Luù 23:33 - WƆŊ FƐ̀Ì EBÒ SÌÀŊ DAYÀA

³³ Nààŋ àŋ naŋ wa hnè koɓɛ̀i àŋ nyaaŋ nyààŋ “Koɓɛ̀ maŋ Ɗì Kòkòi,” kuŋ àŋ naŋ wa jìwìyè wo Jisɛ̀ wɔŋ vànèkpaaà diɛŋ, e hààwè anyùùŋ wùà tìyèe nyàŋ. Wò guùŋ yàaùŋ wa wɔŋ kùàŋ jìka yèè wò guùŋ yàaùŋ wɔŋ kùàŋ gbɔnɔŋ maŋ je nyiŋ vànèkpaa màŋ diɛŋ.

Luù 23:33 ပူးပေါင်းရင်းမြစ်များ

Maafiù 20:19

yèè àŋ doim nàŋ kìlè koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ doim nàŋ hiilè, aim ɓùlà yèè aim jìwà. Sèè e gɔ̀ɛ̀ɛ̀ taai maaŋ, mìŋ do nàŋ yèwè e fàaà dìì wɔŋ nyiiŋ gèe sùà.”

Maafiù 26:2

“Nàŋ nyìmàŋ kɛ̀ maŋ ɗɔ̀ɔ̀ tìyèe naŋ joo wèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì, e kìlà àŋ do nàŋ kìlè miàim wo Jɔ̀àfèlàà Nyuùŋ Kpùnɔɔ̀ŋ koɓɛ̀ anyùùŋ nyaŋ wèè aim jìwà.”

Luù 24:7

Wo naiŋ wa woò wààŋ, ‘Miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ kìlaim koɓɛ̀ anyùùŋ maŋ jùumù, e kìlà aim jìwìà wɔŋ vànèkpaaà diɛŋ. Yèè sèè e gɔ̀ɛ̀ɛ̀ taai maaŋ ka ɓɛìŋ kɛ̀ɛ̀ wɔŋ nyiiŋ gèeo sùà.’ ”

Jɔ̀ɔŋ 18:32

Tɛɛ̀ zà naŋ wa kaaìŋ wèè e nyɛ̀nɛ̀ŋ e yèɛ wo Jisɛ̀ naŋ wa woò lɛ e hɛɛnɛ̀ŋ nààŋ wò naŋ wa wòò e ɗewe kiiɛ̀ wò do wa nàŋ fɔ̀ lɛ.

Jɔ̀ɔŋ 3:14

“Màànààŋ nɔŋ wo Mòòze naŋ wa dìkìè wo kaì bàànè maŋ kàìɔ ke kùù yèè wò nauŋ jòòwò fùùŋ ke fòùngà e diì wòaà diɛŋ lɛ̀, yɛi nɔŋ miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwoim e ɗèwè kìì guùŋ nɛ sùà.

Nyɛ̀nɛ̀ŋ 13:29

Nààŋ àŋ naŋ wa naàŋ kpɛ̀ɛ̀yɛ̀ nyɛ̀nɛ̀ŋ e yèɛ wɔŋ Fɛ̀ì Dayàa naŋ woò lɛ, nààŋ àŋ naŋ wa jìwè wo Jisɛ̀, àŋ naŋ wa gè e dieuŋ nɛ̀ e yìwìà wɔŋ vànèkpaaà diɛŋ yèè àŋ nauŋ hèè ke hùaàŋ sùà.

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

Nyɛ̀nɛ̀ŋ 5:30

Nìŋ naŋ wa jìwìè wo Jisɛ̀ wɔŋ vànèkpaa diɛŋ. Kɛɛ wo Dàyà aŋ nèwàènèwe wi nyàŋ nauŋ gè e fàaà dìì wɔŋ nyiiŋ gèeo sùà.

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.