ wa maŋ vànèkpaa nyiŋ màŋ diɛŋ wo Jisɛ̀ kɔɔ nyàŋ bà guùŋ nauŋ wòò maŋ mìè ɓɛ̀ɛ̀pɔ̀ɔ. Wò naŋ woò wààŋ, “Muàŋ nàŋ fè wò Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ? Jòèyè muàŋ bi yèè muŋ joeyè wi!”

Luù 23:41

Sèè è nɔ̀ŋ wèè e je wilɛ̀, è yaà tɔ̀ɔ̀nyaàŋ, esaɓù kɛ̀ yàwi bi naŋ niŋ kamè wèè e keì naanààaŋ è naŋ nyɛ̀nɛ̀ŋ lɛ. Kɛɛ wuŋ wo gò nyɛ̀nɛ̀ŋ è keì naanààŋ bà gbiŋ.”

Ɛfesɔ̀ 5:11

Ɓɔ̀ nìŋ nɔ̀ŋ àŋ bàiŋbà kòɓɛ̀ màŋ keì naanààŋ maŋ anyùùŋ nyaŋ nyɛnɛŋ màŋ, maŋ keì maŋ kaaàŋ ke nyìwìɛ sùà maŋ. Kɛɛ fùlià miŋ ko gbolòùŋ.

Maŋ kèì nyɛɛnɛŋ 15:4

Ɓòò nààŋ naum kìɛ̀ŋ ɓɛ̀ɛ̀jàa e kìlà wo jòòwò e deè mɔ̀ɛ̀, Kanaà? Ɓòò nàŋ do nàŋ gè maŋhɛɛ wèè wo dàànè ebò e gbee mɔ̀ɛ̀? Muàŋ guùŋ nàŋ yaà wo jè nɛɛmaàŋ. Anyùùŋ nyaŋ maŋ fuɔŋ màŋ gbiŋ sùà do nàŋ hnè yèè aum zoolò, esaɓù kɛ̀ àŋ yɛmɛ̀ maŋ kpèè tɔ̀ɔ̀nyaàum màŋ gbiŋ janjai.”

Maŋ kèì nyɛɛnɛŋ 16:11

yèè esàɓù maŋ keì nyìnga yèè manɛ̀ŋjèla màŋ naŋ nyiŋ wa kùwò maŋ, àŋ naŋ dìɛ̀ŋ wo Dayà wo yèɔ kuwa e gààŋ ko àìjɛnɛ̀ŋ wɔ. Kɛɛ aŋ gò wa fè màŋ tùwo naanààŋ nyiŋ màŋ jɛwɛ.