Luù 23:2 - WƆŊ FƐ̀Ì EBÒ SÌÀŊ DAYÀA

² Yèè àŋ nauŋ tɔ̀ɔ̀tù e keì jàà ɗì nyààŋ, “È naiŋ kùwò wo felaa wɛɛ̀ wò yaà dè sùà anyuùŋ wi nyàŋ ke dòmaŋ naanààŋ diɛŋ. Wò naŋ nyiŋ woò wààŋ kɛ̀ ɓɔ̀ àŋ paawà è nɛ̀ɛ̀nɛ̀ŋ fuɔŋ kòɓɛ̀ Siisɔ̀i, wo Kànà anyùùŋ fùɔ̀ŋ Luùm nyaŋ. Wò naŋ ɓɛìŋ ɓèmè wuŋ bi wèè wo nɔ̀ŋ wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo kana wiɔ̀.”

Luù 23:2 ပူးပေါင်းရင်းမြစ်များ

Maafiù 17:27

Kɛɛ e manàŋ wèè ànyùùŋ nyɛɛ̀ŋ aŋ wi tùù sìwè. Weètii kɔ̀à wɔŋ juwoɔ̀ muŋ dàào wɔŋ jàà yèè muŋ kùwà wo kɛì jiɛ̀jiɛ̀ɔ. Yìlè wo kɛìɔ nyààŋ, yèè mùŋ doo nàŋ mɛ̀ɛ̀ŋ ke kaiŋ fua nɛɛnɛŋ. Kɔ̀à muŋ kiɛ̀ŋ nyiŋ ke nɛɛnɛɛ̀ŋ wèè aŋ paawà nyiŋ weè wi ko Saaŋ Zòòlò Dayài.”

Maafiù 22:21

Aŋ naŋ fasàì nyààŋ, “Wo Kanaà Siisɔ̀.” Kpeiŋ wo Jisɛ̀ naŋ nyiŋ woò wààŋ, “Kìɛ̀ŋ koɓɛ̀ wo Kanaà Siisɔ̀ e nɛ̀ɛŋ wò kanaŋ lɛ̀, yèè muŋ kiɛ̀ŋ wo Dayà e nɛ̀ɛŋ wò kanaŋ lɛ̀.”

Maafiù 27:11

Wo Jisɛ̀ naŋ sìè wo kànà anyùùŋ ko Luùm nyaŋ ko fɛɛ̀feìŋ yèè wo Paalè nauŋ dawè wààŋ, “Muàŋ nàŋ yaà wo kànà aŋ Juùù nyaŋ?” Wo Jisɛ̀ naŋ fasàì wààŋ, “Nyɛ̀iŋ naŋ yɛi woò.”

Luù 23:14

Wò naŋ nyiŋ woò wààŋ, “Nìŋ naŋ hìɛ̀ŋ wo felaa wɛɛ̀ ko nɛ̀ɛ̀ŋ miìŋ yèè nìŋ naŋ woò nààŋ wò yaà dè sùà anyùùŋ nyaŋ ke dòmaŋ naanààŋ diɛŋ. Kàuŋ dawedàwè ko fɛ̀ɛ̀fèìŋ nyɛ̀iŋ nààŋ gbiŋ, kɛɛ miŋ gò yɛ̀mɛ̀ è keì naanààaŋ wò naŋ nyɛ̀nɛ̀ŋ lɛ è nyaàiŋ dè màŋ keì maŋ nìŋ nauŋ jàà ɗì maŋ.

Luù 23:5

Kɛɛ àŋ naŋ wa kùwò e kèì guùŋ bi kpaŋ àŋ yaà woo nyààŋ, “E nɛ̀ɛŋ wò naŋ kàà anyùùŋ nyaŋ lɛ è yaà dàà sùà ke kpùùnɛɛ̀ wɔŋ fùɔ̀ŋ Jùdiàa gbiŋ sùà. Wò naŋ niŋ tɔ̀ɔ̀tù ko Galaliì yèè wò niŋ naàŋ kià halèè.”

Jɔ̀ɔŋ 18:29

Kpeiŋ wo Paalè naŋ fòlò ko jɔɔlèe ko nɛ̀ɛ̀ŋ nyiŋ niìŋ, yèè wò naŋ nyiŋ dawè wààŋ, “Kiìŋ kè sàwà wo kenàŋ wɛɛ̀ naŋ pɔɔ̀?”

Jɔ̀ɔŋ 18:30

Anyùùŋ nyaŋ naŋ fasàì nyààŋ, “Wò yaà wo nyuùŋ pɔ̀ɔ̀ ke sàwà! Esaɓùɛ lii è nauŋ hìɛ̀ŋ ko nɛ̀ɛ̀ŋ muìŋ.”

Jɔ̀ɔŋ 19:12

Nààŋ wo Paalè naŋ wa tɛɛ̀ kòmò, wò manaŋ wa kai wo dàngè wo Jisɛ̀ wo ka foo. Kɛɛ aŋ Juùù nyaŋ naŋ wa ngèè ɓɛìŋ kpààŋ sɛiŋ nyààŋ, “Sèè maŋ dàngè wo felaa wɛɛ̀ wo ka foo, kɛ̀ muŋ fè wò nyùùŋ mɔ̀ɔ̀nɔ̀ŋ Siisɔ̀, wò kànà fùɔ̀ŋ anyùùŋ Luùm nyaŋ! Wo nyùnɔ̀ɔŋ gbiŋ ɓemàŋ wuŋ bi wèè wo nɔ̀ŋ wo kana wɔ̀ wò yaà wo jòòuŋ koɓɛ̀ wo kànà fùɔ̀ŋ anyùùŋ Luùm nyaŋ.”

Nyɛ̀nɛ̀ŋ 24:13

Aŋ kuwà kè dòmàŋ tɔ̀ɔ̀nyaàŋ gbiŋ janyai wèè màŋ keì mɛɛ̀ŋ àŋ yààìm yaà gbùwà sùà ɗì maŋ.

Nyɛ̀nɛ̀ŋ 24:5

Wo felaa wɛɛ̀ yaà wo nyuùŋ dàà ke gbòà yèè ke kpùùnɛɛ̀ wèè aŋ Juùù nyuuŋ nyaŋ e ɗuunyaàŋ gbiŋ sùà. Wò yaà ɓɛìŋ wo ɓɛ̀màŋɗì ke gbòò bà e yìwìà ko Naazɔ̀ɛ̀.

Luùm 13:7

Kpeiŋ, kìɛìŋ manɛ̀ŋ maŋ gbiŋ nìŋ kuwa e kpàŋ wèè naŋ kiɛ̀ŋ maŋ. Kìɛìŋ e nɛ̀ɛ̀nɛ̀ŋ fuɔŋ wèè manɛ̀ŋ kɛ̀ɛ̀nɛiŋ màŋ yaà manɛ̀ŋ bòliiŋ màŋ ko nɛ̀ɛ̀ŋ nyiŋ niìŋ. Jɔ̀ɔ̀lɔìŋ e kìlà niŋ kiɛ̀ŋ e ɓɛ̀ɛ̀jàa gbee koɓɛ̀ aŋ kana nyàŋ gbiŋ.