Luù 23:26 - WƆŊ FƐ̀Ì EBÒ SÌÀŊ DAYÀA

²⁶ Nààŋ aŋ kààlòòɗùà nyaŋ yaà wa kòasùà wo Jisɛ̀, àŋ naŋ kùwò wo felaa bà àŋ nyaaŋ Saimɔ̀ŋ wò yaà wa yìwìè ko ɓùuŋ noo. Wò yaà wa wo nyùùŋ ko jawa gbeeì àŋ nyaaŋ Sàlinìŋ. Àŋ nauŋ kìɛ̀ŋ wɔŋ vànèkpaaà wèè wo koà wuŋ wo Jisɛ̀ maŋjɛ̀wɛ.

Luù 23:26 ပူးပေါင်းရင်းမြစ်များ

Maafiù 5:41

Sèè wo nyuùŋ gbee woum kùwà maŋ gaangaa wèè maŋ kòà wɔŋ nɛ̀nfoouŋ nɔɔ̀ŋ wèè e hààwà guùŋ, kòa wuŋ wèè e hààwà tìyèe.

Luù 14:27

Wo nyùùŋ gbiŋ fè ɓɛ̀nɛ̀ŋ nɔ̀ŋ wò nyùùŋ màŋjɛ̀wɛ̀im sɔɔ̀ nɔŋ wo ɓèmè wɔŋ vànèkpaauŋ nɔɔ̀ŋ woim dè maŋjɛ̀wɛ.

Luù 23:25

Wò naŋ dàngè wo Bàlaɓà wo ka, wo yèɔ àŋ naŋ wa gbìɛ̀ŋ ko sààŋ nyìwì esaɓù kɛ̀ wò naŋ wa dàà e gbɔ̀ɔɔ e kànà fuɔɔ̀ŋ diɛŋ e kìlà wò naŋ jìwè nyùùŋ, esaɓù kɛ̀ wuŋ anyùùŋ nyaŋ manaŋ wa wèè wo dangè. Kpeiŋ wò naŋ kìlè wo Jisɛ̀ ko nɛ̀ɛ̀ŋ nyiŋ niìŋ wèè nyiniàuŋ e nɛ̀ɛŋ àŋ manaŋ wa lɛ̀.

Luù 9:23

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo nyɛ̀ɛ̀nɛ̀ŋ e kèè wɔŋ bi, wo ɓèmè wɔŋ vànèkpaauŋ nɔɔ̀ŋ ke ɗɔɔ gbiŋ, woim dè maŋjɛ̀wɛ.

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 2:10

wɔŋ fùɔ̀ŋ Fɛgìàa yaà wɔŋ fùɔ̀ŋ Pàŋfelìàa, wɔŋ fùɔ̀ŋ Ijèɔ yaà wɔŋ fùɔ̀ŋ Leɓìàa e gbɛ̀ɛ̀ ko Sàlinìŋ. Yàwi nààŋ bà nyiŋ è yààìŋ anyùùŋ ko Luùm,

Nyɛ̀nɛ̀ŋ 6:6

Ke gbòòɛ naŋ wa kìɛ̀ŋ anyùùŋ nyɛɛ̀ŋ koɓɛ̀ aŋ keela nyàŋ. Kpeiŋ aŋ keela nyàŋ naŋ nyiŋ zoolò yèè àŋ naŋ nyiŋ gbùwò maŋ kùàŋ diɛŋ wèè e tɔɔ̀ kɛ̀ àŋ nyiŋ tàeɗùù wèè aŋ nyɛ̀nɛ̀ŋ e tòmo lɛɛ̀.

Nyɛ̀nɛ̀ŋ 6:9

Kɛɛ aŋ felaa bà, aŋ yè nyaŋ yaà wa aŋ bà nyiŋ bà ke sààŋ zòòlò aŋ Juùù nyaŋ dìì wèè Anyuùŋ fòlà ɗo dìì nyaŋ, gò wa jàà wò Siiwììŋ kùàŋ dìì. Aŋ Juùù nyɛɛ̀ŋ naŋ wa nɔ̀ŋ aŋ ɗo, kɛɛ àŋ naŋ wa naàŋ yɛ̀mɛ̀ e tɔ̀ɔ̀nyaàŋ nyiŋ nɛ̀. Aŋ Juùù nyɛɛ̀ŋ bà nyiŋ yaà wa anyùùŋ e yìwìà ko Sàlinìŋ, yaà aŋ Juùù nyuuŋ bà e yìwìà ko Àlèzandilà e hààwè maŋ kpàlàùŋ kpàlàùŋ fùɔ̀ŋ Sèlesìàa yèè ko Eesìà. Anyùùŋ nyɛɛ̀ŋ naŋ wa tɔ̀ɔ̀tù wo Siiwììŋ gììyà maŋhɛɛ.