Luù 23:22 - WƆŊ FƐ̀Ì EBÒ SÌÀŊ DAYÀA

²² Wo Paalè naŋ nyiŋ ɓɛìŋ dawè e dìà taaà sùà wààŋ, “Kɛɛ kiìŋ kè sàwà wò naŋ pɔɔ̀? Miŋ gò yɛ̀mɛ̀ è keì naanààaŋ wò naŋ nyɛ̀nɛ̀ŋ lɛ wèè auŋ jìwà. Mìŋ do nɔŋ nàŋ nyɛ̀nɛ̀ŋ auŋ ɓùlà yèè kauŋ dangè wo ka.”

Luù 23:22 ပူးပေါင်းရင်းမြစ်များ

Luù 23:14

Wò naŋ nyiŋ woò wààŋ, “Nìŋ naŋ hìɛ̀ŋ wo felaa wɛɛ̀ ko nɛ̀ɛ̀ŋ miìŋ yèè nìŋ naŋ woò nààŋ wò yaà dè sùà anyùùŋ nyaŋ ke dòmaŋ naanààŋ diɛŋ. Kàuŋ dawedàwè ko fɛ̀ɛ̀fèìŋ nyɛ̀iŋ nààŋ gbiŋ, kɛɛ miŋ gò yɛ̀mɛ̀ è keì naanààaŋ wò naŋ nyɛ̀nɛ̀ŋ lɛ è nyaàiŋ dè màŋ keì maŋ nìŋ nauŋ jàà ɗì maŋ.

Luù 23:16

Mìŋ do nɔŋ nàŋ nyɛ̀nɛ̀ŋ auŋ ɓùlà yèè kauŋ dangè wo ka.” [

Luù 23:20

Wo Paalè manaŋ wa wo dàngè wo Jisɛ̀ wo ka, yèè wò naŋ ɓɛìŋ gbòò koɓɛ̀ anyùùŋ nyaŋ.

Luù 23:21

Kɛɛ anyùùŋ nyaŋ naŋ kpààŋ nyààŋ, “Jìwiàuŋ wɔŋ vànèkpaaà diɛŋ! Jìwiàuŋ wɔŋ vànèkpaaà diɛŋ!”

Luù 23:23

Kɛɛ anyùùŋ nyaŋ yaà wa nɔŋ kpàaŋ sùà keleiŋ nyààŋ aŋ jìwà wo Jisɛ̀. Ko diemeì, e yèɛ àŋ manaŋ wa e kaaìŋ lɛ naŋ hɛɛnɛ̀ŋ.

Luù 23:4

Kpeiŋ wo Paalè naŋ wòò aŋ kànà sìèfèìŋ zòòlo nyàŋ wààŋ, “Miŋ gò yɛ̀mɛ̀ ke sàwàa wò felaa wɛɛ̀ naŋ pɔɔ̀ yɛ wèè kauŋ jèè è keì.”

1Pììlɛ 1:19

È yaà wa maŋ sɛ̀ìŋ nyìngà ɓàà Jisɛ̀ Kulaì maŋ wò naŋ gììyè saàà lɛ, wo yèɔ yaà wa mààŋ wo Ɓaawaa gò kùwìè è tɔ̀mɛ dòmaŋ nyaaŋ gbiŋ wɔ̀.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,